franco-provenzale

REZHON PIEMON BU47 22/11/2012

Decret do Presideunn de la Dzouinta rezhonala do 16 noveimbro 2012, n. 9/R.

Regulameunn rezhonala porteunn: “Regulameunn d’attuashon de la lei rezhonala 18 fevrér 2010, n. 12 (Recuperashon e valorisashon do patremouéno escursionisticco do Piemon)”.

LO PRESIDEUNN DE LA DZOUINTA REZHONALA

Vu l’articlho 121 de la Costitushon (comme modifeiò de la lei costitushonala 22 noveimbro 1999, n. 1);
Vu li articlho 27 e 51 de l’Estatut de la Rezhon Piemon;
Vue la lei rezhonala 18 fevrér 2010, n. 12;

Vue la deliberashon de la Dzouinta rezhonala n. 76 - 4785 do 15 otobro 2012 Vu lo dispositivo n. 13/2012/PREV do 14 noveimbro 2012 de la Còrt de Contio;

ou l’emane

lo souiveunn regulameunn:

Regulameunn rezhonalo porteunn: “Regulameunn d’attuashon de la lei rezhonala 18 fevrér 2010, n. 12 (Recuperashon e valorisashon do patremouéno escursionisticco do Piemon)”

SOMMÉRO

CAP I.
FINALITAIE E DEFINISHON

Art. 1. Odzeut Art. 2. Definishon

CAP II.
LA GRILHEU E LO CATAST REZHONALO DO PATREMOUÉNO ESCURSIONISTICCO

Art. 3. Endrého tecnicco pre la determinashon de le grilheu provinshale e rezhonale
Art. 4. Organisashon do catast rezhonalo do patremouéno escursionisticco
Art. 5. Banque dato de la grilheu e do catast rezhonalo do patremouéno escursionisticco
Art. 6. Endrého tecnicco pre lo relevameunn de percours escursionisticco, de le vieu feraie e de sit de grempadzo enclù din la Grilheu rezhonala

CAP III.
PROSSEDEURE PRE L’ENCLUZHON DIN LA GRILHEU DE PERCOURS, VIEU FERAIE, SIT DE GREMPADZO E PRE LA REDZESTRASHON D’ITINERÉRO ESCURSIONISTICCO

Art. 7. Encluzhon d’in percours din la grilheu rezhonala: modalitaie de demanda e critéro dzeneralo de valutashon
Art. 8. Encluzhon d’ina viò feraia on d’in sit de grempadzo din la grilheu rezhonala: modalitaie de demanda e critéro dzeneralo de valutashon

Art. 9. Forme de peblessità pre l'encluzhon din la grilheu rezhonala de tret de viabilità privaia Art. 10. Redzestrashon de itineréro escursionisticco din lo catast rezhonalo do patremouéno escursionisticco: eunn proposeunn e critéro d’ammissibilità
Art. 11. Classificashon de itineréro

Art. 12. Itineréro de calità, itineréro d’intré istoricco-culturalo e itineréro a fruishon spesseficca

Art. 13. Itineréro de calità
Art. 14. Itineréro d’intré istoricco–culturalo Art. 15. Itineréro a fruishon spesseficca

CAP IV.
MODALITAIE DE FRUISHON DE LA GRILHEU LOCALA

Art. 16. Fruishon multipla
Art. 17. Endrého pre la fruishon an bessicléta/mountain bike
Art. 18. Endrého pre la fruishon a tseval
Art. 19. Norme de comportameunn e enformashon i escursionisto

CAP V.
VIEU FERAIE E SIT DE GREMPADZO

Art. 20. Desposeshon dzeneralo

CAP VI.
SOVEGARDA E MANTENIANSE DO PATREMOUÉNO ESCURSIONISTICCO

Art. 21. Sovegarda de percours enserì din la grilheu escursionisticca rezhonala
Art. 22. Entreveunn de mantenianse de percours escursionisticco de le vieu feraie e de sit de grempadzo.

CAP VII.
PLANIFICASHON BIENNALA D’ENTREVEUNN E VALORISASHON DE LES ATTIVITAIE ESCURSIONISTIQUE

Art. 23. Tipolozhì d’entreveunn
Art. 24. Planificashon provinshala
Art. 25. Planificashon rezhonala
Art. 26. Valorisashon e promoshon de les attivitaie escursionistique

CAP VIII.
SINHALADZO E STRUMEUNN DE PROMOSHON DE LA GRILHEU REZHONALA DO PATREMOUÉNO ESCURSIONISTICCO

Art. 27. Sistémo moduléro de sinhaladzo
Art. 28. Panel de dehreshon de la grilheu do patremouéno escursionisticco
Art. 29. Strumeunn de promoshon de la grilheu rezhonala do patremouéno escursionistico

CAP IX.
NORME FINALE

Art. 30. Endrého tecnicco

CAP I
FINALITAIE E DEFINISHON

Art. 1.

(Odzeut)

1. Lo preseunn regulameunn, an attuashon de la lei rezhonala 18 fevrér 2010, n. 12 (Recuperashon e valorisashon do patremouéno escursionisticco do Piemon):

a) ou l’endevidue li endrého tecnicco pre la determinashon de le grilheu escursionistique provinshale e rezhonale e pre l'emplementashon do catast rezhonalo do patremouéno escursionisticco;

b) ou defeneit le modalitaie de gestion e adzornameunn do catast rezhonalo do patremouéno escursionisticco;

c) ou defeneit le forme de peblessità adecaie a avarantir lo respet de drouet de proprietéro, din li cas din liquin la grilheu rezhonala lh’enclue tret de viabilità a usadzo privà;

d) ou l’endevidue endrého e critéro pre la definishon de le modalitaie de fruishon de la grilheu locala, de le vieu feraie e de sit de grempadzo;

e) ou l’endevidue li critéro pre la conseshon de contrebushon e le tipolozhì d’attivitaie finanshable; f) ou defeneit le spessefique tecnique pre lo sinhaladzo direshonalo unifeiò.

Art. 2.

(Definishon)

1. I but do preseunn regulameunn i s’enteunt pre:

a) percours escursionisticco (de souita denominà percours): ina trahe escursionisticca bieunn defeniò, composaia de moueindro elemeunn mandà morsel, enserì din lo catast e din la grilheu rezhonala do patremouéno escursionisticco, que lhe se develope an greunta pert dessù:

1) tret de viabilità de proprietà rezhonala, provinshala, comunala e militéra tal que defenì a l'articlho 2, coma 3, letreu de c) a f bis), do decret legislativo 30 avril 1992, n. 285 (Novo codo do tsemin);

2) viol tal que defenì a l’articlho 3, coma 1, letrò e), de la l.r. 12/2010;
3) tret de moueindra viabilità tal que defenì a l’articlho 3, coma 1, letrò f) de la l.r. 12/2010;

b) morsel: ina porshon omogénea de percours defeniò d’in poueunn inishalo e finalo, caraterizhò d’ina serì d’elemeunn qu’ou la conoto, comme la tipolozhì de trahe, de fon, la difficultà escursionisticca e d’otri tret artenù emporteunn;

c) itineréro: l’union de percours on de morsel apparteneunn a de percours esesteunn e comprein din lo catast rezhonalo do patremouéno escursionisticco, qu’ou se develope sutòt an ambieunn naturalo e semi-naturalo, asseu antropizhò, de fòrt empat attrattivo e qu’ou s’ensereit e ou s’entégre avó la semonsa touristicca dessù lo territouéro de referimeunn. L’itineréro, de la duraia de un on plu dzòrt, ou deit iéhre sinhalà amodo, enfrastruturà e supportà de sarvisho adecà a l’escursionisto;

d) tapa: la moueindra unità din laquinta ou s’articule l’itineréro i but de la rashonala fruishon de l’itineréro mémo. Din lo cas d’itineréro de plu dzòrt, la tapa lhe corespont o morsel percoriblo din la dzornà, an fonshon de la localisashon de le struteure d’apoio e di tein de percoreinse; din lo cas d’itineréro de la duraia de po d’oure, lhe deit iéhre prevue ina tapa soletò;

e) viò feraia: in tret de percours sutòt artefishalo, sinhalà, qu’ou méne lo fruitour dessù de falése on de créhe, souplate e oule, arnishìe a l’avansa avó de souahro, ishéle on salon;

f) viò de grempadzo: in trahe dessù rotse plus on moueins verticala de londzour e difficultà variable, caraterizhò de crotseut pre le man e apoio pre li piò de tsaque forma e dimenshon, naturalo on pa, fet pre eidar la progreshon;

g) sit de grempadzo: in’ensein d’ére caraterizhìe de vieu de grempadzo sportive monotir avó tret de securità e de percorribilità tal d’iéhre asseu consideraie adecaie a la fassilitashon de l’amprentissadzo de la praticca sportiva.

CAP II
LA GRILHEU E LO CATAST REZHONALO DO PATREMOUÉNO ESCURSIONISTICCO

Art. 3.

(Endrého tecnicco pre la determinashon de le grilheu provinshale e rezhonale)

1. La grilheu rezhonala do patremouéno escursionisticco, asseu denominaia GPE, e lo relativo catast ou sont de strumeunn tecnicco de cunussanse e d’édo a la programmashon e planificashon d’entreveunn de valorisashon do patremouéno escursionisticco rezhonalo féta de la Rezhon Piemon e di eunn territorialo competeunn.

2. La Rezhon Piemon lhe defeneit, an accord avó le provinse e li sedzeut dzereunn endeviduà a l’articlho 10, coma 1, de la l.r. 12/2010, l’organisashon de la grilheu e do catast rezhonalo do patremouéno escursionisticco, din lo respet di level de planificashon diquin a l'articlho 5 de la l.r. 12/2010.

3. I but de la premiére definishon e approvashon de la GPE, e de si adzornameunn a cadeinse triennala, la Dzouinta rezhonala, dessù la base d’ina valutashon tecnicca dessù la consesteinse e fonshon de percours, vieu feraie e sit de grempadzo preseunn dessù lo territouéro rezhonalo on de la preesesteinta planificashon escursionisticca rezhonala, lh’adote lo squéma de grilheu rezhonala doquin a l’articlho 5, coma 3, de la l.r. 12/2010 avó la relativa articolashon de setour escursionisticco e zo preseinte a le provinse pre la souiveinta endeviduashon de le grilheu escursionistique provinshale.

4. Dessù la base de la proposeshon rezhonala, le provinse ou l’organizho de confereinse de planificashon e ou defeneisso lo neumbro de setour, le grilheu escursionistique locale e li doméno

de competeinse gestionala. A le confereinse ou partissipo li sedzeut dzereunn de la grilheu escursionisticca endeviduà a l’articlho 10, coma 1, de la l.r. 12/2010 e les assossiashon componeinte le conseulte provinshale pre lo patremouéno escursionisticco.

5. Le grilheu escursionistique provinshale defenìe souita o prossé de planificashon partajò ou sont adotaie de tsaque provinse e di eunn enterishò a la gestion de la grilheu escursionisticca e pebleìe a l’albo pretouéro de le comeune enterishìe pre ina perioda de sesseunta dzòrt.

6. I but de la peblecashon de la souiveinta approvashon do caro di eunn enterishò, la grilheu lh’eut representaia pre tsaque provinse, di souiveunn documeunn:

a) lista de percours: sintése complessiva do catast a level provinshalo conteneunn li dato identificativo de tsaque percours;

b) trable cartografique de la grilheu rezhonala articulaie a level provinshalo an ishéla 1:50.000; c) relashon tecnicca de dehreshon de l’organisashon de la grilheu escursionisticca provinshala.

7. La fase de peblecashon lhe deit asseu contemplar la communicashon de sedzeut privà proprietéro de piéhe dessù lequinte ou l’ensisto les enfrastruteure odzeut d'enserimeunn din la grilheu rezhonala, a fare-se din lo respet de le prossedeure endecaie a l’articlho 9.

8. A la fin de la perioda de peblecashon, apportaie le modeficashon aspres, souita a les osservashon e a les opposeshon arevaie, lo squéma de grilheu provinshala ou l’eut envià a la Rezhon pre le verificashon tecnique e la reorganisashon a level rezhonalo. Féte héte prossedeure la grilheu lh’eut approvaia pre dabon de la Rezhon e pebleiò dessù lo Boletin Uffishalo telematicco.

Art. 4.

(Organisashon do catast rezhonalo do patremouéno escursionisticco)

1. Lo catast rezhonalo do patremouéno escursionisticco ou l’eut costituì d’ina banca dato enformativa iliaia a in sistémo enformativo zhograficco conteneunn, pre tsaque provinse, li dato identificativo, de dehreshon e zhograficco de tsaque percours, viò feraia on sit de grempadzo.

2. La grilheu e lo catast rezhonalo do patremouéno escursionisticco ou sont organizhò an tré difareinte seshon:

a) seshon A: grilheu e catast rezhonalo de percours;

b) seshon B: grilheu e catast rezhonalo de le vieu feraie;

c) seshon C: grilheu e catast rezhonalo de sit de grempadzo.

3. Lo catast rezhonalo do patremouéno escursionisticco ou partadze lo territouéro an caro, ére e setour:

a) li caro ou l’idantiféio lo territouéro rezhonalo e li territouéro provinshalo;

b) les ére ou sont costituìe de soutcaro correspondeunn a d’ensein de setour samblablo do poueunn de vue territorialo. Lo partadzo an ére ou pout iéhre fet canque in caro correspondeunn a ina provinse ou l’eut territorialameunn tròt amplo pre defenir la codeficashon de percours hanglhér. Normalameunn in caro ou veunt partajò an pa plu de trés ére;

c) li setour ou sont costituì de porshon de territouéro, ére on caro avó tret zhograficco e morfolozhicco samblablo, din liquin ou polo trovasse tein qu’a henn percours, henn sit de grempadzo e henn vieu feraie.

4. Lo catast rezhonalo do patremouéno escursionisticco ou l’idantiféie tsaque percours, viò feraia e sit de grempadzo avó in codo univoco referì i caro, ére e setour diquin o coma 3 e a d’otro dato essenshalo selon le modalitaie endecaie din li Endrého tecnicco diquin a l’articlho 30.

5. Ou sont redzestrà din lo catast do patremouéno escursionisticco asseu li itineréro selon heunn qu’ét prevù de l’articlho 10.

Art. 5.

(Banque dato de la grilheu e do catast rezhonala do patremouéno escursionisticco)

1. La grilheu e lo catast rezhonalo do patremouéno escursionisticco ou costitueisso de strumeunn de cunussanse e d’enformashon dzerà, adzornà selon le modalitaie endecaie din li endrého tecnicco diquin a l’articlho 30 e betà a desposeshon di operatour pre programmar e attuar les inissiative de valorisashon.

2. Les inissiative de valorisashon ou l’ont de finalitaie peblique e an dzin cas li dato do patremouéno escursionisticco ou polo iéhre utilizhò on sedù a ters an contrast avó li critéro deontolozhicco endecà din li endrého tecnicco diquin a l’articlho 30.

3. Le banque dato do patremouéno escursionisticco ou sont organizhìe an tré difareinte seshon:

a) seshon A, lhe compreunt li dato de la grilheu e do catast rezhonalo de percours escursionisticco struturà an banque dato composaie de:

1) elemeunn zhometricco lineéro, qu’ou dehriso li percours faseunn pert de la grilheu, partajò an moueindro elemeunn deut morsel;

2) elemeunn zhometricco puntualo qu’ou localizho le difareinte emerdzeinse e poueunn d’intré fonshonalo a la fruishon de la grilheu;

3) tabéle di attribù, dehreshon testuale e madze fotografique iliaie i elemeunn diquin i neumbro 1 e 2;

b) seshon B, lhe compreunt li dato de la grilheu e do catast rezhonalo de le vieu feraie struturà an banque dato composaie de:

1) elemeunn zhometricco lineéro, qu’ou dehriso le vieu feraie faseunn pert de la grilheu;

2) elemeunn zhometricco puntualo qu’ou localizho le difareinte emerdzeinse e les attressadeure fonshonale a la fruishon de la viò feraia;

3) tabéle di attribù, dehreshon testuale e madze fotografique iliaie i elemeunn diquin i neumbro 1 e 2;

c) seshon C, lhe compreunt li dato do catast rezhonalo de sit de grempadzo struturà an banque dato composaie de:

1) elemeunn zhometricco arealo qu’ou defeneisso tsaque sit de grempadzo hanglhér enclù din lo catast;

2) tabéle di attribù, dehreshon testuale e madze fotografique qu’ou defeneisso avó pressizhon le difareinte vieu de grempadzo conteneuve din lo sit.

Art. 6.

(Endrého tecnicco pre lo relevameunn di percours escursionisticco, de le vieu feraie e di sit de grempadzo enclù din la Grilheu rezhonala)

1. O but d’avarantir la calità e l’uniformità di dato enserì din lo catast do patremouéno escursionisticco, le trahe di percours, de le vieu feraie e di sit de grempadzo ou sont relevà selon le modalitaie conteneuve din li endrého tecnicco diquin a l’articlho 30.

CAP III
PROSSEDEURE PRE L’ENCLUZHON DIN LA GPE DE PERCOURS, VIEU FERAIE, SIT DE GREMPADZO E PRE LA REDZESTRASHON D’ITINERÉRO ESCURSIONISTICCO

Art. 7.

(Encluzhon d’in percours din la grilheu rezhonala: modalitaie de demanda e critéro dzeneralo de valutashon)

1. Ou polo proposar l’encluzhon d’in percours din la GPE li sedzeut competeunn i but de la gestion tecnicca de setour diquin a l'articlho 10 de la l.r. 12/2010, santouò l’adreita de la Conseulta provinshala pre lo patremouéno escursionisticco de laquinta a l'articlho 9 de la l.r. 12/2010.

2. La proposeshon d’encluzhon lh’eut endrehiò a la struteura rezhonala competeinta an matére de valorisashon do patremouéno escursionisticco (de souita endecaia comme struteura rezhonala competeinta), an dzunheunn la souiveinta documentashon ehresouò selon le modalitaie endecaie din li endrého tecnicco diquin a l’articlho 30:

a) squéda do percours;
b) cartografì correspondeinta i dato arportà din la squéda;
c) documentashon fotograficca di difareunn morsel do percours;

d) attestashon de l’estat de proprietà de le piéhe traversaie do percours;
e) documentashon inereinta l'espletameunn de le prossedeure de peblessità de laquinta a l’articlho 9;

f) attestashon relativa a l’eventualo traversameunn de territouéro de la grilheu ecolozhicca rezhonala de laquinta a l’articlho 2 de la lei rezhonala 29 zouin 2009, n. 19 (Testo unicco dessù la sovegarda de les ére naturale e de le biodiversitaie).

3. La struteura rezhonala competeinta lhe valute an viò preliminéra la proposeshon d’encluzhon din li treunta dzòrt de l’arsouò, selon li souiveunn critéro d’ammissibilità:

a) la proposeshon lhe deit engardar d’enfrastruteure qu’ou sisso dzò touristicameunn frecantaie; din lo cas d’enfrastruteure viable artsaieinte dessù de proprietaie privaie, lo passadzo escursionisticco ou pout fare-se a fron d’ina preesesteinta servitù d’usadzo peblicco graveinta dessù l’enfrastruteura on pre otorisashon formalameunn consedouò do caro do proprietéro on librameunn, de tein immemorablo;

b) ou polo iéhre enclù din la grilheu li percours avó tipolozhì de tsohiò difareinta do godron (omoueins lo ouiteunta pre henn do percours). Din lo doméno de héta valutashon ou polo iéhre betà a caro li percours que nessessérameunn, i but d’avarantir continuità o developameunn de l’itineréro, ou dévo traversar li veladzo;

c) eventualo tret de lieunn dessù de tsemin destinà a la sirculashon veiculéra ou sont possiblo rinque din lo cas din loquin i sisse pa possiblo idantifeiér in’alternativa dessù de viol on de tsemin moueindro.

4. Levrà l'esame preliminéro avó reseltà positivo, la proposeshon d’encluzhon lh’eut trasmisa a la provinse competeinta que, din treunta dzòrt, lhe done son adreita obligatouéra e vinculeinta.

5. La valutashon do caro de le provinse i but de l’espreshon de l’adreita de laquinta o coma 4 lh’eut féta an base i souiveunn critéro dzeneralo:

a) relevanse do percours i but do developameunn de la grilheu provinshala;

b) grado d’enterconeshon avó li otri percours dzò catastà e, plu spesseficco, an base i souiveunn prensipio:

1) enterconeshon avó la grilheu viéra, avó li parcadzo e avó le stashon de traspòrt peblicco;

2) lieunn avó còl e pa pre l'acsé i territouéro proptso, avó li veladzo prensipalo e avó le struteure d’acoueulh preseinte dessù lo territouéro;

3) ardzunhemeunn de refudzo e de poueunn d’arotsemeunn fondamentalo comme base de parteinse pre l'attività escursionisticca e alpinisticca;

4) lieunn avó sit e localitaie consideraie emporteinte i but touristicco on qu’i s’enteunt totun valorizhér pre de reison culturale, istorique on devoshonale;

5) possibilità de sarvir de mardzerieu e d’otre localitaie emporteinte o poueunn de vue touristicco e de la fruishon;

6) definishon d’ina grilheu armonicca e bieunn iliaia moueieunn l'eventuala restorashon de le trahe an disus ma fonshonale o lieunn entre heleu esesteinte e, rinque enté fran endispensablo, asseu moueieunn l'iverteura de nove trahe delon avó fonshon de lieunn entre heleu esesteinte;

7) coneshon avó de percours e de grilheu de viol a level provinshalo e rezhonalo, avó spesseficco referimeunn sisse i itineréro de londze percoreinse an hotour, sisse i sircouì touristicco a pià a mi- coha;

8) possibilità de sarvir ére pa véro enterishìe de flus escursionisticco e qu’ou polo adonca iéhre valorizhìe a partir de son encluzhon din la grilheu;

9) sovegarda de les ére arteneuve plu fradzile on pa adecaie o passadzo de flus escursionisticco;

10) asseinse o lon do percours d’empatso, asseu de sit on d’attivitaie encompatible a la fruishon escursionisticca pre sa supposaia nouisanse.

6. Aquisiò l’adreita de la provinse, la struteura rezhonala competeinta lh’acut on lh’arpousse la proposeshon d’enserimeunn, on lhe propose de modeficashon e entegrashon i but de l’assetashon de la méma.

7. An cas d’acoueulh de la proposeshon, la struteura rezhonala competeinta lh’aprove l’encluzhon do percours din la grilheu rezhonala e lhe n’an done communicashon o sedzeut proposeunn e a la provinse, an communiqueunn asseu lo codo e la tipolozhì (prensipala, secondéra, lieunn on varieinta) assinhò o percours mémo e lhe mande contestualameunn o sedzeut proposeunn la trasmishon do reliévo GPS fet selon le modalitaie endecaie din li endrého tecnicco diquin a l’articlho 30.

8. A l’arsouò de la documentashon de laquinta o coma 7 e din noreunta dzòrt de l’arsouò de la demanda, la struteura rezhonala competeinta lhe livre lo prossedimeunn avó lo definitivo catastameunn.

Art. 8.

(Encluzhon d’ina viò feraia on d’in sit de grempadzo din la grilheu rezhonala: modalitaie de demanda e critéro dzeneralo de valutashon)

1. Ou polo proposar l’encluzhon d’in sit de grempadzo on d’ina viò feraia din la GPE le comeune territorialameunn enterishìe de lequinte a l’articlho 11 de la l.r. 12/2010, sentouò l’adreita de la Conseulta provinshala pre lo patremouéno escursionisticco de laquinta a l’articlho 9 de la l.r. 12/2010.

2. Le proposeshon d’encluzhon ou sont endrehìe a la struteura rezhonala competeinta an dzunheunn la souiveinta documentashon:

a) squéda do sit de grempadzo on de la viò feraia;
b) cartografì correspondeinta i dato arportà din la squéda;

c) cartografì catastala avó endecashon de la parséla on de le parséle dessù laquinte ou se trove lo sit de grempadzo on la viò feraia;

d) documentashon fotograficca;

e) attestashon de l’estat de proprietà de le piéhe dessù lequinte ou se trove lo sit de grempadzo on la viò feraia e, din lo cas de piéhe de proprietà privaia, l’at de conseshon do proprietéro.

3. La documentashon de laquinta o coma 2 lh’eut féta selon le modalitaie endecaie din li endrého tecnicco diquin a l’articlho 30.

4. Din treunta dzòrt de l’arsouò, la struteura rezhonala competeinta lhe mande la proposeshon d’encluzhon a la provinse competeinta que, din li souiveunn treunta dzòrt, lhe done son adreita obligatouéra e vinculeinta an base i souiveunn critéro de ammissibilità:

a) collocashon do sit de grempadzo on de la viò feraia pa din le perteneinse de tsemin ivert a la sirculashon stradala;

b) enterconeshon do sit grempadzo e de la viò feraia an relashon a la grilheu viéra, avó li parcadzo e avó le stashon de traspòrt peblicco;

c) lieunn avó la GPE, avó li veladzo prensipalo e avó le struteure d’acoueulh preseinte dessù lo territouéro;

d) asseinse d’enterfereinse avó les ére arteneuve plu fradzile pre de reison ambientale, zholozhique on de sovegarda do paisadzo;

e) preseinse de sinhaladzo aspres verticalo e orisontalo d’acsé a partir di poueunn d’attestashon veiculéra on de la GPE;

f) preseinse de panel enformativo aspres plahiò an correspondeinse de poueunn d’attestashon veiculéra on din le vesenanse;

g) attestashon de conformità a le normative vedzeinte, a l’at de la proposeshon d’enserimeunn on prozhé de l’enfrastruteura;

h) plan de gestion pluriennalo;

i) regulameunn de fruishon;

j) plan d’evacuashon predesposà do secours alpin;

k) endeviduashon de in’ére on d’in acsé din le vesenanse do sit de grempadzo on de la viò feraia fonshonalo a l'espletameunn de les operashon de secours;

l) preseinse, din lo cas do sit de grempadzo, de in’ére de parcadzo din le vesenanse (pa outre le 30 meneute a piò);

m) preseinse de sarvisho izhenicco, asseu tsemicco, din le vesenanse do sit e de la viò feraia;

n) preseinse d’omoueins hinc vieu monotir;
o) sinhalashon aspres di confin do sit attrezhò.

5. La valutashon de critéro diquin o coma 4, letreu f), g), h), li) e p), lh’eut féta selon le modalitaie endecaie din li endrého tecnicco diquin a l’articlho 30.

6. Pre li sit de grempadzo spesseficameunn utilizhò i but de l’andio a la praticca sportiva de prensipieunn l’adreita lhe deit tenir contio di souiveunn critéro d’ammissibilità:

a) preseinse d’in acsé comodo do hot asseu pre la predesposeshon, seinsa la montà d’in premiér an cordà, do sistémo d’assuranse d’an ba;

b) sinhaladzo d’acsé a la hemò de le vieu (li setour de grempadzo ou dévo iéhre endecà amodo e delemità moueieunn de panel de separashon aspres);

c) preseinse d’omoueins hinc vieu monotir;

d) viol on percours d’acsé o sit seinsa difficultaie e sirculashon comoda an ba de la falése;

e) possibilità d’acsé pre endzin pre lo traspòrt collettivo din le vesenanse (10 meneute).

7. La valutashon de requisito diquin o coma 6, letreu a) e c), lh’eut féta selon le modalitaie endecaie din li endrého tecnicco diquin a l’articlho 30.

8. Aquisiò l’adreita de la provinse, la struteura rezhonala competeinta lh’acut on lh’arpousse la proposeshon d’enserimeunn, on lhe propose de modeficashon e entegrashon pre l’acoueulh.

9. Souita a l’acoueulh de la proposeshon, la struteura rezhonala competeinta lh’aprove l’encluzhon de la viò feraia on do sit de grempadzo din la grilheu rezhonala e lhe n’an done communicashon o sedzeut proposeunn e a la provinse, an communiqueunn lo codo de la viò feraia on do sit de grempadzo e, pre heunn qu’i engarde lo sit de grempadzo, la tipolozhì (sit de grempadzo sportivo, setour ehola, falése, blòc, terein de vanteura, ecc.) e lhe mande an mémo tein o sedzeut proposeunn la trasmishon do reliévo fet selon le modalitaie endecaie din li endrého tecnicco diquin a l’articlho 30.

10. Lo prossedimeunn ou freneit din novanta dzòrt de l’arsouò de la demanda avó lo definitivo catastameunn de les enfrastruteure do caro de la struteura rezhonala competeinta.

Art. 9.

(Forme de peblessità pre l'encluzhon din la grilheu rezhonala de tret de viabilità privaia)

1. Le comeune enterishìe a l’enserimeunn de tret de viabilità privaia pre liquin i at pa de servitù d’usadzo peblicco on de formalo at de conseshon do caro do privà, ou prevaio a donàseunn enformashon din le forme prevue de la lei 7 o 1990, n. 241 (Nove norme an matére de prossedimeunn amministrativo e de drouet d’acsé i documeunn amministrativo) i proprietéro e tituléro de drouet realo enterishò, liquin, din treunta dzòrt de la communicashon, ou polo proposar opposeshon a la comeune enterishò. La communicashon i proprietéro lhe pout iéhre féta asseu de

manére senteticca desòt forma d’avis, an endevedueunn li moueindro elemeunn do percours tal que lo non, le localitaie de parteinse e d’arevà, li crotsetour avó les eventuale otre enfrastruteure viable an arporteunn la trahe dessù l’estrat cartograficco an ishéla 1:10.000.

2. Din la communicashon de laquinta o coma 1 ou sont endecaie le modalitaie de fruishon de heleu trahe e de mantenianse de le condishon de fet dein lequinte ou se trovo le méme, a sovegarda de la securità di touristo e de la proprietaie enterishìe.

3. Dessù li percours artsaieunn an d’ére de proprietà privaia lo passadzo escursionisticco ou l’eut consantù rinque dessù li viol, dessù le mertse on li passadzo agrosilvopastoralo bieunn sinhalà e normalameunn batù do passadzo a piò, seinsa portar de dann a la proprietà d’otri din lo respet de l’articlho 843 do codo sevilo e 637 do codo penalo.

4. Dessù li percours artsaieunn an d’ére de proprietà privaia ou sont consanteuve d’operashon de mantenianse ordenéra de la trahe e do sinhaladzo esesteunn do caro de sedzeut territorialameunn competeunn i but d’avarantir la transitabilità pedonala e preservar la proprietà d’eventualo dann cosà d’eventualo passadzo fora trahe. Le tipolozhì d’entreveunn de mantenianse ou sont defenìe din li Endrého tecnicco diquin a l’articlho 30. Hétes operashon ou polo pa alterar li tret fisicco do sit enterishò do passadzo escursionisticco e ou sont limitaie a avarantir-zenn l’estat oredzenalo de percorribilità armarcà a l’at de l’enserimeunn din la grilheu escursionisticca rezhonala. L’apposeshon de novo sinhaladzo lh’eut prevue a sostitushon de helò preesesteinta e eventualameunn din li cas hereitameunn endespensablo pre avarantir la direshon do percours.

5. Féte a bon fin le prossedeure de peblessità le comeune ou prevaio a betar a dzòrt si regulameunn de polissìa rurala an ensereunn la closula de transitabilità dessù de terein privà traversà de trahe enclù din la grilheu escursionisticca rezhonala a le condishon ahablìe din l’at de peblessità emanà i but de l’enserimeunn.

6. Le vieu feraie e li sit de grempadzo a enclure din la grilheu escursionisticca rezhonala ou sont endeviduà de le comeune din lo respet de le modalitaie prossedurale defenìe a l’articlho 8.

7. Le vieu feraie e li sit de grempadzo endeviduà ou polo ensistar dessù de terein de proprietà comunala on de proprietà privaia on iéhre an desponibilità de l’amministrashon comunala.

8. Din li cas din liquin l'ére odzeut d’entreveunn de recuperashon lhe sisse an tòt on an pert de proprietà privaia, l’amministrashon comunala lhe deit communicar i proprietéro la proposeshon d’enserimeunn din la grilheu rezhonala e ottenir di mémo l’engadzo formale a consedre le surfahe enterishìe an usadzo peblicco pre ina perioda de disnó anni, renovablo, a partir de la data d’acoueulh de l’istanse d’enserimeunn din la grilheu.

9. L’ére dessù laquinta lh’ensesteit la viò feraia on lo sit de grempadzo lhe deit iéhre destinaia urbanisticameunn a usadzo agricolo, veurt peblicco on sportivo. Avó lo mémo at ou se defeneisso an plu le modalitaie d’esecushon d’entreveunn de mantenianse ordenéra a fare dessù les ére enterishìe de le vieu feraie e sit de grempadzo proposeshon i but de l’enserimeunn din la grilheu rezhonala.

Art. 10.

(Redzestrashon d’itineréro escursionisticco din lo catast rezhonalo do patremouéno escursionisticco: eunn proponeunn e critéro d’ammissibilità)

1. Ou polo mandar la redzestrashon a catast d’in itineréro, tal que defenì a l’articlho 2, coma 1, letrò c), li sedzeut competeunn i but de la gestion tecnicca de setour diquin a l'articlho 10 de la l.r. 12/2010, santouò l’adreita de la Conseulta provinshala pre lo patremouéno escursionisticco de lquinta a l’articlho 9 de la l.r. 12/2010.

2. Le domande de redzestrashon ou sont endrehìe a la struteura rezhonala competeinta, an lieunn la souiveinta documentashon:

a) squéda itineréro;
b) cartografì de l’itineréro an formà numericco e an papél;

c) documentashon comproveinta li tret organisativo e de calità, din lo cas d’itineréro de calità de laquinta a l’articlho 13;

d) documentashon tecnicco-santentificca attesteinta la valour ambientala, istoricco-culturala de l'itineréro, din lo cas d’itineréro d’intré istoricco-culturalo doquin a l’articlho 14;

e) documentashon attesteinta la fruishon spesseficca de l’itineréro, din lo cas d’itineréro a fruishon spesseficca doquin a l’articlho 15;

f) attestashon do sedzeut proponeunn d’assunshon do rolo d’eunn capfila pre lo coordinameunn de les attivitaie de valorisashon de l’itineréro.

3. La documentashon de laquinta o coma 2 lh’eut féta selon le modalitaie endecaie din li endrého tecnicco diquin a l’articlho 30.

4. Din treunta dzòrt de l’arsouò, la struteura rezhonala competeinta lhe mande la proposeshon d’encluzhon a la provinse competeinta que, din treunta dzòrt, lhe done son adreita obbligatouéra e vinculeinta an base i souiveunn critéro d’ammissibilità:

a) apparteneinse de percours de l’itineréro a la GPE e o relativo catast;

b) percorribilità de l’entiére trahe e preseinse de sinhaladzo direshonalo aspres e de continuità e de panel realizhò selon le modalitaie endecaie din li endrého tecnicco diquin a l’articlho 30;

c) fruibilità de l’itineréro, on partadzo eventualo an tape de l’itineréro an fonshon de la localisashon de le struteure d’apoio e de tein de percorreinse.

5. Din lo cas din loquin l'itineréro ou se developisse an plu territouéro provinshalo, asseu d’otre rezhon, ét nessesséro an plu que la documentashon tecnicca a presentar o soueunn do proponeunn i but de la redzestrashon lhe sisse approvaia de le provinse enterishìe, santouò l’adreita de le relative conseulte provinshale pre lo patremouéno escursionisticco enté qu’ou sisso preseinte. Ét nessesséro an plu qu’ou sisso attivà li spesseficco acòrd de programmò prevù de la l. 241/1990 entre les amministrashon enterishìe.

6. Pre li itineréro de relevanse entrenashonala lh’eut an outre nessesséra l’approvashon do caro de l’eunn omologo competeunn din li doméno territorialo delai do confin.

7. Arsouò l’adreita provinshala de laquinta o coma 4, la struteura rezhonala lhe poursouit l'istrutouére an classifeieunn l'itineréro selon le tipolozhì prevùe a l’articlho 11.

8. Lai enté que l'itineréro ou se califeisse positivameunn an ordre a la gestion e mantenianse de percours qu’ou lo composo, a l’organisashon de sarvisho touristicco ilià, a l'enformashon e promoshon escursionisticca, on ou se caraterizhisse pre la hota valour istoricca-culturala, on encorò pre la destinashon a ina fruishon spesseficca, la struteura rezhonala, dessù proposeshon de l'eunn proponeunn on de sa méma inissiativa, lhe pout assinhér, outre a la spesseficca classe de referimeunn de laquinta a l’articlho 11, d’eventualo attribù relativo a le trahe de l'itineréro e recondouisiblo a le tipolozhì de lequinte a l'articlho 12. I but de héti ulteriour arcunussemeunn la struteura rezhonala competeinta lhe pout apoiésse, din la fase d’analise de le trahe de l’itineréro, do édo tecnicco d’otre struteure rezhonale competeinte din le matére iliaie i tret odzeut de valutashon.

9. I but de la redzestrashon d’itineréro de valeinse entreprovinshala on entrenashonala l'istrutouére lhe se clhave moueieunn l'aquisishon de l’adreita de la Conseulta rezhonala pre lo patremouéno escursionisticco que lhe s’apoie o groupe tecnicco doquin a l’articlho 25, coma 4, pre l'esame de la proposeshon.

10. An cas de reseltà positivo de l’istrutouére, la struteura rezhonala competeinta lh’approve la redzestrashon de l’itineréro din la GPE e din lo relativo catast e lhe n’enforme lo sedzeut proponeunn, an communiqueunn an plu la classe assinhò a l’itineréro e li eventualo attribù spesseficco relativo a le trahe de l’itineréro e ricondouisiblo a le tipolozhì de lequinte a l’articlho 12.

11. Lo sedzeut proponeunn ou l’at l’oblidzo de sinhalar a la struteura rezhonala competeinta tsaque modeficashon sebiò de la trahe de l’itineréro.

12. La redzestrashon lh’at la duraia de hinc an, apré liquin l’eunn proponeunn ou deit arnovelala, an avaranteunn la persesteinse de requisito d’ammissibilità diquin o coma 4.

13. La struteura rezhonala competeinta lhe pout totun, an tsaque momeunn, fare de controlo dessù li requisito d’ammissibilità diquin o coma 4.

14. La demanda de redzestrashon d’in itineréro a catast lhe pout fare-se an mémo tein de la demanda d’encluzhon di percours enterishò, bieunn qu’ou sisso respetà touit li critéro e presentaia totò la documentashon diquin o coma 2 e a l'articlho 7.

Art. 11.

(Classificashon di itineréro)

1. Li itineréro ou sont classifeiò an:

a) itineréro de I level on level rezhonalo (LI.R.): ou font pert de héta categorì li itineréro qu’ou preseinto touit li tret souiveunn:

1) collegameunn e enterconeshon entrerezhonalo on entrenashonalo;

2) developameunn dzeneralo din la Rezhon Piemon endecativameunn plu greunn de 100 quilométre;

3) partadzo an in serténo neumbro de tape (dzeneralameunn plu de dis) bieunn defenìe, tsacunò de londzour adecaia e supportaie de relativo aret pre la nouetà;

b) itineréro de II level on level provinshalo (LI.P.): ou font pert de héta categorì li itineréro qu’ou preseinto touit li tret souiveunn:

1) developameunn prevaleunn d’ina provinse hanglhére avó preseinse d’eventuale coneshon entreprovinshale, entrerezhonale on entrenashonale;

2) developameunn dzeneralo din la Rezhon Piemon endecativameunn entre li 10 e li 100 quilométre;

3) partadzo an in serténo neumbro de tape (dzeneralameunn plu de dis) bieunn defenìe, tsacunò de londzour adecaia e supportaie de relativo aret pre la nouetà;

c) itineréro de II level on level provinshalo avó developameunn de hota montinheu (LI.P.Mont.): ou font pert de héta categorì li itineréro qu’ou preseinto touit li tret souiveunn:

1) hotour moueiéna do percours entìe indicativameunn de 1.500 métre;

2) partadzo an in serténo neumbro de tape (moueins de dis), bieunn defenìe, de londzour adecaia e avó relativo aret pre la nouetà delon representà de refudzo e bivac an hotour;

3) condishon qu’ou nessessito d’in aquipado adecà (arbilhemeunn e moueindro mobladzo alpinistico comme pic e grape);

d) itineréro de level localo on de prossimità (LI.L.): ou font pert de héta categorì li itineréro qu’ou preseinto touit li tret souiveunn:

1) valeinse locale e developameunn lemità (endecativameunn entre li 3 e li 10 quilométre) avó ina trahe que lhe traverse lo territouéro de pa plu de tré comeune;

2) percorribilità an dzornà e asseinse do partadzo an tape.

Art. 12.

(Itineréro de calità, itineréro d’intré istoricco-culturalo e itineréro a fruishon spesseficca)

1. La struteura rezhonala competeinta, din lo cours de la redzestrashon a catast d’in itineréro lhe pout assinhér a l’itineréro mémo, outre a la classe de laquinta a l’articlho 11, d’otri attribù spesseficco relativo a le trahe de l’itineréro e recondouisiblo a le tipolozhì qu’ou souivo:

a) itineréro de calità doquin a l’articlho 13;

b) itineréro d’intré istoricco-culturalo doquin a l’articlho 14;
c) itineréro a fruishon spesseficca selon les otre sout-tipolozhì doquin a l’articlho 15.
2. Éto possiblo d’attribuar a in mémo itineréro plu d’unò de le tipolozhì de lequinte o coma 1.

Art. 13.

(Itineréro de calità)

1. Ou sont defenì itineréro de calità héli qu’ou preseinto, outre a ina hota valour ambientala on culturala, li tret organisativo e de calità qu’ou souivo:

a) gestion e mantenianse de l’itineréro avarantiò a tein endeterminà (do caro do sedzeut competeunn i but de la gestion tecnicca do setour de la grilheu on confiaia a sedzeut esterno);

b) valore touristicca de l’itineréro e do territouéro engajò, an termo de:

1) bon-na organisashon, preseinse e calità de le struteure d’acoueulh e de sarvisho a l’escursionisto preseunn dessù lo territouéro;

2) bon-na organisashon de l'enformashon touristicca dedeiò a l'escursionisto;

3) dotashon e destrebushon de strumeunn de promoshon e devulgashon an papél (pé dzò mape on cartoguide) on web, diquin a l'articlho 29;

4) preseinse de proposeshon escursionistique entegraie din lo contesto de la semonsa touristicca locala.

Art. 14.

(Itineréro d’intré istoricco–culturalo)

1. Ou sont defenì itineréro d’intré istoricco-culturalo héli qu’ou l’apparténo a unò on plu de categorì souiveinte:

a) itineréro b) itineréro c) itineréro d) itineréro e) itineréro

emporteunn pre de memouére istorique spessefique;
de devoshon;
anovrà din li tein pre but commershalo, stratezhicco, militéro; anovrà din li tein pre la migrashon di poplo;
transfrontalhér;

f) itineréro qu’ou l’isso de tret spessialo an teunn que tecnique de costrushon on usadzo de materialo de spesseficco intré, pre son apparteneinse a in sistémo d’enfrastruturashon do territouéro istoricameunn consolidà pre l’agricolteura, l’enlevadzo on la gestion di boué (pre esimplo carcaie, meralhea an labio isouit);

g) itineréro avó in rolo struturalo pre li ensediameunn ruralo;

h) itineréro qu’ou presentisso de tret panoramicco, diquin i s’ardzoueit de vue ample dessù de paisadzo de valour e dessù de bieunn do paisadzo;

i) itineréro recondouisiblo a le trahe preseinte din la premiére carta LI.G.M. 1:25.000 e arportaie din le mape Teresiane e Rabbini.

2. Li itineréro d’intré istoricco-culturalo ou polo iéhre enserì dedin li strumeunn de planificashon prevù de la lei rezhonala 5 deseimbro 1977, n. 56 (Sovegarda e usadzo do sol) e ou sont soubetà de hi mémo a de spessefique prehreshon finalizhìe a sa sovegarda dereveunn do Plan do paisadzo rezhonalo e de le relative norme e pé dzò arferìe i souiveunn endrého e but:

a) permaneinse, continuità e lesibilità de la viélhe trahe asseu an preseinse de modeficashon e varieinte;

b) entegrità, mantenimeunn e restorashon, enté possiblo, de caratéro de costrushon, morfolozhicco e vedzetashonalo caraterizheunn, e de materialo anovrà;

c) conservashon e lesibilità de sinho istoricameunn ilià a la preseinse de la trahe, tal que linhe di batimeunn, plante, meralhe de contenianse, tsapelòt, clhesereu, ovre de presido e otro.

Art. 15.

(Itineréro a fruishon spesseficca)

1. Lo sedzeut dzereunn de la grilheu locala, an accord avó le comeune territorialameunn enterishìe, les assossiashon e la struteura rezhonala competeinta, ou pout endeviduar d’itineréro destinà a ina spesseficca modalità de fruishon comme:

a) itineréro sicloescursionisticco;

b) ippovì;

c) itineréro ivernalo;

d) itineréro destinà a otre e difareinte modalitaie de fruishon.

2. Li tret d’itineréro a fruishon spesseficca ou sont contenù din li endrého tecnicco diquin a l’articlho 30.

3. Li itineréro a fruishon spesseficca ou dévo iéhre sinhalà selon heunn endecà a l’articlho 27, coma 5, letrò b), neumbro 2).

CAP IV
MODALITAIE DE FRUISHON DE LA GRILHEU LOCALA

Art. 16.

(Fruishon multipla)

1. La fruishon multipla (a piò, an bessicléta e a tseval) lh’eut de norma librameunn consantouò dessù touit li percours enclù din la grilheu escursionisticca rezhonala viò li cas din liquin, pre determinà tret fisicco di percours, d’ambieunn traversà on pre la preseinse de prevedzeinte lemitashon, li sedzeut competeunn i but de la gestion tecnicca do setour, an accord avó le comeune enterishìe, ou defeneisso de spessefique modalitaie de fruishon di percours.

Art. 17.

(Endrého pre la fruishon an bessicléta/mountain bike)

1. Donaie les endecashon de lequinte a l’articlho 16, coma 5, de la l.r. 12/2010, la fruishon di percours de la GPE avó bessicléta/mountain bike (MTB) lh’eut de norma consantouò dessù li percours qu’ou preseinto de tret fisicco qu’ou balho in passadzo comodo a in’uteinse multipla.

2. Lai enté que lo percours ou presentisse de tret fisicco (greunta pandeinse, lardzour lemitaia, spesseficca tipolozhì de fon e otro tret valutà do sedzeut dzereunn determineunn pre la fruishon an bessicléta) at a empatsér la fruishon multipla on de reindre-la defessilhe asseu i but de la securità di uteunn, lo sedzeut competeunn i but de la gestion tecnicca de setour, diquin a l’articlho 10 de la l.r. 12/2010, ou pout, din lo doméno de la planificashon de le modalitaie de frecantashon do percours e an accord avó le comeune enterishìe e les assossiashon engadzìe:

a) entredire la fruishon avó bessicléte/MTB, enté que l'ensedeinse de tret pa at a la fruishon avó bessicléte/MTB lhe sisse emporteinta an relashon a l’ensein do percours. Dessù hi percours ét obligatouéro arportar lo simbolo de defeinse pre bessicléte/MTB selon le modalitaie endecaie din li endrého tecnicco diquin a l’articlho 30;

b) mantenir la fruishon multipla do percours, enté que l'ensedeinse de tret pa at a la fruishon avó bessicléte/MTB lhe sisse pa véro emporteinta an relashon a l’ensein do percours, an emposeunn a le bessicléte/MTB lo passadzo avó lo mouieunn a man din li tret enté que la crouizhò avó d’otro uteunn lhe sisse defessilhe. Dessù hi percours a fruishon multipla li sedzeut competeunn i but de la gestion tecnicca de setour e le comeune territorialameunn enterishìe ou l’ont l'oblidzo de betar le spessefique avverteinse e sinhalashon destinaie a la securità di escursionisto (pre esimplo l'oblidzo de portar a man la bessicléta pre in tal tret);

c) destinà lo percours a attivitaie difareinte de l'escursionismo sisse a piò qu’an bessicléta/MTB, tal que down hill, an conformità a la ledzeslashon vedzeinta an matére, an esclueunn adonc lo percours de la GPE.

3. Éto possiblo que din lo doméno de le prehreshon de sovegarda di itineréro d’intré istoricco- culturalo de lequinte a l’articlho 21, coma 4, lai enté que de tret de percours apparteneunn a hi itineréro ou sisso caraterizhò de tecnique de costrushon on usadzo de materialo de spesseficco intré pre son apparteneinse a in sistémo d’enfrastruturashon do territouéro istoricameunn consolidà (pre

esimplo carcaie, meralhe a labio isouit) e qu’ou polisso iéhre abimà do passadzo de le bessicléte, ou sisso prein de provvedimeunn on defeinse de passadzo de le bessicléte/MTB dessù hi tret.

4. Toteu le lemitashon do preseunn articlho ou l’engardo asseu li percours de la GPE preseunn dedin les ére de parc, reserve e otre ére naturale protedzìe. Héte lemitashon ou polo iéhre entegraie de provvedimeunn aspres e regulameunn enterno a héte ére.

Art. 18.

(Endrého pre la fruishon a tseval)

1. La fruishon de percours de la GPE a tseval lh’eut de norma consantouò dessù li percours qu’ou preseinto de tret fisicco at a favorir lo passadzo comodo d’uteinse multipla.

2. Lai enté que lo percours ou presentisse de tret fisicco at a empatsér la fruishon multipla on de reindre-la defessilhe asseu i but de la securità di uteunn, lo sedzeut competeunn i but de la gestion tecnicca de setour, diquin a l’articlho 10 de la l.r. 12/2010, ou pout, din lo doméno de la planificashon de le modalitaie de frecantashon do percours e an accord avó le comeune enterishìe e les assossiashon engadzìe:

a) entredire la fruishon a tseval, enté que l'ensedeinse de tret pa at a la fruishon a tseval lhe sisse emporteinta an relashon a l’ensein do percours. Dessù hi percours ét obligatouéro arportar lo simbolo de defeinse pre fruishon a tseval selon le modalitaie endecaie din li endrého tecnicco diquin a l’articlho 30;

b) mantenir la fruishon multipla do percours, enté que l'ensedeinse de tret pa at a la fruishon a tseval lhe sisse pa véro emporteinta an relashon a l’ensein do percours, an emposeunn lo passadzo a piò an acompanheunn lo tseval din li tret enté que la crouizhò avó d’otro uteunn lhe sisse defessilhe. Dessù hi percours a fruishon multipla li sedzeut competeunn i but de la gestion tecnicca de setour e le comeune territorialameunn enterishìe ou l’ont l'oblidzo de betar le spessefique avverteinse e sinhalashon destinaie a la securità di escursionisto.

3. Ét possiblo que din lo doméno de le prehreshon de sovegarda d’itineréro d’intré istoricco- culturalo diquin a l’articlho 21, coma 4, enté que de tret de percours apparteneunn a hi itineréro ou sisso caraterizhò de tecnique de costrushon on l’usadzo de materialo de spesseficco intré pre son apparteneinse a in sistémo de infrastruturashon do territouéro istoricameunn consolidaia (pre esimplo carcà, parapeut, mereut an labio) e qu’ou polisso iéhre domajò do passadzo de tseval, ou sisso prein de provedimeunn dessù la defeinse de passadzo de tseval dessù hi tret.
4. Toteu le lemitashon do preseunn articlho ou l’engardo asseu li percours de la GPE preseunn dedin les ére de parc, reserve e ótres ére naturale protedzìe. Héte lemitashon ou polo iéhre entegraie de provedimeunn spesseficco e regulameunn enterno a hétes ére.

Art. 19.

(Norme de comportameunn e enformashon i escursionisto)

1. La fruishon de touit li percours de la GPE lh’eut reglhaia de le norme do d. lgs. 285/1992 pre li doméno d’applicashon e de le spessefique norme de comportameunn conteneuve din li endrého tecnicco diquin a l’articlho 30.

2. Lo sedzeut competeunn i but de la gestion tecnicca de setour ou deit arportar le norme de comportameunn de lequinte o coma 1 dessù touit li panel de la grilheu de percours escursionisticco a tsaque level (panel de la grilheu rezhonala, provinshala, locala e panel di itineréro diquin a l’articlho 28) e dessù tòt lo materialo de promosso e de devulgashon (carte, guide e sit web, diquin a l’articlho 29).

3. Selon le modalitaie endecaie din li endrého tecnicco diquin a l’articlho 30, ét an plu obbligatouéro d’arportar dessù li strumeunn diquin o coma 2 les enformashon relative a:

a) tipo d’enfrastruteure viable comprein din la grilheu escursionisticca;
b) regolamentashon do trafi motorizhò dessù li percours de la grilheu;
c) eventuale defeinse pre lo passadzo avó bessicléta/MTB on a tseval dessù li percours de la grilheu; d) level de difficultà assinhò a tsaque percours, viò feraia on sit de grempadzo;
e) itineréro a fruishon spesseficca avó relativo grado de difficultà diquin a l’articlho 15.

CAP V
VIEU FERAIE E SIT DE GREMPADZO

Art. 20.

(Desposeshon dzenerale)

1. La Rezhon Piemon, an attuashon de l’articlho 11 de la l.r. 12/2010:

a) lhe pousse la praticca an securità do grempadzo dessù rotse e do ferratismo moueieunn la creashon d’ina grilheu de sit de grempadzo e vieu feraie de valeinse rezhonala enclù din la GPE; lhe pousse asseu sa recalificashon, la periodicca mantenianse e la promoshon, an teunn que pert entegreinte do patremouéno escursionisticco rezhonalo;

b) lhe done li endrého pre heunn qu’i intre se modalitaie de fruishon.

2. I but de l’applicashon do preseunn articlho li sit de grempadzo e le vieu feraie ou costitueisso, ensein a le relative perteneinse, in sistémo organisativo e gestionalo enval.

3. I seins de l’articlho 11 de la l.r. 12/2010, a la comeune lhe totse:
a) l’endeviduashon de le vieu feraie e de sit de grempadzo a proposar a la Rezhon;

b) l’eheudio, la realisashon, la gestion, comprein la mantenianse ordenéra e strordenéra, e touit li otri entreveunn pre avarantir la securità e l’effisseinse de sit de grempadzo e de le vieu feraie enserì din la GPE e de le relative perteneinse;

c) la predesposeshon d’in regulameunn relativo a le modalitaie d’acsé e fruishon do sit de grempadzo on viò feraia tenù contio d’eventuale desposeshon dzò vedzeinte relative a la fruishon d’enfrastruteure an ére tutelaie desòt lo prefil urbanisticco on ambientalo.

4. L’eheudio ou prevoueit li souiveunn doméno:

a) realisashon ex-novo;

b) entreveunn d’estenshon, adecameunn, recalificashon, mantenianse strordenéra de sit de grempadzo e vieu feraie esesteunn e a enclure on dzò enclù din la grilheu do patremouéno escursionisticco rezhonala;

5. L’eheudio ou deit contemplar, an plu de spessefique prevùe de le norme vedzeinte, in eheudio zholozhicco struturalo qu’ou l’endeveduisse a l’avansa li tret zholozhicco-tecnicco de les ére enterishìe di entreveunn o fin d’avarantir in elemeunn de cunussanse an apoio de l’eheudio de les ovre.

6. La gestion lhe conteimple le souiveinte attivitaie:

a) realisashon d’entreveunn de mantenianse ordenéra, controlo de l’enfrastruteura e de se perteneinse i but d’avarantir la frecantashon an securità di uteunn;

b) organisashon de le modalitaie d’acsé e de fruishon de les enfrastruteure enterishìe e de se perteneinse an ordre a le desposeshon regulamentére comunale vedzeinte.

7. La mantenianse ordenéra lhe conteimple l'ensein d’entreveunn, a fare periodicameunn, de reparashon, arnovelameunn e sostitushon, nessesséro a entegrar e mantenir an effisseinse le vieu de grempadzo e feraie esesteinte e enserìe din la GPE bieunn qu’ou comportisso pa de modeficashon a le struteure an falése e i percours de le vieu méme. Ou sont a considerar an héta tipolozhì d’entreveunn asseu la mantenianse de le perteneinse e li travalh de neteiadzo di percours d’acsé, de carque caro d’attestashon veiculéra (parcadzo) e l’arnovelameunn do sinhaladzo orisontalo on la reparashon do sinhaladzo verticalo.

8. Les attivitaie engardeinte la gestion ou dévo iéhre prevùe an in spesseficco plan pluriennalo predesposà de la comeune que lhe tenisse contio di tret tecnicco do sit de grempadzo e de la viò feraia. Din lo plan ou sont endeviduà li entreveunn a fare dessù le vieu feraie, sit de grempadzo e relative perteneinse, le modalitaie esecutive, li tein de realisashon e li controlo periodicco a fare afin d’endeviduar li eventualo entreveunn nessesséro, le modalitaie pre organizhér l’acsé e la fruishon di utenti an relashon a le spessefique desposeshon regulamentére comunale comprein les attivitaie de controlo eventuale.

9. Lo plan de gestion ou l’eut adzì de la comeune dereitameunn on moueieunn in sedzeut dzereunn califeiò pre la realisashon de les attivitaie prevùe do plan e convenshonà avó la comeune méma i but de la gestion. Lo dzereunn ou l’eut tenù, outre li adempimeunn prevù din la convenshon, a avarantir la creviò de l’assuranse relativa a l’usadzo de l’ére e pre heunn qu’i intre tsaque risco dereveunn de l’usadzo de la méma vers d’otro fruitour, viò la responsabilità dereita di uteunn hanglhér an ordre a in mové usadzo di sistémo de securità e a l’inosservanse di regulameunn engardeunn le modalitaie de fruishon e l’acsé a la viò feraia e sit de grempadzo.

10. Lo regulameunn doquin o coma 3, letrò c) ou deit contemplar omoueins li souiveunn tret:

a) modalitaie d’ardzunhemeunn di sit de grempadzo e de le vieu feraie, de prefereinse avó de mouieunn pa motorizhò e modalitaie d’usadzo de sarvisho a desposeshon tal que ére de parcadzo, sarvisho courér, rahlére pre bice;

b) modalitaie d’acsé i sit de grempadzo e a le vieu feraie: la comeune lhe pout de fet subordenar l’acsé a le vieu feraie de sa competeinse o paiemeunn d’ina cota contributiva a édo di fré de mantenianse de la viò, di acsé, di panel enformativo e d’eventualo sarvisho ilià, avó sinhaladzo aspres; asseu l’acsé libro ou deit iéhre sinhalà;

c) norme comportamentale pre la fruishon do sit on de la viò feraia e desposeshon engardeinte lo mobladzo a empleiér;

d) eventuale restreshon dessù la fruishon do sit de grempadzo on de la viò feraia an de spessefique condishon meteorolozhique, ambientale e sesonale;

e) defeinse pre li fruitour on pre lo personalo pa otorizhò d’apportar de modeficashon e alterashon a la rotse, o mobladzo di sit de grempadzo e de le vieu feraie, e o relativo sinhaladzo;

f) norme de comportameunn dessù lo respet di caro dessù: gestion do bodris, alenadzo de fouò, respet de le piéhe privaie, respet di tseunn e de les ére de valour naturalisticca;

g) le modalitaie de sinhalashon do caro di frecantour de problémo a l’entòrt do mobladzo, a la preseinse de blòn enstablo, de bodris i piò de la falése, on de carque otro problémo ilià o sit de grempadzo on a la viò feraia.

11. La comeune de sa méma inssiativa on dessù sinhalashon do sedzeut dzereunn convenshonà, an cas de provaie situashon de dandzér lhe defeunt moueieunn l’adoshon de provedimeunn aspres l’acsé a le vieu feraie e i sit de grempadzo e l’esersisho do grempadzo din li caro ahablì, a sovegarda de l’encolumità peblicca.

12. Le comeune, i but de l’endeviduashon, eheudio, realisashon, mobladzo e mantenianse de sit de grempadzo sportivo e de le vieu feraie, e pre la determinashon de se modalitaie de fruishon, ou polo istituir de spessefique commishon tecnique consultive locale composaie di represanteunn do:

a) Colédzo rezhonalo Guide alpin-ne do Piemon;
b) Federashon grempadzo sportivo italian;
c) Club alpin italian (CAI);
d) Còrs nashonalo secours alpin e speleolozhicco (CNSAS); e) assossiashon locali anovreinte le falése de grempadzo.

CAP VI
SOVEGARDA E MANTENIANSE DO PATREMOUÉNO ESCURSIONISTICCO

Art. 21.

(Sovegarda de percours enserì din la grilheu escursionisticca rezhonala)

1. La GPE lh’eut represantaia din lo doméno do Plan do paisadzo rezhonalo e lh’eut comprein din la grilheu fruitiva defeniò din le norme do Plan mémo.

2. Le provinse e le comeune ou represeinto, an siédzo de formashon e approvashon de la planificashon territoriala e do paisadzo, la grilheu escursionisticca de sa competeinse.
3. Pé dzò le provinse ou prevaio, o bié de les endecashon do Plan do paisadzo rezhonalo e de le relative norme, a valorizhér le grilheu escursionistique provinshale.

4. Li itineréro d'intré istoricco-culturalo diquin a l’articlho 14 ou polo an plu iéhre arcunussù pre sa valour din lo doméno do Plan do paisadzo rezhonalo i seins de le norme do Plan mémo e din lo doméno d’otri strumeunn de planificashon prevù, i difareunn level territorialo, de la l.r. 56/1977 e iéhre soubetà de hi mémo strumeunn a de prehreshon spessefique finalizhìe a tutelar son arcunussabilità e la relashon avó lo contesto, tenù contio de le fonshon féte di percours faseunn pert de hi itineréro e di tret do territouéro traversà e an coereinse avó lo Plan do paisadzo rezhonalo e avó le relative norme.

5. Din lo doméno de la grilheu escursionisticca rezhonala ou polo pa iéhre endeviduà de le comeune de percours pre mouieunn motorizhò i seins de l’articlho 11, coma 3, de la lei rezhonala 2 noveimbro 1982, n. 32 (Norme pre la conservashon do patremouéno naturalo e de l'asset ambientalo), viò le porshon de percours endeviduaie a sardzo de la grilheu di tsemin. Dessù hi percours an plu lh’eut pa consantouò l’organisashon de manifestashon e gare d’andzin fora-tsemin selon le desposeshon de l’articlho 11, coma 5 bis, de la l.r. 32/1982. Ou l’iho vedzeinte le derogashon prevùe de l’articlho 11, coma 6 de la méma lei.

6. Lo sedzeut competeunn i but de la gestion tecnicca de setour ou l’eut tenù a sinhalar, selon le modalitaie endecaie din li endrého tecnicco diquin a l’articlho 30, le lemitashon de lequinte o coma 5 dessù li percours de la grilheu escursionisticca.

Art. 22.

(Entreveunn de mantenianse de percours escursionisticco de le vieu feraie e di sit de grempadzo)

1. La mantenianse di percours escursionisticco, de le vieu feraie e di sit de grempadzo lh’eut defeniò coordenaia din lo doméno de la planificashon biennala prevùe a l’articlho 13 de la l.r. 12/2010 e selon le modalitaie endecaie din li endrého tecnicco diquin a l’articlho 30.

2. I but de la mantenianse de percours enclù din la GPE li sedzeut responsablo pre la gestion di setour escursionisticco ou l’endevidùo li percours odzeut d’entreveunn dessù la base de le prioritaie di mémo ahablìe an ordre a la fruishon escursionisticca, a le tipolozhì d'entreveunn nessessére, an teneunn asseu an considerashon li tein prevù pre la realisashon di entreveunn desòt lo prefil di adempimeunn amministrativo.

3. Din lo cas que li entreveunn ou l’enterishisso de terein privà e i se tratisse d’operashon de mantenianse ordenéra rintreunn din le tipolozhì d’entreveunn cosrespondeunn i cas prevù a l’at d’enserimeunn din la grilheu rezhonala, armandà l’articlho 9, coma 4, ét pa nessesséro d’otenir formala otorisashon do caro do proprietéro on tituléro di drouet realo. Si les operashon prevùe ou se dehatsisso di cas predeut lo sedzeut qu’ou l’adzeit l’entreveunn, an plu de souivre le prossedeure otorisative prevùe, ou deit otenir formala otorisashon a l’esecuzione de les operashon do caro do proprietéro on tituléro di drouet realo.

4. I but otorisativo ou se defaraho prozhé recondouisiblo a le souiveinte categorì e tipolozhì d'entreveunn:

a) prozhé de mantenianse ordenéra;
b) prozhé de mantenianse strordenéra on de realisashon de nove ovre.

CAP VII
PLANIFICASHON BIENNALA D’ENTREVEUNN E VALORISASHON DE LES ATTIVITAIE ESCURSIONISTIQUE

Art. 23.

(Tipolozhì d’entreveunn)

1. La Rezhon Piemon lhe realizhe dereitameunn e lhe pousse, asseu moueieunn lo souteunn finanshéro i eunn e a les assossiashon plu represantative ovreunn din lo setour, l'enfrastruturashon e la mantenianse do patremouéno escursionisticco rezhonalo, l'emplementashon e l'adzornameunn de la GPE e do relativo catast, les inissiative din lo doméno de la promoshon, de la devulgashon e enformashon, finalizhìe a diffusar asseu an doméno entrenashonalo la culteura e la frecantashon de percours escursionisticco, de le vieu feraie e de sit de grempadzo enserì din la grilheu rezhonala.

2. La valorisashon do patremouéno escursionisticco rezhonalo lhe veunt moueieunn la definishon e l'attuashon do plan biennalo d’entreveunn dessù la grilheu de percours, de le vieu feraie e de sit de grempadzo e moueieunn spessefique inissiative rezhonale tandeuve a la dereita realisashon on a la conseshon de contrebushon a eunn e sedzeut ovreunn din lo setour de l'escursionismo.

3. La struteura rezhonala competeinta, dessù la base de le desponibilitaie finanshére do bilan e de le prioritaie programmatique ahablìe a level rezhonalo, lh’arparteit an viò preliminéra les arsourse desponible:

a) i entreveunn enfrastruturalo, e a l'adzornameunn de dato territorialo relativo a les enfrastruteure costitueinte la grilheu e lo catast rezhonalo de percours escursionisticco, de le vieu feraie e de sit de grempadzo;

b) a les inissiative din lo doméno de la promoshon e de la devulgashon betaie an plahe dereitameunn de la rezhon on de les assossiashon ovreinte din lo setour do tourismo escursionisticco;

c) a la formashon de sedzeut enterishò on restorashon e mantenianse de viol e de relevatour pre lo catast rezhonalo.

Art. 24.

(Planificashon provinshala)

1. I but de la defenishon do plan d'entreveunn, le provinse, an accord avó li sedzeut dzereunn do setour, avó le comeune enterishìe e lo CAI ou defeneisso la lista di entreveunn d’enfrastruturashon e de mantenianse de la grilheu de percours escursionisticco, de le vieu feraie e de sit de grempadzo, avó le relative prioritaie dessù la base de critéro e de le modalitaie fizhò de la Rezhon Piemon. O fin de fournir in cadre complet an ordre i entreveunn an at dessù lo territouéro provinshalo, lo plan ou deit fournir endecashon adzornaie dessù li entreveunn enfrastruturalo an fase de realisashon dessù lo sedzeut attuatour de hi entreveunn e dessù le relative sordzeunn de finanshameunn.

2. Lo plan ou defeneit an plu les attivitaie nessessére i but de l’adzornameunn de dato territorialo relativo a la grilheu e o catast rezhonalo de percours, de le vieu feraie e de sit de grempadzo.

3. Dessù spesseficca endecashon de la struteura rezhonala competeinta, ina pert de les arsourse de la dotashon finanshére provinshala (din la meseura do venn pre henn de la desponibilità) lhe pout iéhre destinaia, dessù la base de motivaie esedzeinse, a la mantenianse de le grilheu secondére de percours pa enserì din la grilheu, pre la realisashon an viò prioritéra, d’entreveunn ilià a la restorashon de la percorribilità souita d’eveunn ravadzoù.

4. Lo programmo d'entreveunn provinshalo ou l’eut approvà e envià a la struteura rezhonala competeinta pre la souiveinta definishon e approvashon do programmo d'entreveunn rezhonalo.

Art. 25.

(Planificashon rezhonala)

1. La planificashon provinshala lh’eut entegraia do plan d’entreveunn fet dereitameunn de la Rezhon Piemon, dessù li percours endeviduà a l’avansa de la Rezhon e valutà d’intré rezhonalo.

2. Deveunn l'approvashon, la planificashon lh’eut enviaia a le struteure rezhonale competeinte an matére de tourismo, sport e parc e a d’otre struteure rezhonale enterishìe, pre lo controlo de la spesseficca programmashon de competeinse e pre favorir complementarietà tecnicca e finanshére i entreveunn programmà.

3. Lo plan rezhonalo ou l’eut approvà de la Dzouinta avó l’adreita de la Conseulta rezhonala pre lo patremouéno escursionisticco e de la commishon consilhére competeinta. L’approvashon do plan lhe costitueit l’otorisashon a l’esecushon d’entreveunn i but do controlo de la coereinse avó le previzhon attuative de la l.r. 12/2010. Ou s’acaro le vedzeinte desposeshon normative de referimeunn i but do balho de le prevùe otorisashon nessessére pre l’esecushon de les ovre.

4. I but de l’espreshon de l’adreita prevùe, la Conseulta rezhonala lhe s’apoie, pre la valutashon, a in groupe tecnicco fet avó provedimeunn de la struteura rezhonala competeinta e composà de fonshonéro de la Rezhon Piemon e de le provinse. He groupe ou l’ovre, an plu, tal que édo de la Conseulta pre la valutashon de tret tecnicco ilià i doméno de competeinse de la conseulta méma.

Art. 26.

(Valorisashon e promoshon de les attivitaie escursionistique)

1. La Rezhon Piemon lhe defeneit e lh’adzeit d’ashon spessefique de valorisashon e promoshon de l'escursionismo din lo doméno d’inissiative rezhonale tandeuve a la realisashon de prozhé de developameunn escursionisticco moueieunn l’organisashon d’eveunn de riliévo rezhonalo, nazionalo e entrenashonalo, finalizhò a la promoshon de la frecantashon de percours escursionisticco, de le vieu feraie e de sit de grempadzo enserì din la GPE.

2. Li entreveunn diquin o coma 1 ou polo iéhre realizhò: a) dereitameunn de la Rezhon;

b) d’eunn e assossiashon ovreunn din lo setour do tourismo escursionisticco loquin estatut on at costitutivo ou prevaisse lo derolemeunn d’inissiative de devulgashon e enformative stratezhique a caratéro rezhonalo asseu d’engadzo localo e enterishìe an prozhé attuativo qu’ou l’engadzisso l’uteunn a la fruishon do territouéro, asseu avó finalitaie d’aggregashon, an favoreunn contat ressiproco e sandzo d’enformashon an touit li doméno sossialo.

3. Din lo cas doquin o coma 2, letrò a), li entreveunn ou sont proposà de le struteure rezhonale e ou polo iéhre fet de le struteure rezhonale méme on de le provinse on di sedzeut dzereunn di setour escursionisticco.

4. Din lo cas doquin o coma 2, letrò b), la conseshon de contrebushon elh’eut féta din lo respet di souiveunn critéro:

a) coereinse de les inissiative proposaie avó li but e le finalitaie de la l.r. 12/2010;

b) finalitaie istitushonale de l’eunn on assossiashon an relashon i but de la l.r. 12/2010; c) rappresentatività de l’eunn on assossiashon o neumbro de soci;

5. Li critéro pre la conseshon de contrebushon e la definishon de le tipolozhì d’attività finanshablo ou sont formulà an d’aspres band approvà avó deliberashon de la Dzouinta rezhonala din lo respet di endrého tecnicco diquin a l’articlho 30.

CAP VIII
SINHALADZO E STRUMEUNN DE PROMOSHON DE LA GRILHEU REZHONALA DO PATREMOUÉNO ESCURSIONISTICCO

Art. 27.

(Sistémo moduléro de sinhaladzo)

1. Lo sistémo moduléro de sinhaladzo pre li percours escursionisticco, le vieu feraie e li sit de grempadzo adotà de la Rezhon Piemon ou prevoueit l’usadzo de sinhal e d’etiquéte montà dessù de suppòrt aspres (sinhaladzo verticalo), acompanhò de marcavì applicà dessù d’elemeunn naturalo on de manfet o lon do percours (sinhaladzo orisontalo).

2. La sinhaladzo verticalo ou l’eut plahiò dessù d’elemeunn aspres de édo (pal on piqueut), realizhò selon le modalitaie endecaie din li endrého tecnicco diquin a l’articlho 30.

3. Lo caro ét in poueunn do percours dessù loquin ou veunt plahiò l’ensein d’in pal de édo e d’elemeunn do sinhaladzo verticalo relativo a hè poueunn. Lo caro ou l’eut codifeiò e zhograficameunn identifeiò din lo catast rezhonalo do patremouéno escursionisticco. Lo piqueut ou determine lo caro.

4. Lo sinhaladzo orisontalo ou l’eut plahiò o sol dessù d’elemeunn naturalo on manfet, eou l’eut complementéro a hel verticalo e ét utilo a avarantir la continuità de la perseshon do percours.

5. Lo sinhaladzo verticalo e orisontalo ou se partadze din le souiveinte categorì:
a) sinhaladzo direshonalo (anovrablo an doméno verticalo e, an pert, an doméno orisontalo): ou represeinte lo strumeunn prensipalo pre justa entrepretashon de la grilheu rezhonala de percours escursionisticco. Ou fourneit les endecashon relative a le destinashon ardzenhable an souiveunn li percours sinhalà, e les enformashon touristique utile a la fruishon do territouéro. Ou l’apparténo o sinhaladzo direshonalo:

1) sinhal de direshon; 2) sinhal de località;
3) sinhal simplo;
4) marcavì a banderola;

b) sinhaladzo d’itineréro (anovrablo an doméno verticalo): ou sinhale la continuità des enfrastruteure touristique iliaie a la Grilheu rezhonala de percours escursionisticco tal que itineréro, percours tematicco, itineréro destinà a forme de fruishon spessefique. Ou l’apparténo o sinhaladzo d’itineréro:

1) sinhal de itineréro;
2) sinhal de fruishon spesseficca;

c) sinhaladzo enformativo (anovrablo an doméno verticalo): ou cut l’ensein de les endecashon qu’ou l’engardo li tret fruitivo dzeneralo do territouéro, le lemitashon, le defeinse e les enformashon relative a eunn on otro sedzeut engajò din la realisashon do sinhaladzo mémo on din la gestion de la grilheu escursionisticca. Ou l’apparténo o sinhaladzo d’itineréro:

1) neumbro do caro;

2) etiquéta istitushonala;

3) pittogrammo de defeinse.

6. Lo squéma dzeneralo do sistémo moduléro de sinhaladzo, li tret de tsaque elemeunn, le modalitaie de realisashon e d’usadzo ou sont endecaie din li endrého tecnicco diquin a l’articlho 30.

7. Éto defandù l’usadzo de pittogrammo difareunn de hi comprein din la souite diquin i endrého tecnicco diquin a l’articlho 30.

8. Éto defandù de plahér dessù li pal on dessù li piqueut d’otro elemeunn an fora do sistémo moduléro de sinhaladzo.

Art. 28.

(Panel de dehreshon de la grilheu do patremouéno escursionisticco)

1. Lo sistémo de sinhaladzo de la GPE eou l’eut entegrà d’ina serì de panel de dehreshon de difareunn level de la grilheu méma, a betasse selon in ordre spesseficco. Pé dzò:

a) li panel de dehreshon de l'itineréro ou sont a plahiésse o comahelh e a la fin de l'itineréro on an otro poueunn emporteunn (poueunn d’attestameunn, ecc.);

b) li panel de dehreshon de la grilheu locala do patremouéno escursionisticco ou dehriso in setour entiér de la grilheu e ou sont a plahiésse an de poueunn stratezhicco d’enformashon a level comunalo (plahe, uffisho d’enformashon touristicca, stashon de trein e de couriér, ecc.);

c) li panel de dehreshon de la grilheu provinshala do patremouéno escursionisticco ou sont a plahiésse an de poueunn stratezhicco d’enformashon a level provinshalo (prensepale stashon de trein e de couriér, prensepale veleu, ecc.);

d) li panel de dehreshon de la grilheu rezhonala do patremouéno escursionisticco ou sont a plahiésse an de poueunn stratezhicco d’enformashon a level rezhonalo (prensepale stashon de trein e de couriér, aeropòrt, ecc.).

2. Le spessefique tecnique, dimenshonale, grafique e de contenù ou sont dehreseuve din li endrého tecnicco diquin a l’articlho 30.

Art. 29.

(Strumeunn de promoshon de la grilheu rezhonala do patremouéno escursionisticco)

1. Ou sont strumeunn de promoshon de la GPE o level localo, provinshalo e rezhonalo lo materialo divulgativo an papél, li gadget, li sit enternet dedeiò, li odiovisivo, li supòrt multimedialo, eveunn, articlho, otro supòrt e attivitaie de promoshon.

2. Li strumeunn de promoshon de la GPE ou dévo iéhre conformo a les endecashon de la Rezhon Piemon an teunn qu’a le linhe grafique e editoriale arportaie din li endrého tecnicco diquin a l’articlho 30.

CAP IX
NORME FINALE

Art. 30.

(Endrého tecnicco)

1. Avó provedimeunn de la struteura rezhonala competeinta ou sont endeviduà li endrého tecnicco pre l'applicashon de le desposeshon do preseunn regulameunn relative a:

a) catast rezhonalo do patremouéno escursionisticco (articlho 4);
b) banque dato de la grilheu e do catast rezhonalo do patremouéno escursionisticco (articlho 5);

c) modalitaie de relevameunn de percours escursionisticco, vieu feraie e sit de grempadzo (articlho 6);

d) encluzhon d’in percours din la grilheu rezhonala (articlho 7);
e) encluzhon d’ina viò feraia on d’in sit de grempadzo din la grilheu rezhonala (articlho 8);

f) redzestrashon d’itineréro escursionisticco din lo catast rezhonalo do patremouéno escursionisticco (articlho 10);

g) itineréro a fruishon spesseficca (articlho 15);
h) norme de comportameunn e enformashon i escursionisto (articlho 19);

i) entreveunn de mantenianse de percours escursionisticco de le vieu feraie e di sit de grempadzo (articlho 22);

l) valorisashon e promoshon de les attivitaie escursionistique (articlho 26);

m) sinhaladzo (articlho 27) e panel de dehreshon de la grilheu do patremouéno escursionisticco (articlho 28);

n) strumeunn de promoshon de la grilheu rezhonala do patremouéno escursionisticco (articlho 29).

Lo preseunn regulameunn ou saret pebleiò din lo Boletin Uffishalo de la Rezhon. Ét fet oblidzo a touit de souivre-lo e de fare-lo souivre.

Turin, incoueu 16 noveimbro 2012 Roberto Cota