Baizô lou piëls frizô d'un minarot,
s' vìoutô d' matin din l'erbe trempe d' rouzô,
santô su'l fen ratlà e c'mà un lhaurot
coure !est e libbre per bocs e tèra e prô...

Tsantô a pléne vou enché qu'ou sôhi rauts,
mindzô d'grouzèlla e aprê aguée 'l dzensilh,
anô, c'mà un moutoun lòurt, a dreit e a gautse,
pasô la vitte aboù la fenne e un filh.

Mindzô lou gofri astà dapè 'l fouhìa,
pilô, calhetta e trufa en cantità,
béure un dumèi a l'ostou en coumpagnia
fô douâ partia a tresèt e a l'icartà...

Sagnô 'l courin e fô 'l festin en familhe,
mountô planot la drôie e la tsarìëre,
argardô 'l sìël e vée Magnaut qu' lèi brilhe,
fô 'l gran mouscieu cant vèude ée la satsìëre!...

E pèi s' fô prenne din 'l voi dla fantazìa
e anô d'isì e d'ilôi boù l'imprescioun
qu' la vitte sôi pâ si brùtte e 'l mount entìa
boù 'l moure en l'ère icoute votre belle tzansoun...