franco-provenzale
Per Silvana it arivà l’ oura de pilhé lou permès de mené la maquina è lhèi pense de eicrirsé a l' Eicola de gouidda. It antouziasta è veit a anfourmese d’ eisì è de lai per fare li papìe.
An prensippi smilhe fachil: vente maque avei la carta d’ identità, lou codiche fiscal, trei fotografie, lou chertificat dou medi, li versament è coumpilé inna squeda. Òhi! que pour! Le choze ancaminnoun a coumpliquese.!
Silvana l’ at perdù la carta d’ indentità: tocche rifarlà. Aloura vèit an Coumun pèr véira senque i vente è de senque l' at bezonh.
Silv.:"Bounjorn, l’ èi pèrdù la carta d’ identità, senque devo fare?
Impiegà: "Vente venì eisì avei trei fotografie da bité sut li document è la denounchia di carabenìe que l’ ave perdù li papìe.".
Aloura Silvana veit da li carabenìe avei lou chertificat de nashita. Din la cazerma coumpiloun in fouelh de denounchia è lhei lou firme. Papìe sut papìe, Silvana porte a la fin la sitouasioun. Ière -t- oura!
In col ritirà la carta d’ identità, i tot a post per alé a eicrirsé a l’ eicola è pilhé lou fouelh roza.
Silvana i bèla soula de touit si papìe, ma soun pari ou rit.
Pari: "Varra lamente-te pà que l’ ave marenca ancaminà! Courajo! Pensa a corra deve pì ocupète de l'ICI, li bol, l’ asicurasioun, la diquiarasioun ... è via parìe!".