Còntias e las chançons de la val d’Estura nos parlon encà d’ela.

Nòstra Rèina Jana: “Tuchi corrion al siu passatge, tuchi venion a lhi far omatge. Viva la rèina de nòstra montanha e tot lo monde qu’aicì l’acompanha”.

Senhora de Provença, reina de Napoli, Jana se mariec quatre viatges e aguec na filonguena d’amorós que misteriosament mureron, un après l’autre.

Lo monde disuec qu’era estaa ilhe a lhi amaçar, parelh ental 1382 la reina foguec condanaa.

Jana murec estrangolaa. Mas lo pòple que l’aimava fin d’aquel jorn que l’avia vista per las montanhas, n’en gardec lo recòrd grinós.

Papetas de merinjanas (Lengadòc)

Sopa niçarda al pist (Provença)

Sèla de chabriòl al vin nier (Valadas occitanas)

Flan a las mandarinas (Provença)

Papetas de merinjanas

Ingredients:

6 merinjanas

1 veire de lach

4 uous

4 culhiers d’ueli d’oliva

sal e peure

Preparacion:

Pelar las merinjans, n’en far de leschas, las salar e après ‘n’ora las dessalar sot lo robinet.

Fach aquò, las eissuar e las còire ente l’ueli dins na paèla ben cubercelaa. Après, abo la molineta, n’en far na potilhas, puei ajontiar lach, uous, sal e peure e colar las potilhas dins lhi pichòts mòiols emburrats (un per persona). Còire ent’al forn chaud, a banhmaria, per na desena de menutas, puei portar sal desc ensemp a na sausa d’erbettas, tomàtica e alh.

Sopa niçarda al pist

Ingredients:

(verduras que volon mai de temps a còire)

1 raba

2 caròtas

1 ecto e metz de fasòls frescs

1 ecto e metz de chaul

2 pòrs

2 ceulas

3-4 trífolas

1 sèleri

rosmarin, laurier, serpol

(verduras lestas a còire)

3 tomàticas

3 coçòts

1 ecto e metz de fasolins verds

1 ecto e metz de pòis

1 ecto e metz de favas freschas

5 fuelhas de bleas

sal e peure

(per lo pist)

3 fiscas d’alh

5-6 ramets de baselicon

1 veire d’ueli d’oliva

2 tomàticas

3 ectos de macarons rigats

fromatge

Preparacion:

Broar las verduras que volon mai de temps a còire dins na raminaa de 2 litres e metz d’aiga, totas ben chapolaas, ensemp a rosmarin, laurier, serpol, sal e peure.

Après mesora ajontiar las verduras mai lestas a còire e, après un quart d’ora, lhi macarons.

Pistar dins lo mortier alh e lo baselicon, entrametier colar n’estiç d’ueli.

Jónher lo pist e lo tritum de tomàticas cruas a la sopa. Derant de portar sal desc semenar de fromatge gratusat.

Sèla de chabri al vin nier

Ingredients:

2 quilos e metz de sèla de chabriòl

2 ecto de ventresca a carronets

2 ectos de caròtas

1 ceula

2 pòrs

1 sèleri

3 culhiers de farina

1 ecto de crama

jus de limon

(per la marinata)

¾ de vin nier

¾ d’aiga

5 granas de chais

8 granas de peure

2 clòds de garòfol pistats dins lo mortier

2 fuelhas de laurier

sal

Preparacion:

Aprestar la marinaa ambe vin, aiga, especiàs. Bulhir e far esfreisit, puèi colar la marinaa dins na caçairòla, asolar lo chabriòl, laissar-lo 6 oras se la bestia es pro jove, se no de mai.

Tòlre enfin lo chabriòl de la marinaa, l’eissuar e dedins lhi betar la ventresca talhonaa a carronets, puéi lo rostir di dui cants.

Entrementier còire las verduras ben chapolaas a la paèla. Espantear dessus la farina e mesclar fin que la farina rossís, puei l’eslonjar abo un pauc de marinaa.

D’en darier trameirar lo chabri dins un piatel, ajontiar las verduras cuechas a la paèla, colar la marinaa fin a metz piatèl e còire a forn metz chaud per 1 ora e mesa.

Aprestar la saussa: colar lo conduch de la cuecha dins un grilet. Ajontiar la crama en esbatent de contun, còire qualquas menutas ajontiand lo jus dal limon, talhar lo chabriòl e lhi colar la saussa dessus.

Flan a las mandarinas

Ingredients:

1 litre de lach

3 ectos de sucre

3 mandarinas

8 uous

vanilha

Preparacion:

Abo la meitat dal sucre e quatre culhiers d’aiga aprestar lo caramèl e colar-lo sus las pareis dal mòio.

Betar la vanilha e la pelalha gratusaa de las mandarinas dins lo lach, bolher puei laissar aqui un quart d’ora.

Dins un grilet esbatre lhi uous abo lo sucre restat e jónher lo lach n’estiç al bòt. Aquò fach, colar tot dins lo mòiol. Còire na quarantena de menutas a banhmaria dins lo forn a chalor mesana.