La méme tsarìëre que mounte din l'pëchò vieladze
e pèi lâ mizoûn vèuda e abandounô,
tout ée tranquil, la lh'à pa dzi d' tapadze,
lâ porta e lâ fenetra i soun sarô...

Dapè mizoun, loû-z-ors soun plên d'urtia
(un viedze lh'avia loû tôvou d'la saladde),
ou-z-entendà mequé un'aure maria
que soufle aboù coulére din la valadde...

Ma une marque d' vitte lh'à encô din la tsarìëre,
une marque que doune espouare a tsì lei ven:
une roze salvadze que brillhe countente e fìëre
e quî vélh mur i fai semblô seren.