|
Dins las valadas se son mantenguas de fèstas que la tradicion nos a passat. Per exemple en val Vermenanha, en val d’Estura, en val Grana, en val Maira, mas sobretot en val Varacha, son restaas las famosas baïas, chascuna abo de características diferentas e particularas. Son pas aquestas las soletas fèstas, lhi n'a un baron d'autras, vielhas o nòvas, abo música, danças e vuelha de se trobar e de s'amusar ensem. Asalais a terminat lhi cors de dança abo lo magistre Bepin.
Bepin: “Aquesta diamenja anem tuchi ensem a dançar correnta e balet en val Vermenanha, ten-te prèsta”.
Asalais: “Segur, siu curiosa de veire aquesti famós festins”.
Lo Festin es típic de la val Vermenanha; ailai tota la gent, da quora nais a quora muer, dança “correnta e balet” abo un ritme ardit, sensa se guichir, magara per tota la nuech! Lhi sonadors son de la valada, la lhi a qui sòna lo semiton o la fisa, e d'autri qu'an la clarineta. Chal veire que gaubi e que passets!
Amís: “Venres sera la lhi aurè una fèsta patronala en val Germanasca, parelh fasem un pauc d’exercici sus las correntas dal Nòrd!”.
La correnta es una dança comuna a tuchi, mas ilh es un pauc diferenta da valada a valada. A nòstra Asalais lhi rèsta pas que dançar per se preparar a la Baïa de Sant Peire!
|
Dins las valadas se son mantenguas de fèstas que la tradicion nos a passat. Per exemple en val Vermenanha, en val d’Estura, en val Grana, en val Maira, mas sobretot en val Varacha, son restaas las famosas baïas, chascuna abo de características diferentas e particularas. Son pas aquestas las soletas fèstas, lhi n'a un baron d'autras, vielhas o nòvas, abo música, danças e vuelha de se trobar e de s'amusar ensem. Asalais a terminat lhi cors de dança abo lo magistre Bepin.
Bepin: “Aquesta diamenja anem tuchi ensem a dançar correnta e balet en val Vermenanha, ten-te prèsta”.
Asalais: “Segur, siu curiosa de veire aquesti famós festins”.
Lo Festin es típic de la val Vermenanha; ailai tota la gent, da quora nais a quora muer, dança “correnta e balet” abo un ritme ardit, sensa se guichir, magara per tota la nuech! Lhi sonadors son de la valada, la lhi a qui sòna lo semiton o la fisa, e d'autri qu'an la clarineta. Chal veire que gaubi e que passets!
Amís: “Venres sera la lhi aurè una fèsta patronala en val Germanasca, parelh fasem un pauc d’exercici sus las correntas dal Nòrd!”.
La correnta es una dança comuna a tuchi, mas ilh es un pauc diferenta da valada a valada. A nòstra Asalais lhi rèsta pas que dançar per se preparar a la Baïa de Sant Peire!
