franco-provenzale

COMEUNE DE MOHENÌ

VELÒ METROPOLITAN-NA DE TURIN UNHON MONTAN-NA HOTA VAL SUSE

VERBAL DE DELIBERASHON DO CONSELH COMUNALO N. 15/ 2020

ODZEUT: APPROVASHON PLAN ECONOMICCO FINANSHÉRO EUNN 2020 E APPROV ASHON CA TEGORÌ E T ARIF ASHON EUNN 2020. DETERMINASHON CONTREBÙ COMPENSATIVO PRE EMERDZEINSE SANITÉRA .

L’eunn doueumilevenn lo dzòrt ventenó do mei de deseimbro a 18 oure, an tse lo Siédzo Ecomusealo, Rouà Trento n. 9, regulérameunn convocà, i s’at reunì, avó avis partissipà din le forme de lei, lo Conselh Comunalo, seanse pa iverta o peblicco pre reison d’emerdzeinse sanitéra, de premiére convocashon, seshon ordenéra ou l’arseulte costituì din le presseneu de:


CARENA Mauro Santicó
1. PEROTTINO Vittorio Consilhér
2. ASERO Romina Consilhér
3. ROMITI Marco Giuseppe Consilhér
4. RONCHAIL Riccardo Consilhér
5. CAFFO Marco Consilhér
6. PEROTTINO Severino Consilhér
7. PINARD Carlo Umberto Consilhér
8. PEROTTO Bruno Consilhér
9. BIANCO Franca Consilhér
10. MAZZOLARI Maria Grazia an JOANNAS

SI (a.g.)

Prein at que li entrevenù ou sont an neumbro legalo, ou preunt la presideinse lo Santicó CARENA Mauro. Ou partissipe a la seanse lo Segretéro Comunalo Dr. Alberto CANE.

O momeunn de la trattashon do preseunn argumeunn lh’arseulte asseinta dzestefeiò la Consilhére MAZZOLARI Maria Grazia

Lo Presideunn ou declhare iverta la descushon dessù l'argumeunn an odzeut, regulérameunn inscrit a l'ordre do dzòrt. La seanse lh’eut iverta a 18 oure.

PRESEUNN: n. 10

APPROVASHON PLAN ECONOMICCO FINANSHÉRO EUNN 2020 E APPROVASHON CA TEGORÌ E T ARIF ASHON EUNN 2020. DETERMINASHON CONTREBÙ COMPENSATIVO PRE EMERDZEINSE SANITÉRA.

LO CONSELH COMUNALO

ARMANDÀ l’art. 54 D.Lgs. 15 deseimbro 1997 n. 446, an matére d’approvashon de le tarifashon e di pri peblicco, pre loquin «le Provinse e le Comeune ou l’approvo le tarifashon e li pri peblicco i but de l’approvashon do bilan de previzhon»;

VU l’art. 151 D.Lgs. 267/2000 (Testo Unicco an matére d’ordenameunn di Eunn Localo), loquin ou prevoueit que li Eunn localo ou dévo approvar intro lo 31 de deseimbro lo bilan de previzhon finanshéro, arferì a in orison temporalo omoueins triennalo;

DONÀ AT que, souita o neumbro de prorogashon, lo Decret do Ministéro de l’Enterno do 30 de seteimbro 2020 ou l’at prevù lo deferimeunn o 31 d’otobro 2020 do termo pre l’approvashon do bilan de previzhon 2020-2022 do caro di Eunn localo, i seins de l’art. 151 D.Lgs. 267/2000;

CONSIDERÀ que, avó referimeunn a la Talhe di boudris (TARI), l’art. 1, coma 683 L. 147/2013 ou prevoueit que lo Conselh Comunalo ou l’isse a approvar, din lo termo fizhò de le norme estatale pre l’approvashon do bilan de previzhon, le tarifashon de la TARI an conformità o plan finanshéro do sarvisho de gestion di boudris urban, fet do sedzeut qu’ou l’adzeit lo sarvisho mémo e approvà do Conselh comunalo on de otra otorità competeinta a norma de le lei vedzeinte an matére;

VU l’art. 13, coma 15ter D.L. 201/2011, convertì an L. 214/2011, comme deut de l’art. 15bis D.L. 34/2019, convertì an L. 58/2019, qu’ou l’at prevù que li versameunn de la TARI laquinta scadeinse lh’eut fizhò de la Comeune deveunn do 1er deseimbro de tsaque eunn ou dévo iéhre fet dessù la base d’at applicablo pre l’eunn pressedeunn;

CONSIDERÀ que l’art. 1, coma 527 L. 205/2017 ou l’at attribuà a l’Otorità de Regulashon pre Energia Reti e Ambiente (ARERA) de spessefique competeinse pre l’elaborashon de la nova metoda tariféra applicabla o setour di boudris, destinà a omodzenizhér le modalitaie de predesposeshon di Plan Economicco Finanshéro, avó spesseficco referimeunn a la:

1) predesposeshon e adzornameunn de la metoda tariféra pre la determinashon di corrispettivo do sarvisho entegrà di boudris e di sarvisho hanglhér qu’ou costitueisso attivitaie de gestion, a creviò di fré d’esersisho e d’envehemeunn, comprein la remunerashon di capitalo, dessù la base de la valutashon di fré effisseunn e do prensipio “qui ou pollùe ou paie”;

2) approvashon de le tarifashon definìe, i seins de la ledzeslashon vedzeinta, de l’Eunn de govert din lo doméno territorialo ottimalo pre lo sarvisho entegrà e di dzereunn di emplan de trattameunn;

3) controlo de la justa redashon di plan de doméno an esprimeunn osservashon e riliévo;

CONSIDERÀ que, avó deliberashon n. 303/2019/R/RIF, l’ARERA lh’at donà le linhe guida pre l’elaborashon de la nova metoda tariféra applicabla o setour di boudris, destinà a omodzenizhér le modalitaie de predesposeshon di Plan Economicco Finanshéro, avó ina metodolozhì que lhe conteunt encorò bieunn de tret qu’ou sont pa ihà betà an clher de la méma ARERA, asseu souita a la peblecashon, an data 31 otobro 2019, de la deliberashon n. 443/2019/R/RIF, de Definishon di critéro d’arcunussemeunn di fré effisseunn d’esersisho e d’envehemeunn do sarvisho entegrà di boudris, pre lo perioda 2018 - 2021;

CONSIDERÀ que – pre bieunn que le deliberashon adotaie de l’ARERA ou l’isso pa nateura normativa e ou polisso adonca pa ramplahér le desposeshon an matére de TARI ahablìe de la L. 27 deseimbro 2013 n. 147 e souiveinte modeficashon e entegrashon – l’entrodushon de héta nova metoda tariféra lh’at enterishò an profondour le modalitaie de predesposeshon di Plan Finanshéro TARI, an relashon a le metodolozhì anovraie tein qu’a l’eunn 2019;

CONSIDERÀ que, an fahe de le nembrouse difficultaie iliaie a l’applicashon de la metoda tariféra delinhò de ARERA, le prensipale assossiashon represanteinte de la Comeune ou l’ont mandà o Govert de desposar lo tranmo o 2021 de l’applicashon de héta metoda tariféra, avó in’istanse que lh’at portà a entrodouire, din l’art. 57bis, coma 1 D.L. 26 otobro 2019 n. 124, convertì an L. 19 deseimbro 2019 n. 157, la prorogashon asseu pre lo 2020 de la desposeshon ahabliò da l’art. 1, coma 652, L. 147/2013, din la pert enté qu’i prevaiet que «din le more de la revizhon do regulameunn doquin o decret do Presideunn de la Repeblicca 27 avril 1999 n. 158, o fin de semplifeiér l’endeviduashon di coeffisseunn relativo a la graduashon de le tarifashon la comeune lhe pout prevér, pre li eunn 2014, 2015, 2016, 2017, 2018 e 2019, l’adoshon de coeffisseunn diquin a le tabéle 2, 3a, 3b, 4a e 4b de la piéhe dzouinta 1 o deut regulameunn doquin o decret do Presideunn de la Repeblicca n. 158 do 1999, plu ba di moueidro e plu hot di madzour iheu endecà do 50 pre henn, e lhe pout de plu pa considerar li coeffisseunn diquin a le tabéle 1a e 1b de la méma piéhe dzouinta 1», an ahableunn que héte derogashon ou l’iheront applicable «pre li eunn a decoure do 2014 e tein qu’a difareinta regulamentashon desposaia de l’Otorità de regulashon pre energia, reti e ambiente (ARERA), i seins de l’articlho 1, coma 527, de la lei 27 deseimbro 2017, n. 205» e, adonc, asseu din l’eunn 2020;

CONSIDERÀ que, an fahe de la prorogashon de héte desposeshon, asseu le modalitaie de redashon do Plan Economicco Finanshéro e de le souiveinte tarifashon ou comporto pa la reida applicashon di paramétre ahablì do D.P.R. 158/1999;

CONSIDERÀ que, souita a l’adoshon de hi provedimeunn, la situashon d’emerdzeinse sanitéra iliaia a la difuzhon do Coronavirus lh’at emposà o Govert ina refleshon an relashon a la possibilità pre le Comeune de provér a l’adoshon de carque at fondamentalo pre l’applicashon de si tribù din l’eunn 2020, an fahe de l’empossibilità de respetar le scadeinse dzò fizhìe do mémo Ledzeslatour;

CONSIDERÀ que, pre heunn fare, lo Govert ou l’at emanà lo D.L. 17 mars 2020 n. 18, convertì an L. 24 avril 2020 n. 27 (cd. «Decret Cura-Italia»), loquin art. 107, coma 5 ou l’at prevù que, an derogashon i termo d’approvashon do bilan, «le Comeune ou polo, an derogashon a l’articlho 1, coma 654 e 683, de la lei 27 deseimbro 2013, n. 147, approvar le tarifashon de la TARI e de la tarifashon iliaia adottaie pre l’eunn 2019, asseu pre l’eunn 2020, an provaieunn intro li 31 deseimbro 2020 a la determinashon e approvashon do plan economicco finanshéro do sarvisho boudris (PEF) pre lo 2020. L’eventualo conguelh entre li fré arseulteunn do PEF pre lo 2020 e li fré determinà pre l’eunn 2019ou pout iéhre partajò an trei eunn, a decoure do 2021»;

CONSIDERÀ que, bieunn qu’a fron de héte difficultaie normative e applicative, l’Amministrashon e l’Uffisho Tribù ou l’ont fet in controlo a tinheunn de le reseltanse do Plan Economicco Finanshéro TARI prodouì do Dzereunn, ehresù an conformità a la metoda tariféra deliberaia de ARERA (MTR), e de le reseltanse di bosein standard, pre possér provér a la preliminéra approvashon do PEF pre l’eunn 2020, doquin i s’ilie lo Prospet Economicco- Finanshéro, pre fare parte entegrinta e sostanshala de la preseinta deliberashon, e a la consequeinta determinashon de le tarifashon TARI a applicar a titro definitivo pre l’eunn 2020, din lo doméno d’ina manovra que lhe seimble entrotro defessilhe a la lemiére de l’entrevanshon d’otro fatour qu’ou l’enterésho le modalitaie de creviò di fré do sarvisho d’izhéne urban-na;

CONSIDERÀ que, i fin de la determinashon de le tarifashon TARI 2020 i seimble nessesséro de tenir contio asseu de la deliberashon approvaia de ARERA an data 5 mai 2020 n. 158, avó laquinta ou sont ihaie endeviduaie carque prossedeure pre le ridushon a accordar i fin TARI a le categorì economique qu’ou sont ihaie oblidzìe a plantar ses attivitaie pandeunn la perioda d’emerdzeinse sanitéra, an fizheunn lo prensipio selon loquin la TARI pre les uteinse pa demestique lhe devereut iéhre arcrehiò, avó referimeunn a la pert variabla, an proporshon a la duraia de la perioda de fermeteura dereveinta di provedimeunn adottà do Govert e, adonc, pre les attivitaie qu’ou l’ont devù suspeindre ses attivitaie pre ina perioda de trei mei, an in monteunn do 25 pre henn de la cota variabla de la tarifashon;

ARMARCÀ que la deliberashon n. 158/2020 de ARERA lh’arseulte iéhre empinhò deveunn lo T.A.R. do Lazio, souita a l’inissiativa proposaia de ANUTEL, a fron de le problematique endzendraie de son applicashon avó referimeunn a la TARI 2020;

VU an plu, a l’enderér, l’art. 58quinquies D.L. 124/2019, convertì an L. 157/2019, loquin ou prevoueit que, a decoure do 1er dzenér 2020, la categorì de referimeunn TARI di «eheudio profeshonalo» lhe deveret iéhre endeviduaia din helò prevue pre le «banque e istitù de crédi» e pa mé pre «uffisho e adzeinse»;

CONSIDERÀ que do confron entre hi critéro de carcul ét ihà possiblo arlevar que li fré totalo esposà din lo Plan Economicco Finanshéro TARI 2020 (qu’ou prevoueit in fré totalo de € 10.115,00) ou l’arseulto de po plu hot a hi relativo o PEF 2019, qu’ou l’avet prevù in fré do sarvisho de € 9.956,00, an pressiseunn que hi deut monteunn ou sont comprein asseu di fré soutenù de la Comeune;

CONSIDERÀ que, a la lemiére de le reseltanse do PEF 2020 tal que surendecà, l’Amministrashon lh’arteunt d’approvar le tarifashon definitive de la TARI 2020, de lequinte i s’ilie lo prospet pre fare-zenn pert entegreinta e sostanshala;

ARMARCÀ que, a la lemiére de le reseltanse do PEF enviaie do Dzereunn, la recuperashon di plu hot monteunn an relashon a la TARI 2020 ou podret iéhre fet din li trei eunn souiveunn, a decoure do 2021, tal que prevù da l’art. 107, coma 5 D.L. 17 mars 2020 n. 18, convertì an L. 24 avril 2020 n. 27;

VU lo prolondzemeunn de la situashon d’emerdzeinse iliaia a la difuzhon do Coronavirus, qu’ou l’at portà lo Govert a adottar d’otro provedimeunn de lei pre contenir li effet negativo de la pandemì, pé dzò din la Rezhon Piemon, avó consequeinse quou podriont enterishér asseu l’applicabilità de la pert variabla de la TARI asseu din li mei de noveimbro e deseimbro 2020;

ARTENÙ justo, a la lemiére de hi at, de defrenir le modalitaie d’applicashon do contrebù compensativo qu’ou saret arcunussù a les uteinse pa demestique (speteunn dessù lo contio de TARI pert variabla i aveunn drouet, an base a la perioda de fermeteura de les attivitaie souita li difareunn provedimeunn adotà pre fare fron a l’emerdzeinse Covid-19) pre ina ridushon do monteunn devù pre TARI eunn 2020 do 45% pre le tré attivitaie preseinte dessù nohro territouéro e partadzìe din le categorì tarifére 105 e 116;

VU l’adreita favorabla dessù la regularità tecnicca, randouò do responsablo do Sarvisho Tribù, i seins de l’art. 49 D.Lgs. 267/2000 – T.U.E.L.;

VUE l’adreita favorabla dessù la regularità contabla, randouò do responsablo do Sarvisho Finanshéro, i seins de l’art. 49 D.Lgs. 267/2000 – T.U.E.L.;

ACQUISIÒ l’adreita de l’organismo de revizhon, i seins de l’art. 239 coma 1, lett. b) D.Lgs. 18 o 2000 n. 267 – TUEL, tal que modefeiò de l’art. 3, coma 2bis D.L. 174/2012;

SANTÙ lo Santicó qu’ou l’endréhe l’argumeunn e ou ou lésse la parola o Segretéro comunalo qu’ou l’esplique an gro;

APRÉ in petiòt debà, din loquin ou entreveunt lo Consilhér Comunalo M. Bruno Perotto qu’ou mande l’ordre de grentour di fré do sarvisho TARI prevù souita a l’entrodushon de le nove modalitaie de redashon do plan finanshéro;

SANTÙ lo Segretéro Comunalo que, a la demanda de M. Perotto ou pressise lo previsiblo omeunn di fré din l’ordre d’empopré lo 10%;

SANTÙ lo Santicó que a la fin do debà ou béte vout la proposeshon;
AVÓ neumbro de 10 vout unanimo e an favour randù di preseunn e voteunn pre levà de man;

OU DELIBÉRE

1. D’approvar lo Plan Finanshéro TARI pre l’eunn 2020 envià do Dzereunn, fet an conformità a la metoda tariféra deliberaia de ARERA (MTR), an ilieunn-lo a la preseinta deliberashon pre fare- zenn pert entegreinta e sostanshala;

2. D’approvar le tarifashon de la TARI 2020, an ilieunn li spesseficco prospet, pre fare-zenn pert entegreinta e sostanshala de la preseinta deliberashon;

3. De donar at que héte categorì e tarifashon ou decoreront do 1er dzenér 2020, i but de la rescoshon de la TARIpre l’eunn 2020;

4. D’ahablir que le tarifashon TARI approvaie avó la preseinta deliberashon ou deveront iéhre anovraie de l’Uffisho Tribù pre la rescoshon de la TARI 2020 ;

5. D’ahablir in contrebù compensativo arcunussù a les uteinse pa demestique (speteunn dessù lo contio de TARI pert variabla i aveunn drouet, an base a la perioda de fermeteura de les attivitaie souita li difareunn provedimeunn adotà pre fare fron a l’emerdzeinse Covid-19) pre ina ridushon do monteunn devù pre TARI eunn 2020 do 45% pre le tré attivitaie preseinte dessù nohro territouéro e partadzìe din le categorì tarifére 105 e 116;

6. D’ahablir comme scadeinse pre lo paiemeunn de la TARI eunn 2020 pre toteu les uteinse le souiveinte date: premiére rata o rata soletò 28.02.2021 e seconda rata 30.04.2021;

7.De donar la plu ampla difuzhon a la preseinta deliberashon, moueieunn avis peblicco, communicà de stampa e la peblecashon dessù lo sito web istitushonalo din la seshon dedeiò.

Lesù, confirmà e souhresù. An oredzenalo firmà.

Mohenì, 14/01/2021

SERTIFICASHON DE PEBLECASHON

Copì conform a l’oredzenalo, in estrat doquin ou l’eut an peblecashon a l'Albo pretouéro de la Comeune pre quinze dzòrt consecutivo do 14/01/2021

LO PRESIDEUNN f.to Av.MauroCARENA

LO SEGRETÉRO COMUNALO f.to Dr. AlbertoCANE

L'istruttour amministrativo/finanshéro

F.to Piera CONCA

COPÌ