franco-provenzale

Èlèves :

Foglietta Wladimiro

Recrosio Elena

Peretti Giancarlo

Istitutrice:

Nora Marilena

SAN BÉS

Enfimā ā Campii ôi ét lo santuari dé San Bés.

Bés ô l’érét en oficial roman dla légion “Tebea”. Ô créivét ā Nohtro Signor, ma ā fi ten l’ai li créhtian i venivont persèguita. Ô l’érét hcampa al maser dé “Agausio” et ô l’érét ala hconsé en tla Val dé Cogne. Li polà roman i lo fèrcavont et ô sé sentivét gnent sigur. En gèr ô l’ét hcapa et, ensembio ā carqui bèrgir qui alavont en Val Soana, ô l’ét rua en tlé montagné enfimà à Ciampii.

Li bèrgir i li volont bin, i l’aidivont et i lo hcondivont et Bés ô li parlavét dé sia réligion.

En bé gèr la notisia qué Bés ô sà trouvét en tlé montagné dla Val Soana, i ét ruai en t’orià dli Roman qui lo fèrcavont. Li polá i sá sont travéhti da bèrgir gnent forsé récugnéhté et i sont ala fèrcalo. Canqué i sont rua enfima ā Ciampii i l’ant décidu da mafilo.

Pèr tréi iagio i l’an trait giu dal mont « Fauteno » ma mahquè al tèrs iagio Bès ô l’ét mort.

Ô l’érét lo prim dé désembré dl’anf 287 d.C.

En tél poht dareui qué Bés ô l’ét mort, ô l’ét hta lo ségn dé son corp. Ora fé ságn dé son corp. Ora fé ságn ô sé véit pi, pèrqué tuti i anf, la gent i prent en toc dé roc comé réliquia.

Dépoi la mort dé San Bés, li bèrgir i ant sotèra son corp. Carqui méis pi tard, en bèrgir qu’ô pasavét da iqui ô at vuit, sot à lé roqué, dé violétè fioriá. Ô l’érét enco gnent la stagion dlé fieui at lo bèrgir ô savéit gnent qué pensar. La müla qu’ô avéit ensembio i s’ét traiti en ginaiön et i sé bogivét pi. Aleuira lo bèrgir ô at capi qu’ô i érét carqui ciosa. Ô l’ét tornà ô masön, ô at préit pala et pic et poi ô at comenfia ā sgatar. Ô at troua en corp et ô l’at porta ā Ciampii. Al ten d’el réi Arduin, lo corp dé San Bès ô l’ét poi hta porta ā Oregna et ifi ô l’ét hta fin’à canmqué lo véhcò « Vermondo » ô l’at fait portar à Ivrea an tli guiési dé San Loran.

À canqué i ant ciargia lo corp del Sant en tél carét, li caval i sé sont gnent bogia fina al moment qué lo véhcò ô i at bénédi.

La féhta dé San Bés i ét al 10 d’oht.

Fé gèr iqui quétenti valsoanin et marét i vant su pli sentèr dla montagni, fin ā li guiési qui ét htai faiti propi sot al mont “Fauteno”, en tél poht darei qué lo Sant ô l’ét mort.

Lo prévé ô dit la Mesa at ā la fin i font la procésiön. I om i portont la statua et tuti i auti i vant apré en prégando, en ciantando. I fant lo gir del mont. Dli giono qui portont la statua, dui i sont dé Cogne et dui dla Valsoana

LA MADONA DÉL BÉVIAN

Sesfent an fa, à Lö Pra, dareui ô i ét orā lo Santuari dla Madona dél Bèiran, ô i érét mahquè en capitél con la magina dla Madona.

A fli ten lai, à Lö Pra, ô i érét tanta gent et tuti i avont dé béhtié : dé féié et dé vacè et i alavont tuti largir.

À Lö Pra ô i érét na fii qué dé cognom i sé démandavét « Valerio » et dé nom i sant gnent propi dabin, ma i pensont qui sé démandavét Maria. I érét muta et tuti li gèr i portavét sié féié à largir. I pasavét sempé douant al capitél dla Madona et i sé engénoivét pèr prégar.

En gèr i at vuit vénir en bé quiar et ô ét comparě la Madona. I érét propi tanto bla i l’acaréfivét adasi, con tanta grafi. Entant qué la fii i érét iqui en ginoiön qui la bocavét i s’ét butai à disè l’ »Ave Maria ». Canqué i ét tornai ô mason et la gent i at vit qui parlavét, Maria i at dit qué la Madona i avéit comandà da faré na ciapelā. En iagio, iqui dareui qu’ô i érét lo capitél dla Madona, ô i érét en pais, ma l’aivi et lé lavencé i avont portā via lé mason. Ô i érét mahquè hta en gro prà et propito iqui, come i avéit dit la Madona, i ant comenfia a faré nna pitoda ciapelā. Poi pian pian i l’an faiti vinir sempé pi blā, fin qu’i ant fait lo Santuari qué ô i ét enco orā. La statua dla Madona qué ô i ét orā, i ét pi gnent fla qu’i érét en iagio, pèrqué i l’ant fina robai.