franco-provenzale
Ëncui Maria è i ëst tournaia da scola dizënt qu’è i eu joi ëd fa la Careima da bin për ën vì. Alëra divertìa da la choza, j’ai chamà coza qu’è veut dì “fà la Careima”. Quiëlla touta séria ëm fait…
Maria: “oh Geu, t’è propi ‘na bèla barbëtta sé tsa nhint coza qu’è i ëst la Careima. Ën toutë ël manerë t’oou spiegou mè…. È veut dì d’ouservà ën tèn ëd penitensi rinunchënt al choze cou nou piaiount ëd più, propi parèi ‘më Gesù ou i eu rinounchìa a la soua vita për salvanou. Për ezempi st’an mè rinunchou a la chicoulata é al choze douse, ma più ëd tout rinunchou al figurinë, parèi mëndou li soldi rispërmià a li manhà ëd l’Africa”.
La mari qu’è i eu scoutà tou’ è i eu rëspounù “Brava Maria t’à propi spiegà da bin pënsa que can quë mè i èrou jouën a la fin ëd la Carèima, ënt la Zmana Santa, lou digës è i èrët lou “Dì ëd li Përdoun“
Mërguitta: “ma da boun, mama? Counta ën poc…”
Mari: “Ënt ‘oou dopomèzdì dou Digeus Sant, tou’ lou pais ès trëvavet ëntouërn a la jèzia fazënt ën grën rabèl a to ël bersanë, li quëmpanin, cuverquiou é tolë voidë, quëntaranë é corn ëd bëch … l’ermoù ou i èrët inférnal. St’ouzënsi è i ëst coulegaia a fà la chabra a li judei përqué ou i avont nhint arcounhusù Gesù coume lou fì ëd Diou. Ehh sé, ën vì, ënt ël nostrë Valadë ël fèstë ëd la trëdisioùn ou i èrount cazi toutë ëd co fèste relijouzë”