franco-provenzale

COMEUNE de NOVALEISE

Velò Metropolitan-na de Turin

Verbal de deliberashon de la Dzouinta Comunala n. 10 en data 23.04.2021

ODZEUT: APPROVASHON TARIFASHON PRE LO CANONO PATRIMONIALO DE CONSESHON, OTORISASHON ON ESPOSESHON PEBLESSITRA. LEI 160/2019. DECORREINSE 1 DZENR 2021

Lo dzòrt ventetrei avril doueumileventun de 11 oure din la sala de les adunanse, regulérameunn convocaia, lhe s’at reuniò la Dzouinta Comunala din le presseneu de:

Conca PIERA

Santicó

Preseunn

Chiaudano PIER LUIGI

Visse Santicó

Preseunn

Ghiotto MATTEO

Assessour

Asseunn

Totalo preseunn 2 Totalo asseunn 1

Ou partissipe a la seanse lo Segretéro Comunalo M. Sigot Livio.

Lo Presideunn M.ma CONCA Piera, constatà que li entrevenù ou sont en neumbro legalo, ou declhare iverta la reunion e ou l’envite li convocà a deliberar dessù l’odzeut surendecà, en continuashon pre li difareunn poueunn a l’ordre do dzòrt.


LA DZOUINTA COMUNALA

Vue la proposeshon de deliberashon n. 22 iliaia a la preseinta deliberashon pre fare- zenn pert entegreinta e sostanshala, aveunn pre odzeut:

“APPROVASHON TARIFASHON PRE LO CANONO PATRIMONIALO DE CONSESHON, OTORISASHON O ESPOSESHON PEBLESSITÉRA. LEI 160/2019. DECORREINSE 1 DZENÉR 2021“;

Vu les adreite favorable dessù la proposeshon en ordre a la regularità tecnicca e contabla i seins de l’art.49 e 147 bis do D. Lgs 18.8.2000 n. 267 e s.m.li., “Testo unicco de le lei dessù l’ordenameunn di eunn localo”, comme arportà en teunn que nessesséro;

Vu li artt. 42 e 48 do Testo Unicco approvà avó D. Lgs. n. 267 do 18/8/2000 en ordre a la competeinse di organismo comunalo;

Vu lo Decret Ledzeslativo 18.8.2000 n. 267 “Testo Unicco de le Lei dessù l’Ordenameunn di Eunn Localo” e l’Estatut Comunalo;

Artenouò la proposeshon meritabla d’acoueulh pre le reison iquieu conteneuve;

Avó votashon unanima favorabla espressaia de forma paleisa;

LHE DELIBÉRE

D’aculhir entegralameunn la proposeshon de deliberashon avó odzeut “APPROVASHON TARIFASHON PRE LO CANONO PATRIMONIALO DE CONSESHON, OTORISASHON O ESPOSESHON PEBLESSITÉRA. LEI 160/2019. DECORREINSE 1 DZENÉR 2021“ iliaia a la preseinta en teunn que pert entegrala e sostanshala.

APRÉ
Avó in’otra votashon unanima favorabla espressaia de forma paleisa;

LHE DELIBÉRE

De declharar la preseinta fit adzibla i seins de l’art. 134, 4° coma, do T.U. approvà avó D. Lgs 18/8/2000, n. 267.

Delibera de G.C. n. 10 do 23.04.2021

COMEUNE DE NOVALEISE

PROVINSE DE TURIN
Proposeshon de deliberashon n. 22 do 22.04.2021

Odzeut: APPROVASHON TARIFASHON PRE LO CANONO PATRIMONIALO DE CONSESHON, OTORISASHON ON ESPOSESHON PEBLESSITÉRA. LEI 160/2019. DECORREINSE 1 DZENÉR 2021

Lo Responsablo do Sarvisho Finanshéro e Tribù;

VU l'art. 1, coma 816, de la lei 27 deseimbro 2019, n. 160 (lei de bilan 2020) loquin ou deut la desseplin-na do novo Canono patrimonialo de conseshon, otorisashon o esposeshon peblessitéra qu’ou ramplahe, dipé do 2021, la Talhe pre l’occupashon de caro e ére peblique, lo Canono pre l’occupashon de caro e ére peblique, l’Empó comunalo dessù la peblessità e lo drouet dessù le peblique affishon;

ARCLHAMAIA la desseplin-na dessù lo sudeut Canono, contenouò din li coma de 816 a 836 do sussità art. 1 de la lei 27 deseimbro 2019, n. 160;

DONÀ AT qu’avó deliberashon do Conselh Comunalo n. 11 do 26 Mars 2021, en relashon o combinà desposà di articlho 52 e 62 do D.Lgs. 15 deseimbro 1997, n. 446 e souiveinte modeficashon:
- ou l’eut ihà istituì lo novo canono patrimonialo de conseshon, otorisashon on esposeshon peblessitéra avó decorreinse dal 1° dzenér 2021;

- ou l’eut ihà approvà lo relativo regulameunn;

VUE la deliberashon de la Dzouinta Comunala n. 17 do 19/02/2003 avó laquinta ou sont ihaie deliberaie le tarifashon de la talhe d’occupashon do solo e les ére peblique de l’empó comunalo dessù la peblessità e lo drouet dessù le peblique affishon;

ARCLHAMAIA la desposeshon contenouò din lo coma 817 de l’articlho 1 de la lei 160 do 27 deseimbro 2019 que lhe deut «Lo canono ou l’eut desseplinà di eunn en manére a assurér in intrada samblabla a helò di canono e di tribù qu’ou sont ramplahiò do canono, viò la possibilità de variar l’intrada moueieunn la modeficashon de le tarifashon»;

VU li coma 826 e 827 do dzò sità articlho 1 de la lei 160 do 27 deseimbro 2019 avó loquin ou sont ahablìe le tarifashon standard respettivameunn de l’eunn e do dzòrt do novo canono patrimonialo, modefeiablo en base a heunn ahablì do coma 817 do mémo articlho de lei;

VU:
l’art. 53, coma 16, lei 23/12/2000, n. 388, comme modefeiò de l’art. 27, coma 8, de la lei 28/12/2001, n. 448, loquin ou prevoueit que
: “lo termo pre deliberar les alicote e le tarifashon di tribù localo, comprein l'alicota de l'addishonala comunala a l'IRPEF de laquinta a l'articlho 1, coma 3, do decret ledzeslativo 28 seteimbro 1998, n. 360, porteunn istitushon d’ina addishonala comunala a l'IRPEF, e souiveinte modeficashon, e le tarifashon di sarvisho peblicco localo, e pre approvar li regulameunn relativo a les intraie di eunn localo, ou l’eut ahablì din la data fizhò de norme estatale pre la deliberashon do bilano de previzhon. Li regulameunn dessù les intraie, bieunn que approvà apré do comahelh de l’esersisho ma din lo termo doquin dessù, ou l’ont efet do 1ér dzenér de l'eunn de referimeunn”;
l’art. 1, coma 169 de la lei 27.12.2006, n. 296, (lei finanshére 2007), qu’ou deut: “Li eunn localo ou delibéro le tarifashon e les alicote relative i tribù de sa competeinse din la data fizhò de norme estatale pre la deliberashon do bilano de previzhon.

Héte deliberashon, bieunn que approvà apré do comahelh de l’esersisho ma din lo termo doquin dessù, ou l’ont efet do 1ér dzenér de l'eunn de referimeunn. En cas de mancaia approvashon din lo termo sudeut, le tarifashon e les alicote ou s’enteindo armandaie d’eunn en eunn”;

CONSIDERÀ que l’articlho 30, coma 4) do D.L. 22.03.2021, n. 41 ou l’at deferì o 30 avril 2021 lo termo derér pre l’approvashon do caro di eunn localo do bilan de previzhon 2021- 2023;

DONÀ AT que l’art. 42, coma 2, lett. f) D.Lgs. 18 o 2000, qu’ou l’attribue o Conselh Comunalo la competeinse a l’istitushon e ordenameunn di tribù, avó escluzhon de la determinashon de le relative alicote, e a la desseplin-na dzenerala de le tarifashon pre la fruishon di bieunn e di sarvisho;

ARTENÙ pourteunn que, en manca d’ina spesseficca normativa contréra, tal qu’empà approvaia do Ledzeslatour i but IMU e TARI, la competeinse a l’approvashon de le tarifashon do novo Canono lhe se deit enteindre attribuaia a la Dzouinta Comunala;

VU la piéhe dzouinta 1 “tarifashon” pre lo Canono Unicco Patrimonialo de conseshon, otorisashon on esposeshon peblessitéra e artenù iéhre totalameunn arfondeinta a les esedzeinse de héta Comeune;

VUE la sirculéra 2/DF do 22 noveimbro 2019 relativa a l’oblidzo de peblecashon di regulameunn en matére d’intraie que, lh’at ahlheirì tal que lo coma 15-ter de l’art. 13 do D. L. n. 201 do 2011, en se refereunn espressameunn i tribù comunalo, ou trove pa applicashon pre li at conserneunn lo canono pre l'occupashon de caro e ére peblique (COSAP) doquin a l’art. 63 do D. Lgs. n. 446 do 1997 e que pourteunn le comeune qu’ou sedzéto l’occupashon de tsemin e ére do demanio on patremouéno endesponiblo o paiemeunn de deut canono, aveunn nateura de corresponshon privaia, ou dévo pa prossedar a la trasmishon o MEF di relativo at regulamentéro e tarifféro, qu’ou sont pa pebleiò dessù lo sito internet www.finanze.gov;

ARTENÙ, en forse de le reison espresseaie o poueunn pressedeunn, que asseu lo novo Canono Patrimonialo ou sisse pa sedzetà i sità oblidzo spesseficco de peblecashon, propro de les intraie tributére;

VERIFEIÒ que la populashon resedeinta o 31.12.2020 lh’ére de n. 526 abiteunn pre liquin le tarifashon standard e le tarifashon base ou l’arseulto le souiveinte:
- tarifashon standard eunn (art. 1 coma 826 lei 160/2019): 30,00 euro;
- tarifashon standard dzòrt (art. 1 coma 827 lei 160/2019): 0,60 euro;

VU les adreite favorable en ordre a la regularità tecnicca e finanshére, randeuve do Responsablo doSarvisho Finanshéro e Tribù;

Tòt heunn prebetà

ou propose ne que la Dzouinta Comunala

LHE DELIBERISSE

D’arclhamar la premisa a formar pert entegreinta e sostanshala do preseunn desposetivo;

D’approvar le tarifashon do novo Canono patrimonialo de conseshon, otorisashon on esposeshon peblessitéra comme prospet “piéhe dzouinta 1” a la preseinta deliberashon, pre fare-zenn pert entegrala e sostanshala;

De donar at que le sudite tarifashon ou s’applico avó decorreinse do 1° dzenér 2021, en sostitushon de le pressedeinte tarifashon relative a le souiveinte intraie: Talhe pre l’occupashon de caro e ére peblique, canono pre l’occupashon de caro e ére peblique, empó comunala dessù la peblessità e drouet dessù le peblique affishon;

De declharar la preseinta deliberashon fit adzibla.

ADREITE

Pre li efet de l’art. 49, coma 1, do T.U.E.L. 18/08/2000 n. 267 ou véno espressaie le souiveinte adreite dessù laproposeshon de deliberashon aveunn a odzeut “APPROVASHON TARIFASHON PRE LO CANONO PATRIMONIALO DE CONSESHON, OTORISASHON ON ESPOSESHON PEBLESSITÉRA. LEI 160/2019. DECORREINSE 1 DZENÉR 2021“

ÉRE SARVISHO FINANSHÉRO E TRIBÙ

Adreita de regularità tecnicca (controlo de la conformità a la normativa tecnicca en matére) :Favorabla
Novaleise 22.04.2021

LO RESPONSABLO DE L’ÉRE Lombardi Marco (firmà dedzetalameunn)

ÉRE FINANSHÉRE

Adreita de regularità contabla:Favorabla Novaleise 22.04.2021

LO RESPONSABLO DE L’ÉRE Lombardi Marco (firmà dedzetalameunn)