Uno neuit eicuro e qu'â plouvìo, un magnin al à tabusà a la pòrto d'uno miando da Lauzoun. Lou bergìe al a fait intrā e lh'a dounà dë lait e lh'a fait eisua si bagage. Lou matin aprêl ou magnin al e partì e el a ërmeisià lou bergìe.

   Aprê quë lou magnin ê anà vio, l'ê eità empousibble dë fa calha lou lait ënt a peirol. Apre d'aguê prouva, li bergìe il an pensà quë lou magnin èro certamënt un soursìe e al avìo ënsoursëlà lou  peirol.

   Aprê doun-trei mê, un jouërn lou magnin al ê tournà a Lauzoun da Prajala e al a mandà a lou bergìe dë fa eisua si bagagge e uno bèllo eicuèlo de  lait chaut. Al ê eità bën ersebù li bergìe anque së mëc ën aparënso, e i i lh'an avivà un grand fieuc ën soun ounour. Il a fait stâ sû 'n eicagn bën dapè dâ fieuc; e peui, fazënt bën atansioun dë pâ laisa muri lou fieuc, li bergìe i pousavën l'eicagn sampre pi dapè dâ fieuc.

   Lou magnin d'ën prim â goudìo lou calour; ma aprê al ê vengù talment chaut da pâ pouguê sopourtâ. Ma lou bergìe, qu'al èro fort e robust, al a tenù sta e â lou beicavo bien fis dint l'eulh. Lou paure, qu'â pouìo papì rëzistre perquè a së sentìo bruzâ vìou, al a bramà: "Bergìe, bergìe, tirà areire la bancho, quë lou lait â calho!".

   E lou lait al a calhà apeno que lou magnin soursìe al ê eità laisà partì ën pas.