L'etrangìe ee tournà en mes a noû
e â repet so qu'al a toujourn fait:
prepoutenso e ruina en toutta lâ valadda,
surtoû dint noutra countradda.

En Bourset la s'ee arjounth
la pi courajouzo joventù dei mount:
î pòrto, su la tèto, lou chapèl d'alpin,
î se bat per la Libertà e per soun nouvèl destin.

Ma lou nemis dë cör â n'a pâ gî:
â mounto en Bourset coumà un eisam d'aböllha;
bou soun sanc nutri fraire il ân enrouì la neo
e, lour malgré, is nen van en Val Trounceo.

L'etrangìe, coumà l'ee sa tradisioun,
furioû coumà uno bèstio, senso coumpasioun,
en troubent mequé de fenna, de meinâ e de velhet
â douno fuoc presque a toutta lâ meizoun d' Bourset.

A l'envèrs, lh'omme plouran coumà de meinâ,
en veient toutta sâ meizoun cremâ.
L'ee la baasouro dei vintesèi de mars,
la diamenjo d' la Pasioun... l'espouar que se nen vai...

Nòbble e robust cör dei Boursetin,
ten dur, e arpren-tè da toun brut destin,
tu â bien soufèrt öiro e en temp pasà.
Finiré decò setto guèro e tout seré armountà.