Salvatge d'Amazonha, Biafra dal sot
e Checoslovaquia
son mai de gent en cròus, meinat, maire que trulen;
e fegnen de trula(r) dequò i cocodrile
qu'i an estrench ent'i estat, tròp gròs e tròp malfach.
E lo governe italian fai l'amis
bo aquesti e i lassa findi... 'n embaissadòu, de que?
I a la Fiat en Russia.
En Grecha i coronel an butat i cheine,
nosti amis de la Nata.
Noste governe es libre, democrati
crestian e socialòt tant que voletz
me a jò desmenti(g)at i font de sang
dal monde e d'Occitanha.
I a de governe mai marrit que le noste,
se di: pol esse, me lo noste es pa,
es pa
com'aviam volgut 'nlora. Aviam sonhat.
Cha(l) cierne i òme mielh, i mielh qu'avem:
volemqu'o pa justicia e libretat?
S'i volem pa, quò ne fasemquo 'ncara
de poesia? Brusem libre e tot,
que sie feni(d)a.