Enti in rete L.482/99   

Le feteus d’in cool e le feteus d’arò - XLVII° Concours Cerlogne

Feta aou Col Clapìe

Festa al Colle Clapier

Tipologia file: testo FRP
Tipologia testo: ricerca scolastica
Grafia testo frp: Genre
Data Pubblicazione: A.S. 2008/2009
Fonte: Le feteus d’in cool e le feteus d’arò - XLVII° Concours Cerlogne
Autore: Scuola Elementare di Giaglione classi III-IV-V
Luogo:
-di provenienza dell'autore frp: Giaglione

franco-provenzale

Lou Clapìe: espace Annibal

Li ioun è douè de steumbro la caserma Lou Clapìe lhe torn a vivre, pa de sourdal; pa de guera ma la quemouna deDzalhoun è stò de Braman aprestoun lou pèrmie ancountro di doué pai.

La caserma lhe servìt queme baze per in proudzèt ampourtan,aou noun de "ESPACE ANNIBAL »

Que ou l’ot preu forma lou dzort de l’inaouguřasioun de la mostra ALPINISMO STORICO NEL MASSICCIO AMBIN que la quemouna de Dzalhoun lhot aprestà per le olimpiadi 2006 è lh’ot prèità a Bramans lou mez de fevrie 2007, arouřa iot bardzacase de l’ampourtansa de lh’AMBINper notris paì, alouřa lou Clapìe ou l’et venù subit fořa.

Lou Clapie et ioun di pèrmie pasadzo dle dzeun tra le Alpi, dzo d’in la preistoria aieun de traseus di pasadzo tra li siti de Sollieres-Sardieres e sit de Tsimoun a la Madlèina, li vieleut di Celti, lou pi famouz pasadzo de Annibale e la gran rentree di Valdez.

Se se crét a in'asvilup de turismo an mountanha lou Clapìe ou l’ot tot seun que servìt per ina proumousioun moundial !

Aou col lou counfin Italia-Fransa ou partaze le duveus quemuneus, ma lou col- ou servìt surtot per pasé è trouvese, si an pasà sit de Braman è sit de Dzalhoun ian deloun vivù ansèin tsu se mountanheus, pourtavoun le vatseus aou col è barizacavoun la mèima lèinga, lou francoprovensal

L'industrializasioun de la Val- Souiza è la mèima tsoza per li Fransè iot pourtà a l’abandoun de notra mountanha, ařò la riscoperta de identità cultuřal e la netsesità de travalh a notra mèizoun lhe porte a noueveus counsideřasioun.

Notra mountanha lhe pèrmet de pousibitità, avé ina noueva sensibilità è seunsa dan per lou teritoře, lhe peut èidenouz a vivre a notra mèizoun. Ina dzeusta gestioun de la mountanha lhe porte de vantadzo a touit, anque a la plouna.

Le duveus aministrasioun an crèian a l'idea ian souèindza de coumansé a counhèitresé a trouvese, in dzemeladzo ? no ! ian detsidu de anouvré lou noun dou gran coumandan cartagines, ian souèindzà de travalhé a in gran proudzet desù lou Clapìe dai douè versan de la mountanha. Net alouřa l’idea « ESPACE ANNIBAL » travalhé a de proudzet de l’Europa, travarhé ansèin per in'asvilup touristic de notra mountanha.

Lou pasadzo dou Clapìe et in itineřare pa difichil que ou pasé d’in ina mountanha incredibil ai pia de le deun d’Ambin aou flan de lou lai de le Savinò e apré ou bèise a Vertsaouře ; in ambieun de viaouta mountanha pa esadzeřa difichil que ou se preste a ina gran part de escoursionista.

An partadzan l’organizasioun se detside de coumansé a trouvese in cool per ina bèla feta, loa plasa de la caserma lhe vèt dzeusta bèin !

L’associasioun A.N.A. de Dzalhoun lhe apreste la poulèinta, tot fachil se fise pa a 2460 metre e toot da pourté a èipaleus, dsò lou disandro in gran grup, pi numerouz li fransé, ou se trove aou col.

Se apreste lou camp, iot 20 teundeus ! Touit portoun carcareun d’in lou zaino è le pinhoteus è lou netsesaře per lou fouva lou portoun li doué ano de la Mèizoun de Barbamarc.

Lh'alpin ian poulidà ina tsambra de la cazerma è coumansoun a queziné ina bouna pata èisouita per sina, se mindze touit ansèin.

L'amichisia lhe vien natuřal dezot lez èitèileus, aou Clapìe, li Dzalhouné e li Bramanein soun touit counten, l’aria fina lhe fét sarelis tuit bèin taca, se bardzaque, se rit è se tsante fin a matin!

La matin de Dimèindza arive de dzeun, per tot la matinaa, a la fin iot 250 personeus, vèiřo de grup partoun qui per lou Vacaroun, qui per lou Tsuzaleut, fot pa perdre l’oucazioun aioeun preseun le guideus de mountanha de Altox.

Ampourtan et asè la partecipasioun dou consortsio Alta Val Souiza que ou l’et preseun an diviza è ou counferme ina fèta an plèin rispèt de la natuřa.

A unzh-ouřeus aieun la cherimonia ufisial, le duveus aministrasioun ian la juèinta aou coumplet, per la Provincha de Touiřin iot la founsiounaria dt.di Bella per lou consèil Rhone-Alpes la counsilheřa madame Hars è apré li discors de l’oucazioun, aioun touit deuioun que fot travalhé ansèin, que per l’asvilup turistic sostenibil de notroun teřitoře le pousibilitaa ie soun è la diresioun europea lhe vou deut, la valorisasioun de in itineřare desù le traseus de Annibal lhet pousibla.

Per la quemouna de Braman lou pèrmie adjoueint ou regale a la quemouna de Dzalhoun in roudoun tot an booc fet da in ebanista dou paì è lou lèivro de la storia de Braman, Dzalhoun a man de soun asesou Marco Rey ou regale a Braman in cuadro fèt da in artigian dou post avé in petseut dzal simboul dou pai av’lou manifest de la dzournà; apré la quemuna lhe done a Braman la bandieřa francoprouvensal, simboul de identità cultuřal quemun ai douè pai è adoutaa da tot li paì de lèinga francoprovensal italian.

La dott. Di Bella lhe done col a la quemouna de Braman da part de la Provincha in lèivro tsu lou pasadzo di Valdez, an rimarcan cool que seun que seun an tsamin a faře et tre ampourtan!

Per l’oucazioun iot vezuse in toc de stofa da coudre desù le dzaqueus avé lou noun di dué paì è l’èicrita COL CLAPIER purtrop nhavèt maque 150 è veiřo soun ità seunsa.

Bien de dzeun ian damandalis ma l’organizasioun lhe na fét papì aperque lou sens de sa toc de stofa ieře swel de diře, me ieřo preseun aou Clapìe 2007 !

Lh’alpinsoun arivà a faře 200 rasioun de poulèinta è spezzatino acoumpanhà da toumò è salam la dzournà que lh’avet in bleuc de dzèivro lhot èivruse è iot mindzase aou souluèlh.

In gran souluèlh ou l’ot acoumpanhà tot l’apré mařeunda, ina gran dzournà de mountanha è d’amichisia, vers sinc ouřeus tuit ian arbatase qui d’in ařie qui da l’aoutro, vers Vertsaouře o vers lou Petseut Mounsenì ma touit racoumandanse de trouvese in aoutr’an !

italiano

Colle Clapier 2008 : secondo incontro transfrontaliero al colle Clapier dei comuni di Giaglione e Bramans. Per il secondo anno i comuni di Giaglione e Bramans si sono dati appuntamento al colle Clapier. Nell’ottica di un futuro gemellaggio tra i due comuni e nell’interesse di valorizzare la propria montagna si consolida l’amicizia tra le due comunità. Le associazioni Giaglionesi hanno allestito un campo alle grange Savine con una tenda cucina e tendone nella quale, nella giornata di sabato si sono attorniate oltre trenta tende, si è svolta la serata di sabato con canti e musica fino all’alba. La giornata di domenica vede il raduno al colle Clapier dove si attendono gli atleti Dario Natale per il comune di Giaglione e Laurent Copain per il comune di Bramans che, seguiti da Adriano Aschieris, partendo dai relativi comuni raggiungono il colle di corsa. Trofeo Annibale anno zero: sono le prove generali per la corsa che i due comuni intendono realizzare nel prossimo futuro, molto toccante l’arrivo dei due atleti alla caserma Clapier attorniati dagli applausi di circa duecentocinquanta persone.

Il sindaco di Bramans Yvon Claraz e l’assessore giaglionese Marco rey premiano i due atleti ed illustrano ai presenti i programmi ed i progetti tran frontalieri tra le due comunità. Erano presenti per il Conseil general Rozenne Hars, Daniele Bezzone a rappresentare la Comunità Montana Alta Valle di Susa. Il soccorso alpino ha presenziato la manifestazione con quattro componenti della stazione di Susa con il presidente Sergio Marchini, era presente anche la delegazione del consorzio forestale alta valle Susa, importanti presenze di enti che devono essere a contatto con il territorio e la sua gente. Il pranzo conclusivo con polenta e spezzatino si svolge alle grange Sevine ed una troupe della televisione nazionale francese, france 3, conclude le riprese della manifestazione. Alla manifestazione partecipavano anche archeologi francesi che sollecitati dalle ricerche del professor Hunt dell’università di Stanford che ricerca le tracce del passaggio di Annibale al colle con metodi geologici, aprono interessanti dibattiti. Il grande successo della manifestazione conferma la voglia di lavorare a progettim comuni.