Mî car Eipoû, madamma, mousù, parent,
permetà que faze lh'antic coumpliment
que se fazìan abitoualment din lâ valadda,
lou journ dei mariagge, sourtoû din mâ countradda!

Souvent, lî coumpliment î se fazìan en fransee,
rarament en italian e encâ mens en piemountee;
esent, la prumièro, ben difisilo a prounounsiâ,
li vauc.fâ en patouà, decò bel e ben flourì per coumplimentâ!

Dint un journ si bèl, jouioû e luminoû,
caicaren l'ee pi que just que mi dìe a lî jouve Eipoû,
e per la bèllo, groso e frairalo coumpanhìo,
creâ, se l'ee pousibble, uno vero e jouiouzo alegrìo!

Voriouc vouz arsouvenî, öiro que la ma ven en ment,
dei jouve Eipoû, lî cattre empourtant coumandament:
"Vou dövà zamé, ma proppi zamé vouz eisublìâ
que la patrouno de meizoun l'ee la fenno e oû dövà l'amâ!".

Segount: (mi zou sabbou!). "Eisublià-ou pâ, se nò la vai mal,
lou portofölh al ee seou coumà lî vazet dei succre e de la sal!"
Tèrs: (oh mi zou sabbou!). "Cant î vou ruzo e ouz avà lou magoun,
toujourn, ma toujourn l'ee la spouzino a aguee razoun!".

La couarto chozo: "Gouai fâ lou moure.., l'ee empourtant,
perqué l'ee toujourn l'Eipoû a demandâ perdoun e a l'istant!".
Ma leiseen pèrdre toutta setta bagatèlla, setta pecitönnha,
la vitto î deou èse faito de bazin d'amour e de milo caresa!

Mi, permetà, ajountarìouc encâ un couint coumandament
que mi artenou bieen, ma bieen empourtant e ben pertinent;
cant ouz aurê de meinâ, se Diou-vol, countunà a parlâ patouà
perqué l'ee la pi bèllo e flurìo lengo que li sìe iità!

L'ee l'anticco e nöbblo lengo dei Cluuzoun e dei Queyrà,
d'la Prouvenso, de San Martin, d'la Douiro e d'Prajalà;
l'ee la prumièro lengo que maz aurellha an sentì,
bou la careso de mamma que m'avìo beneizì!

Mi, encöi, vorìouc verament l'amicisio esaltâ
que eisì, ensemp, tanti fraire nouz a fait troubâ!
Pensà mequé e arsouvenen-sé cant, ben queico ân areire,
ouz aveen acoumensà a eicrire la lengo de noutri reire!

Cant a El oû li demanden un doun...
demanda-li zamé d'or un gran baroun,
ma demanda-lì l'amour d'un amis vere
que vouz estimme e â sìe verament sinsere!

Uceen vivo, vivo a noutri bèlli e jouve Eipoû,
fazeen-lhì lh'auguri que î sìan toujourn öroû,
l'amicisio l'ee verament uno virtù coutouzo,
tenen-lò d'acounth, tenen-lò toujourn ben presiouzo!

Ma bravo gent, scuzamé, la saré bèlle ouro de la plantâ,
sperou de pâ aguee dit de brutta choza que fan plourâ;
a noutri brave Eipoû, dai pi proufound dei cör
encâ bieen d'auguri e encâ bieen bieen de bounör!

A noun de mî jouve de la val Cluuzoun e San Martin,
augurou a lh'Eipoû e a tutti lî prezent eisì, set matin,
verament uno gran bèllo, sereno e jouiouzo journâ
e que l'amicisio e la frairanso venan zamé a mancâ!

Vivo, vivo e encâ vivo lh'Eipoû!