Entrevista a Marco REY – Conselhièr a l'Union Montan Auta Val de Susa : Bardonèscha, Chaumont, Exilhas, Jalhon, Gravièras, Meana de Susa, Mont-Cenís, Ols, Salbertrand.

Aquel projècte s'a pogut realizar gràcias a un programa europèu apelat «passerella» e sustot a de fonzes Alcotra non utilizats e destinats a las comunas qu'avián ja participat de per abans.

Tot comença per aquela resolucion de junh de 2021. Èrem estats contactats pel comitat Mauriana e los partenaris francés nos an balhat l'oportunitat, amb la comuna de Val-Cenís e aquela Lanslebourg (que regropa cinc comunas Bramans, Sollieres-Sardieres, Termignon, Lanslebourg e Lanslevillard), per abordar aquel projècte amb l'Union Montana Auta Val Susa, amb Val Cenís e Jalhon, per trabalhar amassa sul projècte Interreg VA Itàlia - França, Alcotra 2014-2020.

Es per aquela rason qu'avèm bastit amassa aquel projècte en partiá en recuperant d'estructuras existentas, per permetre una utilizacion melhora del Massís d'Ambin. Lo projècte s'apèla Amb.Enis, e combina los toponims Ambin e Val Cenís.

Al començament, s'aviá pensat coma itinerari a una traversada esquí alpinisme sus Bardonèscha - MontCenís sul Massís d'Ambin per l'Union Montana Auta Val Susa. Malurosament, avèm passat un periòde dificil, amb los problèmas ligats al Covid, a l’eissuitina... Vist la manca totala de nèu e per tal de respectar los temps de l'apèl d'ofèrtas, nos avèm degut decidir a modificar leugièrament e privilegiar los itineraris excursionistas, los bivacs e los refugis, amb l'idèa de far la traversada a pès sus la linha de frontièra entre Bardonèscha e la Val Cenís.

Après mantuna reünion amb l'Unione Montana de l'Auta Val de Susa, de projèctes an emergit e d'unes d'entre eles son estats començats amb las comunas concerniás : Salbertrand, Bardonèscha, Jalhon, Val-Cenís e l'Union Montana de l'Auta Val de Susa.

Avèm ganhat l'apèl d'ofèrtas e avèm degut respectar un calendari precís. S'a començat en finançant sulcòp 20% de las òbras puèi dins un segond temps fins a 80% dels projèctes. Per las comunas italianas, las 20 % rèstas seràn presas enchartja per l'Estat. Donc un projècte finançat a 100%. Dins una primièra fasa, la partiá non finançáa es estada garantiá per las comunas interessáas, e puèi progressivament cobèrta en totalitat.

Los partenaris son l'UMAVS, Val-Cenís e Jalhon. Las comunas que se son associáas a aquelos projèctes son :

- Jalhon, Mesa en securitat de la per ferrata de las Gargantas - Bardonèscha, Realizacion del bivac al Somelhièr
- Jalhon, Mesa en nòrma dels sanitaris del refugi Vacaron
- Salbertrand, Creacion d'un gite a Milhauras

- Jalhon, Mantenença del Bivac Anibal-Clapièr, necessari dempuèi de temps.

Document informatic sinhat digitalament als sens de D.Lgs 82/2005 s.m.i. e nòrmas liàas, loquin substituís lo document papièr e la sinhatura autografa.

Coma Union Montana Auta Val Susa presentarem egalament un autre projècte important que consistís en la realizacion d'un docufilm ; normalament deviá portar sul tèma de la traversada esquí- alpinisme mas a causa de problèmas de climat e de nèu, e de respècte dels temps de finançament, avèm degut orientar lo filmatge sus la valorizacion de l'arma del Massís d'Ambin. Serà pas un espòt publicitari, perque amb lo realizator Fredo Valla, avèm volgut mostrar l'identitat del luòc, amb d'entrevistas suls que vivon dins lo massís, o an trabalhat e partejat quicòm sul massís. Serà una suspresa mas serà segurament un bon trabalh !

Gràcias a aquel projècte, avèm trabalhat en respectant de temps susprenents. Pel moment, avèm achabat totes los projèctes, gràcias al sosten del Conçòrci Forestièr Auta Val de Susa e dels emplegats de l'UMAVS.

Es un projècte important de l'òrdre de 800 000 €, per un total de 1 milion 800 €. De costat francés a Val Cenís, an pogut crear de plaças d'estacionament, bastir un pontet en Val d'Ambin sus la comuna de Bramans, e enfin crear de pistas-ciclablas, e dels caminòls d'altitud.

Lo projècte s'es achabat lo 25 de junh de 2021, las òbras son achabáas e lo tot serà achabat e liurat al nivèl burocratic en 2023. I aurà la presentacion del film de 42 mn ; un excellent trabalh, que serà presentat dins divèrses salons internacionals del cinèma de montanha. Lo realizator Fredo Valla es un realizator de renom qu'a emportat mantun prèmi, sustot lo prèmi David di Donatello. Lo film es pas estat facil de far, a causa de l'altitud e del temps limitat, mas Fredo s'es plan estachat a aquel trabalh.

Lo massís d'Ambin es plan vast e la traversada dura tres jorns dins una zòna dificilament accessibla al dessús de 3000 m. Per exemple, per la Rocca d'Ambin, 11 oras d'apròchi fan besonh donc un bivac es indispensable. Lo Vacaron prepausa mantuna sortiás vèrs 15 cimas, i a ja 4 oras d'apròche pel refutge. Son ponch feble ven donc uèi son ponch fòrt, puèi qu'aquel massís es situat entre Turin - Milan, Lhon - Genèva, donc aisidament accessibla en tren. Se poiá pas laissar lo Grop d'Ambin sens un supòrt. Las demandas de personas que desirarián venir far d'excursions sul massís son nombrosas mas vist los temps d'apròche los utilizators s'abstenon.

Enfin, pertocant la gestion dels diferents luòcs, las comunas proprietàrias dels obratges chausiràn lo tipe de gestion mas l'Union Montan se chartjarè de lor promocion.

Un extraordinari trabalh amb un resultat en briu de temps.

Document informatic sinhat digitalament als sens de D.Lgs 82/2005 s.m.i. e nòrmas liàas, loquin substituís lo document papièr e la sinhatura autografa.

Marco Rey

Bardonèscha, Chaumont, Exilhas, Jalhon, Gravièras, Meana de Susa, Mont-Cenís, Ols, Salbertrand

Lo secretari interimari de l'Union, secretari comunal de Salbertrand, Carcione Marietta, participo a la session, confòrmament a l'art. 15 paragraf 4 de l'Estatut.
Lo cònsol màger de la comuna de Gravièras, Nurisso Piero Franco, coma president interimari de l'Union, avent reconegut la reünion coma legala, declara la session dobèrta.

Es reconegut que, confòrmament al decret del president de l'Union n. 5 del 23.03.2020, lo President, los conselhièrs e lo secretari de l'Union participan a la session per visioconferéncia pel sistèma GoToMeeting, amb lors ordenadors personals.

Document informatic sinhat digitalament als sens de D.Lgs 82/2005 s.m.i. e nòrmas liàas, loquin substituís lo document papièr e la sinhatura autografa.

LO CONSELH DE L'UNION MONTANA

Estant qué la Region Auvèrnha-Ròse-Alps, Autoritat de Gestion del programa Interreg V-A Itàlia- França ALCOTRA, en vertut de las decisions presas pel Comitat de Susvelhança pendent la reünion del 31/03/2021 a obèrt, a comptar del 15/04 /2021 e çò fins al 30/06/2021 los dos apèls a projèctes unics seguents liats a la barraüra del programa :

• Apèl d'ofèrtas ALCOTRA -relança
• Apèl d'ofèrtas ALCOTRA projèctes pontet

Considerant que lo Programa ALCOTRA compta demest los objectius d'intervencion l'Objectiu especific 3.1 "Acréisser lo torisme duradís dins la zòna ALCOTRA pel patrimòni natural e cultural ".

Considerant qu'en seguida de contactes e de reünions amb la comuna francesa de Val Cenis (Bramans, Sollières-Sardières, Termignon, Lanslebourg Mont-Cenis e Lanslevillard) la possibilitat de participar a l'apèl d'ofèrtas en question es estada avaloràa amb la comuna de Jalhon coma partenari italian e la comuna francesa de Val-Cenis coma cap de fila, per la presentacion d'un projècte de dinamizacion toristica per l'innovacion, la diversificacion e la valorizacion de l'ofèrta toristica de sits emblematics de la val de la Mauriana en França e de la val de Susa en Itàlia.

Constatant que lo dich projècte a per objectiu principal lo de dinamizar l'economia de l'espaci transfrontalièr per tal de diversificar la frequentacion toristica e atal prepausar de novèlas activitats e ofrir als visitaires dels projèctes toristics de qualitat tals coma excursions tematicas, valorizacion de sits naturals, ciclotorisme e equipaments innovants.

Considerant que l'Union Montana Auta Val Susa en associacion a l'intencion de participar a l'apèl d'ofèrtas amb la proposicion de projècte entitolàa "Relança per un torisme duradís del Massís d'Ambin al Mont-Cenis / Rilancio per un turismo sostenibile dal Massiccio d'Ambin al Moncenisio » per un montant total estimat a 1 885 788,00 €.

Considerant que pertocant las accions a entreprene sul territòri italian e en particular dins Val d'Ols, serà la valorizacion del massís d'Ambin a caval sus la frontièra franco-italiana, d'un itinerari extraordinari a 3 000 mètres d'altitud dins un environament unic e salvatge amb un panorama a copar l'alen partissent del bacin de Bardonèscha e s'achabant dins la Val Cenis, utilizabla tanben plan en estiu (escorreguda) qu'en uvèrn (esquí alpinisme).

Notant que las activitats prepausàas per l'Union Montana Auta Val Susa a inclure dins lo dossièr de candidatura e convenguas amb las autoritats comunalas competentas de la zòna, son las seguentas :

• WP0 Preparacion del dossièr de candidatura ;
• WP1 Gestion e coordinacion transfrontalièra ;
• WP2 Realizacion d'un film documentari sus la traversada en esquí alpinisme del Torn d'Ambin ;
• WP3 Valorizacion del sit del Massís d'Ambin per las espassejadas e l'esquí d'escorreguda gràcias a l'entreten e l'amainatjament de l'ensemble dels caminòls del Massís d'Ambin, la construccion del bivac novèl al Còl Somelhar, l'entreten e modernizacion del bivac Clapièr, reestructuracion de la "Casermetta Forestale" a Millaures e modernizacion dels sanitaris del refutge Luigi Vaccarone ;

Considerant que lo budgèt total imputat a l'Unione Montana Alta Valle Susa s'auça a € 584 543,00 coma indicat çai jos dins lo tablèl de las intervencions prepausàas:

Avent reconoissut la demanda de l'Union Montana Auta Val Susa, per la realizacion del dich projècte, una subvencion FEDER de 496 861,55 € e un CPN d'87 681,45 €.

Estant que, coma taulièr dins l'apèl d'ofèrtas de relança, l'autoritat de gestion garantís actualament 20 % de la quòta FEDER amb la possibilitat d'arribar al maximum a 100 % en foncion de las disponibilitats, la part nacionala serà egalament de 20 % e poirà aténher al maximum de 100 %.

Tenent compte de çò que precedís, conven donc de garantir, pendent la fasa de depaus del dossièr, la part d'80% del montant del projècte valent a dire 467 634,40 € non cobèrt pel cofinançament FEDER (17%) valent a dire 99 372,31 € e lo finançament d'Estat ( 3%) 17 536,29 €.

Vist los veaires favorables exprimits en aplicacion de l'art. 49 del decret legislatiu. 267/2000 pel responsable del servici concernit en matèria de regularitat tecnica e pel responsable del servici financièr en matèria de regularitat comptabla

A l'unanimitat dels vòtes favorables exprimits amb consentiment nominal D EL I B E R A

1. Rampelar la premissa narrativa coma partida integranta e substanciala d'aquel acte.

2. D'aprovar l'adesion de l'Union Montan Auta Val Susa al projècte "Relança per un torisme duradís del massís d'Ambin e Mont-Cenis" (AMB.ENIS) dins l'encastre del 4en Apèl ALCOTRA 2014 2020 Relança ;

3. Aprovar lo dossièr de candidatura çai-junt establit amb la Comuna de Val Cenis (cap de fila) e la comuna de Jalhon (partenària) per un montant total de 1 885 788,00 €.

4. Reconéisser que las intervencions prepausàas per l'Union Montana Auta Val Susa, convenguas amb las administracions comunalas competentas de la zòna, prevejan un budgèt total de despensas s'auçant a 584 543,00 €, coma indicat çai jos dins la lista de las intervencions prepausàas :

S'engatjar a garantir sa pròpria part de finançament actualament non cobèrta per Cofinançament FEDER e de la quòta nacionala per un montant de 467 634,40 €.

De transmetre amb lo cap de fila del projècte : comuna de Val Cenis, una còpia de la presenta resolucion, per tal de permetre lo depaus del dossièr de candidatura abans lo 30/06/2021.

Mandatar lo President de l'Organisme per signar la convencion de cooperacion transfrontalièra conjonchament amb lo cap de fila francés (comuna de Val Cenis) e la comuna de Jalhon.

Autorizar lo cap de fila, la Comuna de Val Cenis, a depausar la proposicion de projècte e sos annèxes, dins lo sistèma « Sinergia CTE » per instruccion prealabla e aprobacion pels organismes de cooperacion previstes pel Programa.

De declarar la presenta resolucion sulcòp executòria per un vòte distint, per apèl nominal balhant un resultat favorable a l'unanimitat, tenent compte de l'urgéncia de la presentacion.

Fach, legit e sinhat.

LO PRESIDENT LO SECRETARI Nurisso Piero Franco Carcione Marietta