Douna na man 'd bianq ou de ròso

an-aquele muraie scurcìe,

mavùi di-vous na coco:

cancella-lo ren l'antìco meridiano.

I  nous cònto ed n'èro lountano 

e i marco maq i'oùre serene.

Embouca les péire sgarnìe,
ma aquél pertùs d'soubre al barcoun

stupa-lou ren.

Ent'la bello estajoùn

i ven la fernisòlo

à pausàr lou sìou ni.

Douna pì de souléi

à i'àule escure ed l'escolo.

Ma aquél viéi téi

arambo taiàlou ren

Da tantes annade fidel

al fiourìs ent'i journ d'ista

e les abéies douràa

i vénoun cuìr lou mél.