Lou pari:"Mi l'èi dechidù: sèi alà chité in computer! Sé countenta, Silvana?"
Silvana: " Sigur que sèi countenta, pappa, ièr-t oura! Ma mi na séi pa ton de sèn!".
Pari: "Vente que t' alha fare in cours, sourtoù pèr amparé a anouvré Internet".
I parìe que Silvana véit a eicrirsé a in cours d' informatica.
Silvana fèit abastonsa vutto a deibroulhese avéi li strument infourmatic, carcarén iou counéisàt jò da l' eicola: la tastiera, lou jari, la stampante, lou mòdem, senque vente fare per eicrire in document, registrelo, stampélo, creé inna nueva cartèla; ma i pacò bouna a utilizé la posta elettronica è navigué sut Internet.
Magistra: "I bèl mandé è richevre li mesajo: baste intré din lou programma Outlook Express, coumme dire “gueita vutto”, einhaqué sut “nuvve mesajo”, eicrire senque vole, coumpleté avéi l' indiriss pilhà da la roubrica, einhaqué sut “ monda” è sèn a part.
Sil.: "E per viagé sut Internet?"
Magistra: " I pà talment coumplicà, baste einhaqué sut Internet Explorer: sèn te monde a toun servitour qu'ou te fèit charché din Internet sut totta la rete. Isì , o couneise l' indiris de senque vole veira, o lou va a charché sut in moutour de richerca.”
A la fin de sou cours isì, Silvana i-t-inna pechita maga de lou computer : pa maque i viage su Internet, ma i-t-asì bouna a registré la countabilità sut li fouelh di calcul è i sat fare inna riccha rubrica sut inna base de dati, in programma qu'ou ourganise d'infourmasioun. |
