franco-provenzale
Coum Diou ou vët, sëi nhint soula, j’ai ‘na bèla famìi: vou la prezéntou.
Mia mari ès chamet Quëtlina é min pari Pérou, da tuiti chamà Pérou eud Mini, përqué Coulìn ou i ëst min parèn, soun pari.
Quëtlina è i eu carantadui an é Pérou ou i eu carantasès. J’ai ëd co dui frari è douë suërë: Coulìn é Soulina ou sount bësoun é ou i ont quinz’an, Mini ou i ëst più viëi quë mè é ou i eu vint’an. La più quitiva ëd la famìi è i ëst Maria, qu’è i eu mëc sèt an.
Da vizìn a nou ou istount ëd co min parèn é mia marèina, lou pari é la mari ëd min pari, méntre li genitoù ëd mia mari ou istount a Viù, é can quë j’alèn a trouali ou sount sémpër gro countënt d’avè la queu pieina ëd nëvoù.
Min pari ou i ëst fì unic, enveche la famìi ëd mia mari è i ëst noumerouza: nonou é nona ou i ont avù dui fì (Luis é Jacou) é douë fië (mia mama é mia magna Maria). Li min barba ou i ont avù co leu trai fì pr’un, parèi mè j’ai gro ëd cuzìn.
Min frari Mini ou i eu ‘na mourouza quë can cou s’ mariount, mia mama è sreu soua mari madona.
Sëi gro countënta d’avè ‘na grosa famìi, bèlë sé, carqui vì, è i eu ëd discusioùn é ën poc ëd counfuzioùn é mè ëm piait istà trëncouila.