Sementeuri
Tipologia file: testo Oc
Tipologia testo: poesia
Grafia testo Oc: personale
Data Pubblicazione: settembre 1977
Fonte: LV, 1977, N.17, p.8
Autore:
-del testo Oc: Remigio Bermond
Luogo:
-di provenienza dell'autore del testo oc: Pragelato
Valle: Chisone
A Tousôn, lou pô
d'un moument roubà a la vitte
dë tu lou dzours...
Lë tsamin dâ sementeuri
ée plen
dë dzent que vai e ven:
vèi, dzouvi, blaguers e tabaleuri...
Lâ môn encrouzhô
su lë coeur e une vèlhe prìëre,
apréze un dzourn dzò leugn
e côzi isubliô,
arsitô
su la toumbe dâ mors...
Enquèu ou nouz arcounoisèn
din notri rèiri,
l'ée pr'èllou qu'ou prièn
méme se i soun plùqque un non
icrit su une lauze
ou su une crou dë boc...
Lou mors i soun la bandìëre
qu'en déou crèire e servî,
i soun lou temouên
dë notre vitte e dë notre esistense:
que notre prìëre
lour fôze gagnô l'arcounouisense
dâ Paire
e lou prô flurî
dâ Paradî....
commenta