Düi ladre de Salüsses, aciapà mentre i rubavun din na meizun de na rüà desabità dei Mel, en val Varacio, sun stà jüdicà lu jurn d'apres da la Pretüro de Venasco e mandà 'n galero per 'n ann e düi mes.

Na cundano severo, ma che respecio la rabio de nuostro gent, trop suvent emputento e trop suvent a 's preses ube achesto jentaio che aprufito dei vüeit leisà da l'espupulament per sfundar i-üis e arafar 's drieres paures cozes.

I düí èrun stà vist muntar de matin bunuro ube lur fürgun vers rüà Pantoisa e süivì da stremà. Conte i-es stà següro de lur brütes entensiun, la gent de Sont Eusebi, na rüà vezin, 'nte la-lei-à 'ncà na dezeno de famies, s'es urganizà, e mentre carcün curiò a sunar i carabinier d'autre travaiavun a stupar la viò ube de bàru e de feissines.

Bucò, conte i düi ladre on pruvà de scapar, apres aver rubà en liecc e na fousseto, (e blou decò en dai) i on trubà la viò stupà e a i- atender i carabinier 'n fuorses de Sampeyre e de Venasco. Ün di ladre a 'ncà scapà ain des buscaies, ma i l'on aciapà dron che a l'aribes ei Mel.

Dues u tres cozes sun da 'rmarcar d'acheste fatu:

-dron de tut es endespensable n'ajüt 'ntra la gent, ciascün devariò gherdiar e gardar pa mac sa meizun ma decò achelo dei vezin;

-secundo cozo la fuorso pübblico pol far carcaren mac ube la culaburassiun de la gent dei post;

-treziemo cozo, acheste fatu nus demuostro 'nca 'n bot l'empurtonso d'aver din 's valades lu servisi de na Pretüro.

En servisi che pa mac garantis na justissio din de temp pü curt, ma suvent aribo a cumprener miei lu ver valur e la vero tutelo che cial che aissun nuostres meizun e nuostri pais, e, ube de cundanes cumo achesto, scurajar en partenso chi à la mariò ideo de assacajiar es meizun, abandunà u pà, de la muntagno.