Ai vist s' la lobbia d'na vèlha ca
la pi bel couloù que vou pourìe pënsà:
gérani reusa oud l'alba di matin,
gérani biänc oud la neu sënsa chagrin
Ai vist ënt 'na tola d'la counserva,
gérani couloù dër fuic; dapè d'l'erba
vërda e frésca, fiouria de toutta couloù:
trafeulh rause, muguet biänc, bèlla fiour di cou-cou;
garofou sërvagge e garofou di prà, ciouquëtte,
«aimez-moi», biavëtta sërvaggia, pimpëtta.
Toutta fiour d'toutta couloù. Su d'la broua: bleu,
jaun dourà; dapè di coumbal, spali e biänc oud lou reu;
dapè di bes, di telh e di castanhìe,
vioulet sgarjant e sërvagge ou dous coum lou ciel,
reusa e rous, spali ou viu, argal di usel
libre su d'la brira, li «bouton d'or» e i choulet,
bec li parpalhoun oudourou la mënta e l'sèrpoulèt.
Amoun li chardoun e la chardoussa, la vioulëtta d'mountanha,
(creu quësta, la fiour quë lou përfoum pi «banha»)
li péiroulet, la sarvia, li basapè, li piumet;
pi len, li arèsta-biouc, l'aurelha d'jari, l'erba di pourret,
la crësta d'jal, li poum d'la chabbra, l'arioundella,
la geula d'loup, i margritin e la margritta bèlla.
Fiour, fiour, fiour e ënca toutta la fiour!
Beicalle: la primma, l'istà, l'outeunh; ond amour,
toutta 'sta fiour d'nosta granda valadda pura;
fin quänt nou pon ënca véi 'sta coulourà vërdura?

Concors «LOU ROURE» 1973