franco-provenzale

ODZEUT:

VELÒ METROPOLITAN-NA DE TURIN

VELÒ DE SUSE

VERBAL DE DELIBERASHONde la DZOUINTA COMUNALA N.34

Copì Albo

EROGASHON DIN CONTREBÙ DE NATEURA SOSSIOASSISTENSHALA EN FAVOUR DIN SEDZEUT QUOU FET DE PROZHÉ ENDEVIDUALO DE ATTIVASHON SOSSIALA (P.A.S.S.).

L’eunn doueumileventun incoueu venn do mei d’avril a 16 oure e 30 meneute din la sala de les adunanse, regulérameunn convocaia, lhe s’at reuniò la Dzouinta Comunala, din le presseneu de:

Conhon e Non - Preseunn

GENOVESE Pier Giuseppe - Santicó Ouò

MONTABONE Giorgio - Visse Santicó Ouò

PELISSERO Giuliano - Assessour Ouò

VALERIO Cinzia - Assessour Ouò

COLAMARIA Antonella - Assessour Ouò

Totalo Preseunn: 5 Totalo Asseunn: 0

Ou partissipe a la seanse lo Segretéro Comunalo BARBERA D. Giovanni.

LA DZOUINTA COMUNALA

I se done at que lo Visse Santicó Giorgio MONTABONE e l’Assessour Giuliano PELISSERO ou partissipo a la seanse en video confereinse, i seins de l’Ordenansa Sendicala contendzibla e urdzeinta n. 33 do 19/03/2020.

Prebetà que les amministrashon comunale ou l’ont lo dovér istitushonalo de poussar ashon e entreveunn de sovegarda de le fésse féble e/on di sedzeut en estat de enabilità, en presouiveunn l’amelhorameunn de le condeshon d’enserimeunn sossialo e lavorativo e que héta Comeune lh’arteunt nessesséro d’alar ineunn din l’ovra de collaborashon avó li sarvisho sossio-assistenshalo dzò anandiaia dipé carque eunn, pé dzò en favour de sedzeut qu’ou preseinto de situashon de greunn maléso;

Spessefeiò que li entreveunn sossio-assistenshalo ou véno dzerà en enterashon avó lo Con.I.S.A Val de Suse e avó li Sarvisho Territorialo de l’ASL TO3;

Donà at que lo Departemeunn de Santà Mentala de l’ASL TO3 do 2014 ou propose a la Comeune l’enserimeunn do sitadin resideunn din la comeune de Mompantér, endeviduà avó n. 723/2017 de squéda anagraficca, a travers la souhreshon d’in P.A.S.S. - Prozhé Endevidualo d’Attivashon Sossiala Soutenibla - deret a l’encluzhon sossiala avó fonshon de souteunn a l’Ufisho Anagrafe (travalh d’artsivo, de redzestrashon, ecc.);

Ensevenù que lo Departemeunn d’Izhéne e Santà mentala ou prevoueit favour do mémo sitadin l’erogashon d’in édo economicco de € 200,00 o mei e que la Dzouinta Comunala, en arcunusseunn li reseltà ardzunhò din lo doméno de le manso assinhìe e avó entenshon motivashonalo, a partir do 2018 ou l’at arcunussù in contrebù comunalo de nateura assistenshala mensila de € 100,00;

Donà at que lo P.A.S.S. pressedeunn ou l’avet scadeinse o 30 mars 2021 e que lo novo ou l’eut ihà arnovelà avó souhreshon de l’Assessour i Sarvisho Sossialo de la Comeune en data 23 mars 2021, pre la perioda 1 avril 2021 – 30 mars 2022;

Prein at que lo level d’otonomì e de capassità relashonala tal que l’engadzo e les attivitaie assinhìe o benefishéro do P.A.S.S. ou sont progressivameunn omentà, teunn sa collaborashon din lo derolemeunn de le manshon de tipo praticco-esecutivo ou l’arseulte ina vreiò preshousa;

Considerà qu’a la lemiére de l’esperieinse bieunn positiva mouraia en termo d’aquisishon de competeinse, d’entegrashon do benefishéro e d’appòrt concret a l’uffisho Anagrafe, lhe s’at valutaia la possibilità d’omentar les oure de derolemeunn do PASS, en porteunn de 15 oure a 20 oure a la seman-na;

Aquisì l’adreita positiva do benefishéro e do Sarvisho Psiquiatricco;

Artenù pre heunn deut dessù d’arcunuhre in contrebù economicco de nateura assistenshala mensila de € 200,00 a partir do 1 mai 2021, en corrispondeinse de l’entegrashon ouréra, a condeshon que lo mémo ou l’ardzouisse pa de la meseura do Rédi de Sitadinanse de laquinta o D.L. n. 4 do 28/01/2019 convertì avó L. 28 mars 2019, n. 26;

Arclhamaie le souiveinte deliberashon:

  • de C.C. n. 47 do 30/12/2020 avó laquinta ou l’eut ihà approvà lo D.U.P. pre li

    eunn2021/2022/2023;

  • de C.C. n. 48 do 30/12/2020 avó laquinta ou l’eut ihà approvà lo bilan de previzhon pre li trei eunn 2021-2022-2023;

    Documento prodotto con sistema automatizzato del Comune di Susa. Responsabile Procedimento: Fulvia Tonco (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line

Arlevà que la proposeshon de deliberashon lh’at avoù, tal que prehresù de l’art. 49, D.Lgs. 18.8.2000 n. 267, les adreite do Responsablo de l’Ére Sarvisho a le presseneu e les empreise e do Responsablo de l’ére finanshére;

Vu l'art. 48 D.Lgs. 18.8.2000 n. 267 qu’ou demanda a la D.C. l'ordenéra amministrashon e gestion de sarvisho;

Avó votashon unanima e favorabla espressaia de forma paleisa pre levà de man;

LHE DELIBÉRE

  1. De donar at que la premisa lhe costitueit pert entegreinta e sostanshala de la

    preseinta deliberashon.

  2. De donar at que lo P.A.S.S. (prozhé endevidualo d’attivashon sossiala soutenibla) a favour do sitadin resideunn din lo Comeune de Mompantér e endeviduà avó n. 723/2017de squéda anagraficca, ou l’eut ihà arnovelà pre la perioda avril 2021- mars 2022.

  3. De espressar adreita favorabla a l’entegrashon, pre le motivashon espressaie din la premisa narrativa, do sussidio economicco a sardze de l’ASL TO3, avó in contrebù de caratéro sossio assistenshala de € 100,00 pre lo mei de avril 2021 e de € 200,00 o mei a partir do mei de mai 2021 e tein qu’a la concluzhon do PASS mémo (mars 2022), en favour do sitadin resideunn din la comeune de Mompantér, endeviduà avó n. 723/2017 de squéda anagraficca.

  4. De donar at que lo fré a sardze de la Comeune (totalo € 2.300,00) ou trove creviò finashére dessù lo bilan de previzhon 2021/2023, o tsapitro PEG N. 4120/16/1, comme i souit:

    • € 1700,00 esersisho 2021,

    • € 600,00 esersisho 2022;

  5. De donar mandà a l’assessour competeunn a la souhreshon do PASS qu’ou saret debitameunn entegrà e i ufisho competeunn pre li at consequeunn.

  6. De declharar la preseinta deliberashon fit adzibla i seins de lei avó ina seconda votashon, randouò en forma paleisa pre levà de man, qu’ou done reseltà unanimo favorablo.

Lesù, confirmà e souhresù,

Lo Presideunn Firmà Dedzetalameunn GENOVESE Pier Giuseppe

Lo Segretéro Comunalo Firmà Dedzetalameunn BARBERA D. Giovanni

Documento prodotto con sistema automatizzato del Comune di Susa. Responsabile Procedimento: Fulvia Tonco (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line