Abialavou  lou Quioutas

Marìo anavo a spas

i-ai douna lou bras

L'aigo courrio 'nt al pra

sus na peiro se sien asseta

tenent-se embrassa.

I-aviho na fiour rousso

cuiho 'nt al prà a la çimousso

me parlavo abou vòus dòuço.

Pian pianet me disiho

dal temp que l'aigo courrio:

la vito tristo seriho

Se ouguesse pa et fiour,

se manquesse dal soulei la chalour

seriho en mound de doulour.

I ai dich que Noussignour

pien de bounta e d'amour

à decò crea les fihes et fiour.

Lour belta grassio e sourrisin

per i jouve soun lou destin

ent mancoun la vito es en sagrin

Co que i disiou escoutavo

da la bialiero l'aigo desbourdavo

e si chaussiret trempavo.

I stagnirol ai chambia

per abialar tout lou pra

Marìo aviho i pé bagna.

L'aigo 'nt al pra courrio

Marìo es ana vio

adìou pouesio.

Soulet siou esta

ben sagrina

l'aigo courrio treboula...