Enstitucion marchat de las chastanhas 2024

Setembre 2024. La sason automnala es a las pòrtas e abo ela lo períod de la culhia de las chastanhas. Per aqueste motiu lo séndic de la Comuna de Rocavion a sortit na exprèssa ordenança relativa a l’institucion de l’abitual marchat anual a l’engròs e al menut de las chastanhas per la sason intranta. Se establisson lhi jorns di dubertura e clausura, lhi oraris e lo reglament que productors e achataires deverèn se atenir. Vaquí una brèva sintèsi:

Son admetuts a la venda ental marchat lhi productors agrícols, lhi proprietaris e lhi conductors di fons coltivats a chastanhiers da fruita; lhi comerciants a l’engròs de produchs agrícols e las cooperativas agrícolas.

Son admetuts a lhi achats ental marchat lhi comerciants a l’engròs di produchs agrícols; lhi comerciants al menut; lhi gestors di aubèrges e restorants; las endustrias que proveon a lo trabalhament, conservacion, transformacion e comercializacion di produchs agrícols; lhi simple consumators masque a partir da las oras 10:00.

Lo marchat a luec enti jorns de dimars e venres, près dal plaçal denant ai champs esportius, ental períod comprés entre dimars 01 d’octobre e venres 22 de novembre, las negociacions començarèn a las oras 8:00 fin a la fin de las operacions de achat e venda. L’ora de començament e de clausura dal marchat serè senhalaa abo auçabandiera.

L’assinhacion de lhi exprès espacis endividuals dins l’àrea dal marchat per l’exposicion e la comercializacion di produchs es sobjècta a l’aculhiment da part de la Comuna d’expressa istança, que deverè èsser mandaa per enscrit a la mesma Comuna.

Qui aurè pas provedut a demandar l’assinhacion de l’àrea dal marchat polerè eventualament accèder a lo mesme a discrecion de lhi Agents, que ne estimarèn la possibilitat en basa a las disponibilitat logisticas dal moment.

COMUNA DE ROCAVION

Província de Coni

ORDENANÇA N. 36 DAL 20/09/2024

ENSTITUCION MARCHAT DE LAS CHASTANHAS 2024

LO SÉNDIC

Considerat lo se aprochar de l’abitual Marchat anual a l’engròs e al menut de las chastanhas.

Retengut oportun establir las modalitats de desvòlzement de tala publica reünion.

Vist lo R.D. 18 junh 1931, n. 773.

Vist lo D.Leg.vo 18.08.2000, n.267.

Vist l’estatut comunal

ORDENA

ART. 1

Lhi equipaments e lhi servicis butat a disposicion di productors e de lhi operators econòmics da part de la Comuna de Rocavion constituïsson lo marchat per lo comèrci a l’engròs e al menut de las chastanhas.

ART. 2 – VENDEURS

Son admetuts a la venda ental marchat:

1. lhi productors agrícols, lhi proprietaris e lhi conductors di fons coltivats a chastanhiers da fruita;

2. lhi comerciants a l’engròs de produchs agrícols;

3. las cooperativas agrícolas.

ART. 3 – ACHATAIRES

Son admetuts a lhi achats ental marchat:

1. lhi comerciants a l’engròs di produchs agrícols;

2. lhi comerciants al menut;

3. lhi gestors di aubèrges e restorants;

4. las endustrias que proveon a lo trabalhament, conservacion, transformacion e comercializacion di produchs agrícols;

5. lhi consumators, en determinaas oras dal marchat.

ART. 4 - DATAS E ORARIS DAL MARCHAT

Lo marchat a luec enti jorns de DIMARS e VENRES ental períod comprés entre dimars 01 d’OCTOBRE e venres 22 de NOVEMBRE (Gavaa la possibilitat de tèrme anticipat causa exauriment dal produch), abo lo seguent orari:

 Las negociacions començarèn a las ORAS 8:00 fin a la fin de las operacions de achat e venda.

Las datas de començament e de fin dal marchat polerèn èsser modificaas per exigenças contingibles e ensindacable judici de l’Administracion Comunala.

L’ora de començament e de clausura dal marchat serè senhalaa abo auçabandiera.

ART. 5 – ORARI DAL MARCHAT PER LHI CONSUMATORS

Lhi consumators de que a l’art. 3 còmma 5 polerèn frequentar lhi jorns dal marchat a partir da las oras 10:00.

ART. 6 – VIGILANÇA

Lhi operators de las Policia Municipala vigilarèn sus lo corrèct anament de las negociacions e sus dal respèct de las normativas vigentas.

ART. 7 – PROÏBICIONS

Es proïbit, sie ental marchat que dins sas dependenças:

1. da las oras 7.00 a las oras 10 di jorns dal marchat es proïbia la sosta ente l’airal denant lhi champs esportius per consentir a lhi productors de se garar en atenta de las negociacions;

2. engombrar lhi luecs de passatge o empachar totun la circulacion;

3. atirar lhi achataires abo crits e brams;

4. sollicitar ufèrtas o far culhias o sotsinhacions, endependentement da l’ent beneficiari;

5. sostar e circular al dedins de lhi airals e de las corsias adobrats a marchat, dins l’orari establit da l’art. 4, abo màquinas o d’autri veículs que sien pas aquilhi adobrats a lo transpòrt de la marchandisa, lhi veículs trobats en enterdiccions venerèn portat via abo remòucion fòrçaa;

6. chasque e qual se sie accion o comportament que pòsche gastar o desbelar l’òrdre e la disciplina dal marchat e de las negociacions.

ART. 8 – ASSINHACION DE LAS ÀREAS

L’assinhacion de lhi exprès espacis endividuals dins l’àrea dal marchat per l’exposicion e la comercializacion di produchs es sobjècta a l’aculhiment da part de la Comuna d’expressa istança, que deverè èsser mandaa per enscrit a la mesma Comuna.

Qui aurè pas provedut a demandar l’assinhacion de l’àrea dal marchat polerè eventualament accèder a lo mesme a discrecion de lhi Agents, que ne estimarèn la possibilitat en basa a las disponibilitat logisticas dal moment.

ART. 9 – RESPONSABILITAT

Salvas ed enprejudicaas las responsabilitats de lei, la Comuna de Rocavion pilha pas responsabilitat de qual se sie natura per dalmatges que devesson derivar, a qual se sie titol, a lhi operators e a lhi frequentators dal marchat, que son responsabils de lhi dalmatges da lorautri o da pròpi dependents causats a la Comuna de Rocavion o a terç.

ART. 10 – COVID 19

Durant tot lo períod de dubertura dal marchat abo las relativas negociacions deverèn èsser respèctaas totas las prescripcions vigentas en matèria de prevencion de la difusion dal virus. Es proïbit de accèder a l’àrea dal marchat a qui se sie presente símptomas retombant dins las tipologias a risc o abo fèure mai auta de 37,5°C.

COMUNICA

Las transgrecions a las disposicions de la presenta Ordenança da l’art. 1 a l’art. 9 o an aquelas previstas da nòrmas de lei que disciplinon lo foncionament di marchats, venerèn aplicaas seconda aquò que es previst da lo Reglament comunal de las violacion a las ordenanças e reglaments.

Per las violacions a çò que contengut dins l’article 10 se remanda a çò que previst da las normativas vigentas en matèria de COVID19.

Ai subjècts localizats a lhi art. 2 e 3 del la presenta Ordenança destinataris di provediments sancionatoris ai sens de las normativas vigentas, en foncion a la gravetat dal fach a ensindacable judici de lhi operators de vigilança, polerè èsser suspendut lo drech de accsès a lo marchat.

Lhi Agents de la Fòrça Publica son encharjats de far observar las disposicions conteguas dins la presenta Ordenança, que serè notificaa al public decò abo esposicion dins l’àrea marchatala.

Da la Casa Comunala

LO SÉNDIC

Firmat Digitalament

F.to : Giraudo Paolo

Lo present document es sotsinhat abo firma digitala ai sens de l’art. 21 dal d.lgs. 82/2005. La riproduccion de lo mesme sus supòrt analogic es faita dal firmatari Responsable dal Séndic de la Comuna de Rocavion e constituïs una còpia integra e fidela de l’original enformatic, disponibile, a demanda, près l’Ofici emittent.