Courtéso Redacioun,

   sìou un garçoun de la Touréto, qu'esto a Turin. Estudìou, ma quonte vau pas a l'escolo, venou asùs, per ajuhàr ai mi paiéi à travaiar la campagno.

   L'es pr'acò que me fasariho piasèr veire uno friso de civilta e pensou que sariho uno causo ben  facho butar i fogne ent'aquest paìs.

   Escandalisàses pas, coumo per dir: «L'es pas poussibou qu'un pais a pas i fogne, figurences èiro, qu'anén sus la luno e qu'en parlo de smog. Magaro en Sibèrio ou ente l'Afrìco, ma ente l'Ouropo pas! ».

   Tonti an dich: « Ma oui, attendé quarqui més e après... ».

   Mi vourihou sabér après l'« après » ço que ven.

   S'ana a la Touréto quouro la piòu, vié i vie que soun devenguhe de bialère de jus, de pauto en tuche i cantoun e l'aigo di garbe quouro aribo en tèrro, espuisio endapertout.

   D'ivèrn, quouro la jalo, i viéi pòioun gnonco sorte de maisoun per la pòu di lame de guias que soun en tèrro. L'es uno causo civilo acò ici?

   A jun les autoritas loucales on dich que tuche i liamìer sìoun buta foro dal pais per rasoun d'ijèno: bèn d'acordi, ma i fogne soun outan empourtonte! Ent  un pais 'mé d'es estabies e d'es vaches i liamìer mancoun pas, ma i fogne demounstroun civilta.

     Arveire a tuchi!