Voû mammagrant oû me dounavi votro man,
dint moun söim ouz èran aval per Pramian.
Pappagrant èro dareire, queico pâ da noû,
coumà toujourn, â fumavo sa pippo tout serioû.

Da l'autro man oû tenìa ben su l'eipallo
la fourcho, raatèl e bouras a l'eicarsèllo;
lâ lengouta fazìan soun cri cri bou lou mouralhet,
ei meme temp li reipount uno niâ de uuzelet!

Decaire noû desent aval planet planet
lou velh Cluuzoun dint soun viagge eternel,
plen d'aigo, bèllo, pouliddo, luiento e claro,
porto riceso, vitto prousperouzo a la plano.

Lou söim al ee lounc, al ee pâ finî, al a countunà,
eiboulià lh'endanh que pappagrant avìo talhà
oû s'enchamineen vèrs la fountano de Gouchoun
ounte l'aigo bou la toummo e lou pan èran si boun!

Bou un pauc de peno la brouo ouz aveen mountà,
lou velh Claus, planet, ouz aveen ben vizità,
lou Claus deitrut brutta choza al arsouven
cant, un temp pasà, lh'èro pi de mal que de ben.

Planet oû s'enchamineen per tournâ a meizoun,
lou viol ee eitreit, mi courou coumà un ribatoun!
Courà paatant, l'ee plen de peira per lî Gouree,
m'entrambou, chöiou, m'arvöllhou e siouc velh!

Mammagrant, voû que da l'autre caire oû me sentà,
creamé, l'ee lou pi bèl söim que la me sìe capità!
Öiro que ötiant'an soun pasà e velh siouc decò mi
pensou a quelli bèlli ân que tournan mai pi.

Oh mammagrant voû que oû sià eiquiaut
alounjamé votro santo man, tiramé aut
ai glorioû Renh final de chaco cretien,
lou premmi eternèl de qui cré din lou ben,
ounte la lh'a lou prà eternament flourì,
ounte triounfo la joi e la lh'a papi d'sousì!