franco-provenzale

COMEUNE DE CONDOVE

VELÒ METROPOLITAN-NA DE TURIN 

VERBAL DE DELIBERASHON DE LA DZOUINTA COMUNALA N. 164

ODZEUT: ISTITUSHON DEFINITIVA DO MARCHÒ DE PRODOUÌ AGRICOLO E ESSELEINSE DO TERRITOUÉRO AN ROUÀ BATTISTI DO 9 DZENÉR 2021.

L’eunn doueumilevenn incoueu venteouit do mei de deseimbro a 23 oure e 55 meneute, an videoconfereinse i seins do Decret do Santicó n. 6 do 19.10.2020, vu l’osservanse de toteu le formalitaie prehreseuve de la vedzeinta normativa, ou sont ihà convocà a la seanse li componeunn de la Dzouinta Comunala din le presseneu de:

Conhon e Non

Preseunn

1. SUPPO Jacopo - Santicó

2. BONAVERO Chiara - Visse Santicó

3. RIVA Susanna - Assessour

4. ALLAIS Giorgia - Assessour

5. BELTRAME Riccardo - Assessour

Totalo Preseunn:

Totalo Asseunn:

Ouò

Ouò

Ouò

Ouò

Ouò

5

0

Ou preunt la presideinse lo Santicó SUPPO Jacopo.
Ou partissipe a la seanse lo Segretéro Comunalo Dr. CANE Alberto.
Lo Presideunn, arcunussouò legala l’adunanse, ou declhare iverta la seanse.

ODZEUT: ISTITUSHON DEFINITIVA DO MARCHÒ DE PRODOUÌ AGRICOLO E ESSELEINSE DO TERRITOUÉRO AN ROUÀ BATTISTI DO 9 DZENÉR 2021.

LA DZOUINTA COMUNALA

Armandaia la deliberarashon de Dzouinta comunala n. 73 do 15 zouin 2020, avó laquinta ou venet istituì an viò sperimentala in marchò agricolo an Rouà C. Battisti din lo morsel comprein entre la Plahe Martiro de la Libertà e Rouà B. Buozzi, pandeunn lo tsotein, do 27 zouin o 26 seteimbro, din lo 2° e 4° dessando do mei, de 14.30 oure a 18.30 oure;

Armandaia la deliberarashon de Dzouinta comunala n. 117 do 30 seteimbro 2020, avó laquinta i se dessidave de prorogar encorò an forma sperimentala lo marchò de prodouì agricolo e esseleinse do territouéro de petiote dimenshon, pre la perioda de trei mei (do 3 otobro o 31 deseimbro 2020) costituì de pa plu de 15 plahe métre 3x3, din l’apré-denar de tsaque dessando do mei, avó ouréro de derolemeunn de 14.30 oure a 18.30 oure, an trasfereunn li operatour commershalo preseunn desòt l’ala do marchò cuvert an Rouà B. Buozzi an occazhon de le dzornaie de mové tein;

Entendù que l’istitushon do marchò de prodouì agricolo e esseleinse do territouéro, avó lo but d’omentar la semonsa commershala de prodouì a km.0 do caro de les asiende agricole preseinte dessù lo territouéro, lh’enteunt terér inot les attivitaie de veinta di entreprenour agricolo localo, dzò deveunn penalizhò de la crise economicca, daréremeunn engravaia de le consequeinse de l’emerdzeinse epidemiolozhicca Covid-19;

Atandù que la perioda de sperimentashon do marchò agricolo lh’eut freniò positivameunn e lh’at avoù d’efet positivo e favorablo sisse do caro di operatour commershalo, que do peblicco proposà pre li atset di prodouì agricolo betà an veinta, an revitalizheunn la semonsa commershala d’iheu;

Artenù bieunn de reindre definitivo lo derolemeunn do marchò agricolo an Rouà C. Battisti din lo morsel comprein entre la Plahe Martiro de la Libertà e Rouà B. Buozzi do 9 dzenér 2021, de 14 oure e 30 a 18 oure e 30 de tsaque dessando do mei, an deplahieunn li operatour preseunn desòt l’ala do marchò cuvert an Rouà B. Buozzi an occazhon de le dzornaie de mové tein;

Considerà que, an considerashon de l’estat d’emerdzeinse sanitéra cosà de la difuzhon do virus Covid-19, lo termo de le prossedeure d’assinhashon de le plahe ahablì din lo neumbro de 15 plahe de 3x3 métre tsacunò, ou l’eut armandà pre ina perioda tein qu’i 16 dzenér 2021, an consanteunn i operatour agricolo d’alar ineunn din l'attività din le more de la concluzhon de le prossedeure amministrative;

Artenù bieunn d’apportar le nessessére modeficashon o preesesteunn desseplinéro pre lo derolemeunn do marchò agricolo tal que endecà an premisa, an ilieunn a la preseinta deliberashon ensein a la planimetrì de l’ére mercatala enterishò, pre fare-zenn pert entegreinta e sostanshala;

Artenù bieunn d’approvare e otorizhér la prosecushon definitiva do marchò agricolo, an esprimeunn adreita favorabla a la conseshon gratouita do solo peblicco, an accord avó le linhe dzenerale nashonale pre lo superameunn de le deficultaie economique endzendraie de l’epidemì coronavirus, an ensardzeunn li ufisho comunalo d’adottar li nessesséro provvedimeunn i but de conseintre la realisashon de l’inissiativa méma;

Acquisìe les adreite favorable an ordre a la regularità tecnicca e contabla do preseunn at espressaie do Responsablo do Sarvisho Vedzelanse e de l’Ére Economicco/Finanshére i seins de l’art. 49 coma 1 do D.Lgs. 267/2000;

Avó votashon favorabla de touit Tòt heunn prebetà,

LHE DELIBÉRE
D’approvar
la premisa narrativa an teunn que pert entegreinta do preseunn provvedimeunn;

D’approvar l’istitushon definitiva do marchò de prodouì agricolo e esseleinse do territouéro de petiote demanshon do 9 dzenér 2021, fet de pa plu de 15 plahe métre 3x3, din l’apré-denar de tsaque dessando do mei, avó ouréro de 14 oure e 30 a 18 oure e 30, an deplahieunn li operatour preseunn desòt l’ala do marchò cuvert an Rouà B. Buozzi an occazhon de le dzornaie de mové tein;

D’approvar lo Desseplinéro e la planimetrì do marchò di prodouì agricolo e esseleinse do territouéro iliaie a la preseinta deliberashon, pre fare-zenn pert entegreinta e sostanshala;

D’ahablir que, i but de la partissipashon di operatour, i se faseret ina plu ampla enformashon e peblessità a la prosecushon definitiva do novo marchò odzeut de la preseinta deliberashon, moueieunn tsaque strumeunn artenù utilo pre la difuzhon de les enformashon;

D’ahablir que, an considerashon de l’estat d’emerdzeinse sanitéra cosà de la difuzhon do virus Covid-19, lo termo de le prossedeure d’assinhashon de le plahe ahablì din lo neumbro de 15 plahe de 3x3 métre tsacunò, ou l’eut armandà pre ina perioda tein qu’i 16 dzenér 2021, an consanteunn i operatour agricolo d’alar ineunn din l'attività din le more de la concluzhon de le prossedeure amministrative;

De enviar lo preseunn at o Responsablo de l’Ére Vedzelanse pre l’attuashon e l’adoshon de touit li provvedimeunn consequeunn e nessesséro do preseunn provvedimeunn.

De declharar la preseinta deliberashon fit adzibla, i seins de l’art. 134 coma 4 do D.Lgs. 18 o 2000 n° 267, vue l’urdzeinse d’assurér lo perfeshonameunn de la prossedeura.

Lesù, confirmà e souhresù

LO SANTICÓ Firmà Dedzetalameunn

SUPPO Jacopo

LO SEGRETÉRO COMUNALO Firmà Dedzetalameunn

Dr. CANE Alberto