Filha de Guilhelm X, aiguet da son paire lo govern de l’estat.

Se maridet abo Lois VII, rei de França. Lo mariatge se faguet dins la catedrala de Sant Andriu a Bordeu : ‘na granda cerimònia abo dusos, conts, barons, cavaliers, que s’arbeiron de tuchi cants d’Occitania e de França.

Alienòr anet après a son òme a la seconda crosada en Terrasanta. Aimava conoisser las costumas de li pais mai daluenhs. Aimava la jai de viure e la poesia. Un jorn, l’era lo 1152, n’aguet pro dal rei françes, n’òme redi noios. Lo quitet e prenguet Enri Plantagenta coma espos. Foguet coma aquò que lhi engles prengueron Peitieu e Aquitania.

Torin o menestra bordelesa (Gasconha)

Fetge a lhi aisinels  (Gasconha)

Espinaç a la crama (Provence)

Crama jalaa de maiòlas (Languedoc)

Torin o menestra bordelesa

Ingredients:

6 ceolas

1 eto de graissa de puerc

4 ros d’uous

1 bòla de bròd

sal e peure

Preparacion:

Pelar e talhonar las ceulas, las frire a la graissa dal puerc dins ‘na ramina a pichòt fuec. Ajontiar un litre d’aiga freida, sal e peure e donar ‘n builh de qualquas menutas. Entremetier mesclar lhi uous e lo bròd ben chaud de la bòla, puèi colar tot dins la ramina de las ceolas. Portar sal desc ensemp a de lescas de pan rostit.

Fetge a lhi aisinels

Ingredients:

1 fetge d’ània

1 veire de vin blanc

1-2 tomaticas pelaas e spartìaas

2 culhiers de bròd

6 etos d’uva

sal e peure

Preparacion:

Betar lo fetge tot entier dins ‘na pinhata abo sal e peure. Ajontiar lo vin blanc, las tomaticas e lo bròd. Cubercelar e còire 15-20 menutas. Ajontiar l’uva e còire enca’ a pichòt fuec. Trameirar lo fetge dins ‘n piatel e portar sal desc garnit embé lhi aisinels.

Espinaç a la crama

Ingredients:

1 quilo e mes d’espinaç

mes eto bondós de bur

1 eto e mes de crama

noise moscaa

sal e peure

Preparacion:

Netear lhi espinaçs. Lhi (ilh ?) broar 10 menutas en’aiga salaa puèi, un viatge, scolats lhi betar dins ‘na paela ensemp al bur. Ajuntiar sal, peure, la noise moscaa, puèi la crama. Còire encara qualquas menutas e portar sal desc.

Crama jalaa de maiòlas

Ingredients:

1 quilo de maiòlas

4 culhiers d’amel

3 etos de crama

3 culhiers de caramel

12 fuelhas de menta

Preparacion:

Derant netear puèi espartre las maiòlas e n’en laissar qualq’unas d’en cant per lo garnissatge final. Frolar las autras ensemp a l’amel e lo caramel. Far ‘na potilha e betar-la mesora dins lo freidaire.

Montar (Esbatre) la crama, jónher las maiòlas e partajar tot ‘scuela per ‘scuela.

D’enderrier garnir chasque bòla abo due mesas maiòla e due fuelhas de menta.