Leisamen tsantô la dzoie
qu'ei dint lë cör,
lë vert,
lë soulélh,
lâz aiga clòra,
la voû d'la bletouneie,
la couroune blòntse
d'lâ pancouta
e la seie
quë garnî lâ simma
d'lâ mountannha d' ma valadde...

Leisamen pensô
â dzours d' moun laddze flurì,
â prô
satî d'indôn,
â garai lavourô,
â vepri
pasô din lou tèi
a bartavlô
e a icoutô
lâz istouara dâ vèi.

Arveiou lou viols
semenô
d' dzaire e d' pousìëre
qu' menòvon
â garait e â valoun,
l'anô e l' venî d'lâ rosa
e dâ rousìa
qu' pourtòvon a mizoun
lou baloûn e lâ trousa,
bên preshoû
dë notri vèi e d' notri cée:
lou vieladdzi eron vìou,
lâ tsarìëra
une sölle voû...

Argardou ibegù
din la basoure silenshouze
lâ bourdzô d' ma valadde
dount lë temp
s'ée plantà
perqué 'n pöcce countemplô
e souvenî
lë pìël qu'ée soubrà.

Cazèi adzoucô
s'la mountannhe cluzounentse
arsìtton l'istouare
e l' pasà
d' notri reiri,
fait d' sònc, fait d' glouare,
coundì d' shour
e d' ligrùmma d'amour...

Leisamen partadzô
si vepre entsantà
bou lou frairi d'un temp
rancountrô
prin lou viols cluzounencs
din lou dzours d'une ità
quë s'icoule
din l' pasà...

Leisamen partadzô
la dzoie dë moun cör:
d'mon l'ée dzò outönh!...