E lögn dâ mount, qu'ée mequé une marelle
engarboulhô d' malise e d'empousture,
oh que plazér tettô l'ére fine e belle
e argardô encantà la belle nature...

Isì tou parle planot, sense dzi d' tapadze,
e l'erbe e lou dzarô, la mountagne fiëre,
lë riou quë vai tranquile sense fô ravadze:
l'ée tout unë vou soulette,unë vou ledzìëre..

Oh, s' l'am plairìa puguée vìure ma vitte
â mèi d' toutta clâ tzosa spatarô
su la mountagne e pèi, c'mà un eremitte,
atendre seren qu' finise d'cò ma dzournô.

Parìa, a l'albe e a soulelh coudzònt,
a culharìou countent la plu belle flour
e adzenoulhà sla tère (meme s'a sìou grònt)
prient armarsciarìou lë Creatour....