I-es tournà na randoulino

Bones nove, l'uvern es nes anà

Ven et co tu bello elvoulino

Que a vint ann t'ai ben amà.

Tourno enca a nost pais

En recourdand i journ passà

E s'aven jo i chabei gris

Soun i fiour dla nosto età.

Ven encà abou la vesto roso

Que pourtaves na quel temp,

Abou tu ma ment reposo

E moun cor es ben countent.

Ma jouventu es pol dir morto

Ma es pa mort t'oun souvenir

Ven encà picar ma porto

Mi ben leu te vau durbir.

Ven encà e bou la vous basso

A chamame moun cheri...

Ven tu dran que lou soulei passo

E mi sie panca endurmì