'I 17 'd giugn passà aven voutà, per la scounda vira, per 'L Parlament 'd l'Europa e, tra toute aquelle lista, gn'avia 'd co una coun quarqu'un di nosti, coun quarqu'un que 's presentava per pourtà enan i proublema 'd la nosta minouransa, i proublema 'd la nosta mountagna e 'd la nosta gent.

L'era la lista numer 7, la lista: Federalismo Europa dei popoli», facha 'n paou coun tuch i rapresentant 'd le minouransa que viveu en Italia, dai Frioulan ai Sardegneul, dal Valdoustan e j'Eslavi a nousaoutri ousitan.

Tanti, trop 'd nosaoutri forsi ou an gn'anca sabù e forsi sempe tanti 'd nousaoutri soun nin arribà a capì ben 'l moutiv 'd presentasse en 'na lista facha en t'aquella manira, coun 'd gent qu'an nin i nosti proublema, qu'an nin la nosta moda 'd vive e 'd pensà e, soubretout, que soun propri nin di nosti.

Dien qu'aquò l'è 'na cosa giusta e l'è la vrità; l'è aquo qu'aven pensà subit en tanti e que a fach pourtà e drà gaire 'd vout a la nosta lista.

Ma aquo l'è, soubretout, 'na grossa culpa nosta, 'na grossa coulpa 'd toute jAssousiassiouns ousitane que, pura, 's troben 'n paou dapertout en la nosta valada.

Coulpa tant 'd pì grossa propi per aquo, propi perquè, couma assousiassioun, sien dapertout e dapertout ourien pougù, coun 'n paou 'd pì 'd bona voulountà, pourtà enan 'l noste descours dient a la gent aquo que voulien fàa e spiegand couma pensaven 'd falou.

Ma anava 'd co, alloura, que 'na vira per toute i rapresentant 'd toute j'Assousiassioun ousitane que soun 'n paou en tuch i nosti Pais 's troubeson, 's setessen entourn a 'n taoul tuch ensem coun bona veuja 'd descute franchament e a coeur dubert per troubà e la fin aquel accordi que encà encoeuve nous manqua tant e que, 'd pì que tout, countinea a teninou desunì.

L'oucasioun era trop bona e janava nin lessà perde 'n t'aquella manira.

Per la prima vira, l'Ufissi per 'l Couourdinament 'd le minouransa que viven en Italia era arribà a troubà 'n accordi tra tuch, a troubà aquella unioun qu'ouria pougù abarounà tanta, propi tanta gent que, couma nosaoutri, serquen d'esse arcounousù de 'l Stat italian e, soubretout abarounà tanta gent que propi tant 'd pì que nousaoutri soun unì per pourtà enan le lour idea.

Per nosta fourtuna, quarque Mouviment ousitan j'avia pensà e, giò da 'n paou 'd temps era arribà a entrà e a pijà part a i travach 'd l'Ufissi 'd couourdinament 'd le minouransa.

'n t'aquella manira i rapresentant 'd la nosta minouransa soun entrà en lista e eoura, coun la forsa 'd touta j'aoutra minouransa, nousaoutri ousitan pourren tourna presentà al Parlament Italian la nosta prouposta 'd lege per esse arcounoussù couma 'n popoulli coun le sua abituda, coun le sua manira 'd vive e 'd pensà a coun la sua lenga.