Entraigas: reactivacion accessibilitat a lo Còl de la Garbela

Mai 2024. Aquest’an en pòl pas dir que la sie estat paure de nuvera, almenc pr’aquò que son estat lhi mes de març e abril. Las darrieras nevadas e lo fòrt vent an causat la rotura de ramas, arbols e plantas tombaas al lòng de tot lo territòri cumunal e decò al lòng de la via d’accès al Còl de la Garbela, còmas vist da recent controtle de l’equipa tècnica comunala.

Se rend necessari donca entervenir fito per la reactivacion de l'accessibilitat al luec perqué tala situacion de deteriorament compòrta una limitacion a lo normal usatge, en seguressa dal territòri.

Après aver acertat que l'entervencion tomba sus lhi terrens de proprietat comunala, lo séndic a sortit una especifica ordenança adressaa a l’equipa forestala de la Region Piemont competenta per territòri ente demanda de efectuar abo urgença lhi trabalhs comprés aquilhi sus lo Patrimòni bosquiu causa de empachament o perilh insistent dessús la via, al fin de reactivar l'accessibilitat pedonala al Còl de la Garbela.

Connexion:

https://www.servizipubblicaamministrazione.it

COMUNA DE ENTRAIGAS

PROVÍNCIA DE CONI

ORDENANÇA N. 27/2024

ORDENANÇA DE REACTIVACION ACCESSIBILITAT - CÒL DE LA GARBELA

LO SÉNDIC

Premès que las darrieras nevadas e lo fòrt vent an causat la rotura de ramas, arbols e plantas tombaas al lòng de la via d’accès al Còl de la Garbela, còmas vist da recent controtle de l’equipa tècnica comunala;

Donat act que chal entervène fito per la reactivacion de l'accessibilitat al luec dessús endicat e que tala situacion de deteriorament compòrta una limitacion a lo normal usatge, en seguressa dal territòri;

Acertat que l'entervencion tomba sus lhi terrens de proprietat comunala;

Relevaa la necessitat de adoptar consequentament las necessarias mesuras per la reactivacion de la normala accessibilitat a l'àrea de la Garbela; Vist l'art. 50 dal D.Lgs 267/2000;

ORDENA

 A l’equipa forestala de la Region Piemont competenta per territòri de efectuar abo urgença lhi trabalhs demandat da la presenta Ordenança comprés lhi trabalh sus lo Patrimòni bosquiu causa de empachament o perilh insistent dessús la sobre nomenaa via, al fin de reactivar l'accessibilitat pedonala al Còl de la Garbela.

DEMANDA

Ai competents servicis comunals e a las fòrças de policia prepausaas de vigilar en ordre a la corrètcta execucion de la presenta mesura

DISPAUSA

L'aficion de la presenta a l'albo pretòri dal Comun per 15 jorns e sus lo sèti internet d’aquesta Comuna per donar maxima publicitat a la presenta Ordenança;

La transmission de la presenta a l'Ent de Gestion di Parcs de las Alps Marittimas apam@pec.areeprotettealpimarittime.it

Còntra la presenta ordenança polerè èsser propausat recors al TAR Piemont dins 60 jorns o pura en via alternativa recors extraordinari al President de la Republica dins 120 jorns.

Entraigas, lo jorn 24/05/2024