franco-provenzale
Coumme vout lou Boun Dio, sèi pâ soulëtta, l’ èi inna famelha: vou la prezento.
Ma mari se monde Virginia, ma pèr nouzooutri i Gina e moun pari Edoardo dit da touit Douardo.
Gina l’ at quaronta buì an è Douardo quaronta sie.
L’ ei incò boué soere è buì frari: Serafin e Genia soun bésoun è l’ on quinze an, Nibbale ou plut vielh que mi è l’ at vint’ an. La pì pechita i Barbara que l’ at marenca sat an.
Avèi nouzooutri vivoun asì moun nono è ma nona, mi groo, lou pari è la mari de moun pari, è sëlli de ma mari vivoun a Marselhe dounque soun emigrà incò jouve; corra alèn a trouvéli, soun bén countent d’ aveî la meizoun pleina de nevou è niese.
Moun pari i-t'in filh unic, anveche la famelha de ma mari i numerouza, buì filh e boué filhe, per sèn l’ èi in baroun de tonte, de barba è de cuzin. Ma minna de batéimo i Maria, moun péirin i Ettore.
Moun frari Nibbale l’ at jò inna socha que, corra se marioun pì, vient pì ma counhà.
Sèi bén countenta d’ avéi inna gronta famelha, bèla, onca se, carca col, a i èt carca discusioun è in poc de counfuzioun è me plèit la tranquilità.