franco-provenzale

Lou brandou est forse la più antica dal dànses cou vinhount acoura balaiës ant al valadës. Lou noum ou rizalet chertamant aou ‘600 é ou douvit esri an ourigin an bal ver é propi. An tens più rechent ‘ ist vinhuà ‘na muzica più ad marchi lenta é cadensà qu’is trovët an fouorma diversa ant i vari pais dal valadës é qu’ì coumpanhet lou Carlevà é l’ingres dou mascradës ant ou bal. An Bàrmes ì vint ezegouià prima dla courenda di set saout. Oue ezistet n’asquema bin prechis: li balerin ou s’ daspounount an fila, a coubiës. Lou cavalier ou tint lou bras manchin disteis, mentre coun la dreta ou tint la man dla dama, que, a soun bot,ì tint la man dreta slou fianc. La prima coubia, secoundou la tradisioun, ès tratët ad Prioù, ì ezegouet da soula an gir coumplet dla sala, an marchant a tens ad muzica, mentre ì aoutri ou spetount fram. Can qu’ ì aruvet dvant a la fila, la coubia a s’anquinet, ìs butet an coua a la coulona qu’ìs butet an mouvimant. Sempar an marchant a ritmo ad muzica, par fermase pe alineà, can la muzica ì finèit.