Ai començat a pena siu arribat da soldat, fai a pauc près una trentena d'ans; après ai butat mon fraire coma sòci e avem continuat ensem: ròba d'installacions, emplants eléctrics civils, industrials, sistèmas d'alarm, automacions, qual se sie tipe de chantier, sempre dins l'edilícia. Puei nos sem perfecionats enti sistemas d'alarm e trabalhem sempre ent aquò. Ne'n placem un bel pauc. Trabalhem decò fòra, a O Borg, a Coni; en aquest moment sem mentre que fasem de cabanons a Coni e al Passaor. Trabalhem lo 50 per cent en valada e la resta defòra, mas darrierament ben de mai en valada.

Derant istavo a Andòn, puei siu anat a pilhar-me la frema en Soïssa e da tres o quatre ans istem aicí a Vaudier, e pensem de nos estabilir aicí definitivament.

Corsas, oficis, perdas de temp, responsabilitats, agitacion: encuei la vita es ben pus agitaa qu'un bòt. La gent un bòt te donava de temp per lo trabalh, encuei quora te sònon lhi espacis de trabalhs son estrechs, sempre de corsa, ben mai pressats de qualque an fa. Lhi a tròp d'oras perduas respèct al trabalh. Tròpa burocracia, second a mi.