Gèmen i gruès legn di cubèrt,

s'esgrùnen u péire

à la rua di Tech,

la rua di Sarvan.

Soun resta que lour dins lou desèrt

à escoutar l'eterno prièro

de l'auro que estégn

la flamo dal lume

e séco lou but di foujéro

quouro la séio a ren de pas si crest

e i estelle trìhen sus l'ourisount.

Sus aquest esperdu ourisount

que l'uéi 'n vé pas la fin,

cerquén lou quiàr que roumpe lou mistéri

que nous cuèrb da quouro i nuèste famihe

an perdu lou bèn

di tradicioun e di viéie baihe.