Blins, minouranço prouvençalo de l'auto Val Varacho, pais pancà touchà de lou tourisme mouderne, que porto al capitalisme coulounizatour, e que en luec di avantage qui disoun, vol destruire la persounalità d'aquesto gent e lour ambient natural, coumo n'aven na provo din carque pais de nouostro Valado.
Aquesto coumunità que conservo encà bouono part de ses tradicioun, de ses vieies civiltà, aquesto coumunità ente sa gent crei encà a la vito e ai valour umon, aquest pais ente tuchi parloun la lengo de lour reire, nous uefr un esempi de auto demoucrazio per soun gouvern, per l'elecioun dei sendic e de la jounto cumunalo.
Din aquesto cumuno de la Castelato pa digun pol se presentar candidà per les elecioun Cumunales perqué les persounes pu' capables venoun siernués diretament da la poupoulacioun, coumo en sempre sta jo da l'auto antiquità.
Chasque ruà, secountre de sa grandour, siern un ou dui ome da presentar candidà a la listo de lou quartier; e coumo la leà dui quartier se fon doués listes de uech ome.
La sielto dedin lou quartier de San Jacou, se fai ent'aquesto maniero: stabilì lou journ e lou post per les prumieres voutacioun, na persouno de mai de vintun an per chasque meisoun (chal que sié n'ome), apres 'n counsei de sa famiho vai a dounar soun vout segret a n'ome de sa ruà.
Dedin lou quartier de Sont-Esprit a sielto de li counselher se fai esquasi ent'la memo maniero; l'a mac la diferenço que nou pa esser n'ome per familho que vai dounar lou vout, pol anar touto la familho (aquihe soun d'atge fremes coumpreses).
L'ome ou i dui ome que on agu mai de vout soun candidà. A listes completà i nom da voutar soun seze e en dato estabiliò tuchi i eletour von a dounar lour preferenço, estou bot dedin la salo dei mounichipiou, coumo es estabilì dai drech italion.
Usanço vol que chasque eletour voute per i ome de soun quartier; ma la leà sempre carque eicepcioun que ajountà a de pichotes diferences de lou nummer di voutont di dui quartier fon decidà se lou candidà que vai gavà per pourtar lou nummer di counselher da seze a quienze es un dei quartier d'amoun ou un dei quartier n'aval (Sont'Esprit e San Jacou).
Aquelo causo creo 'n pau de tencioun perqué l'a sempre n'estis de repico tra i dui quartier, magaro qu'i sié ben de monc que ent'i temp passà. La pichoto repicco es neissuò fra la jouventu pourtà la jalousiò, perqué aquihe dei quartier n'aval anavon velhiar 'mbe 'es fihes dei quartier n'amoun e viceverso.
Se la sort ueoch counslher ei quartier n'aval e set ei quartier n'amoun, esquasi de sigur lou sendic sarà n'ome dei quartier de San Jacou, e viceverso se la càpito lou countrari.
Ma senço guerdiar aqueles trascurables repiques tra i dui quartier (la se sa ben qui i ome poloun pa esser tuchi d'acouordi sus toutes pichotes causes, ma lou necessari es qu'i sioun d'acourdi sus les causes pu' empourtontes, sourtout conte aquestes coses enteresoun touto la coumunità) Blins restaré 'n pais qu'es dirijù da persounes que tuchi on direttament vourgù, que fon la vito duro coumo tuchi si abitant, persounes que chercharen lou miei e la viò pu' justo a chasque causo, senço d'autre escopou.