Quié e mon fraire Lorenç fasem anar lo bar Sport. Nòstra origina es véneta: mi grands arribaven da la província de Belluno e son venguts per la contruccion dal barratge de l'Enel. Nosautri avem fach totas las escòlas aicí a Vaudier, las elementars e las médias Enlora de mainaas lhi n'avia; fa-te compt que masque a Vaudier en premiera classa eriam en 15. Après me siu mariaa ben jove, aviu vint-e-un ans e siu anaa estar a Coni. Mon fraire un bèl jorn me fai: «perque durbem pas un bar?»

Son passats 15 ans e sem melhorats decò professionalment; embe lo temp s'emparon un baron de causas com aquela d'aver paciença embe la gent; lhi ne'n vai un baron.

Sem pus gaire al país, aquò es negatiu. Per la resta vai pas mal. A Vaudier manca pas ren: se vòs far d'espòrt lhi a d'associacions pr'aquò far, lhi a lo centre de lectura... Lhi a de tot.

Lhi tenem talament al país que aquest'an avem decidat de rimodernar lo dedins dal bar: l'avem fach pus bèl, na nòva tinta, un bancon nòu... na brisa de novitat que fai alegria e de ben al moral nòstre e de la clientèla. Penso que ma vita anarè anant aicí, lhi creo perque ma vita es aicí. Après, vai a saber!

Ai doas filhas, pòl èsser que una d'las doas un jorn releve mon pòst.