Coma Diu vòl siu pas soleta, ai una familha: vos la presento.

Ma maire se sòna Margarita mas per nosautri es Guita e mon paire Batista dich da tuchi Tistin. Guita a quaranta dui ans e Batista quaranta sieis. Ai decò doas sòrres e dui fraires: Marc e Estela son bessons e an quinze ans, Alèxi es mai vielh que iu e a vint ans. La mai pichòta es Zablin qu’a masque sèt ans. Embe nosautri vivon decò mon parsier e ma nòna, lo paire e la maire de mon paire, mentre que lhi siei de ma maire vivon a Marselha ont son emigrats encara joves e, quora anem lhi trobar, son ben jaiós d’aver la maison plena de nèças e nebots. Mon paire es filh solet, ensita la familha de ma maire es numerosa, dui filhs e doas filhas, ben per aquò ai un baron de dandas, de barbas e de cosins. Mon fraire Alèxi a já una calinhaira que, quora se mariarèn, devenerè ma conhaa. Siu ben aürosa d’aver una granda familha, bèla se, de viatges, la lhi a qualqua descussion e un pauc de confusion e iu amo la tranquillitat.