Insegnamento on-line   

Modulo 13 - Un viatge sus Internet

Un pauc de literatura

Un po' di letteraura

Un pauc de literatura
occitan


Lhi ackers coma forma novèla de resisténça? escota en occitan alpenc


Tres mila hackers se son rescontrats (a Ensechede), dins lhi País Bas, la diamenja passaa per butar en cumun lors diferentas experienças enformàticas.

Al mes des tendas, qu'eron plantaas dins lo campus de la vila e qu'eron connèxas a de linhas de granda portaa, ilhs an polgut eschambiar lors experienças de piratatge de la ret enformàtica, de proteccion de la mesma o de la penetracion , mercés l'engan, di sitis, o, encà de hackatge de programas, es a dire de la capacitat de far sautar la proteccion di logicials (software) per permetre de lhi distribuir gratuitament.

Lhi hackers son d'enformàtics bons d'intrar ben al dedins de qual que sie sistèma d'ordinators.

Qualqu'un d'aquesti es decò lo creator d'aquilhi virus enformàtics que pòrton tuchi lhi problèmas que sabem dins lhi sistèmas operatius enformatizats.

(audio: Chiaffredo Valla, Sampeyre, valle Varaita)

occitan


Los hackers coma forma novèla se resisténcia? escota en occitan


Tres mil hackers s'acampèron a Enschede als Païses Basses la dimejada passada per metre en comun sas diferentas experiénçias informaticas.

Al mitan de las tendas qu'èron plantadas sul campús de la vila e qu'èran religadas a de linhas naut - debit, poguèron escambiar son experiénçia de piratatges del malhum, de proteccions o de penetracions fraudulosas dels sitis o encara de hackatges de programas, es a dire de far sautar la proteccion de logicials per permetre de los distribuir gratuitament.

Los hackers son de desvolopaires informatics capables de davalr fòrça bas dins lo sistèma de l'ordinator.

D'unes son a l'origina dels virús informatics e de totes los desagrements qu'aquò pòt portar.