La passion per l'apicultura m'es arribaa da mon paire. Aviu dètz ans e l'acompanhavo da las abelhas. Ele fasia lo messo comunal; avia 40 - 50 bruscs e fasia decò de nomadisme. Era una passion, mas decò una necessitat. Puei ai començat a n'enlevar, embe mon fraire, avion 15-20 bruscs. A l'escòla, mostravo decò lo mestier ai miei escolans. Puei es decò arribat mon garion, fai nòu o dètz ans. Derant avia frequentat lo conservatòri e era vengut musicista dins un'orquestra, fasia de concèrts un pauc d'en pertot, a Milan, a Roma, a Cannes... a la fin s'es butat a far l'abelhaire e alterna aquesta activitat embe aquela de lhi skilift a Entraigas, dins l'uvèrn. Avem a pauc près 200 bruscs.