Sjafla de la seio,

da l'àouro, quel vol te destruire.

Da l'àouro que subio, que entors

e dereiso,

la gent de mountagno;

da l'àouro, la seio

que stremo, scancelo, dereiso

la jai de na vito eilamoùn.

Ai en suégn

Avou chantar moun paìs

que chantavo pa pus

Ai en suégn

Quonte l'albo coulouro

les pounches

e i oouçel tacoun dir

lour priero

l'a de vouz que

s'àousoun pu fortes,

l'ei i seitour que

'mbe lou dai s'enchaminoun

asùs per i viòl

en chantont.

Ai en suégn

L'es ruà que s'empìoun de vito

de gasaires de vaches,

i picoùn, de chon

e i pastre que 'ncoumènçoun lou jour

en chantont.

Ai en suégn

Din lou cor de nuéch

'mbe la seio sei moure

i fenòour que chaminoun

na fatigo i atend

e i chòntoun.

L'àouro subìo ei mes des làouzes de na gronjo

din lou suégn semeò d'òouvir

en corou que chonto:

di reire, de lour vito

di temp qu'on pasà,

d'es miseries, de la fam

de la jai que regnavo eilamoùn.

L'ei en suégn.