(nouveles de vido nosto)

-A LA THUILE (Aousto)- Aurganisa per la Rejoun Autònomo e anima per l'amis René Willien, lou 30 de mai 1973 s'es passa lou 11ème CONCOURS DE PATOIS

«ABBE' CERLOGNE », FESTO dal PATOIS, reserva à lis escoles elementares e medies. Uechcent escoular counvengu de touto la Vallée, an pourta lou ressoun de i patois, vero forço espritalo dal pople valdoustàn. Present, abou i pichot fraire de Valdousto, i escoulan de Sancto Lucìo de Coumboscuro, que an dança, e li belles escoles de Nouvalêso e Suso (elementares e medies), abou lou prouf. Ferrero.

-VALADES DE LANS - 6 FESTA DEL PIEMONT - tenarè tout lou mès de la Madalèno e toucharè abou uno tièro de manifestacioun lateralo tuchi i vilage lansaròl: Lans, Alo, Crouséto, Viu, Groschival, Balangìer, Mesnil, Psinai, Barmes, Ceres, Bessanèso. La journado capitalo es à Lans, lou 15 de Madalèno e en subremai dal prougramo uficial, presento, à noste véire, quarcarèn de verament enteressant: l'espousicioun de li recherches, estories, prouverbi trouba per lis escoulan lansirol.

-3en CONCORS DE PROSA E POESIA EN LENGO D'OC « LOU ROURE » - a ROURE (val Cluzon)- Sen ountous - per encauso de temp - de rèn agué pougu n'en douna la novo, coumo sariho esta bèn, dins lou numre passa de noste journal.