Car amis de Coumboscuro,

   sal lounq dal journ, entramentìe que travaién ente l'ateìe de sculturo, preiquén encaro de la festo patoisanto  de Oulx, perque es ilài la derrièro vinco que vous avén escountra e dich "arveire". En journ que pouarén pa oublidàr! Encaro uro pensén à la nuéch denàn, que avén gnanco sara i uéi, per pouér desveiàsse per temp, e la matina, quouro sén parti,  i ero i estelle que trihaven ent'al ciel e la cevitou bramavo.

   Coumo es luegn Oulx! Nous esmiavo pu de arubaie! I lai avén chanta de laude en patoua dal temp de la Mésso e soubretout nous a fach pia sìr de counoùisse lou Capoulié e lou Baile dòu Felibrige e  lou professour Grassi, nouvél President de l'Escolo dòu Po.

   Pouarén decò pa oublidàr la Réino Viveto, que lou journ d'apréss  i'es vengùo troubànou ici, à Sancto Lucìo, per istàr en pau abou nousiati; e mandén en salut à i Espadounaire de Pount de Cervières e de la Val Suso que i'nous an fach la danso dal Bacchu-Ber. Es bèl, per i feste dal patoua, veire tuchi i nuésti amis piemountés e prouvençal ensèm, sempre enca mai numbrous d'en an à l'aute, à chantàr la "Coupo".

   Uro voulén decò douna-vou na novo: per Natal, aquest an avén en ment de fàr la Rapresentacioun Sacro en patoua e nous fasarìo bèn piasìr que prou de vousiauti pouéssen venìr sénte-nou. Vous envitén de tout còr, per i feste, ici à.Sancto Lucìo: e se vené, vestié-vou en pau pu mai de chapel e de manteline, perque fasaré fréit e fin à tart i estelle tramoularén s'i beq d' i roche.

   Arvéire fitou fitou ent'acò nòste!

 

I Fraire e i Frairét de COUMBOSCURO