Vaudier: ruïnas sus la via dal Valascs

Aost 2024. Lhi fenomèns tempestuos continuen a flagelar las valadas de Coni. A Vaudier, dins l’après-disnar dal 26 d’aost, un temporal fòrça violent a butat en crisi la viabilitat que vai da la localitat Tèrmes de Vaudier fins al refugi dal Valasc.

En particular, son esondats, al lòng de la via d'accès a la Plana dal Valasc, lhi valons laterals de “Cabrera” e “Cougnè”, en blocant efectivament l’accès a la vielha via militara.

Aquesta situacion, al-delà de constituir un perilh per la seguressa publica e privaa, a determinat l’interrupcion totala de l’unic liam viari que da la Region Tèrmes de Vaudier mena a la Plana dal Valasc e lo consequënt isolament de la porcion amont de la mesma Fraccion, ente se tròbon qualquas activitats/estructuras receptivas fòrça frequentaas.

Dins la serada, 25 personas son estaas evacuaas abo l’elicoptèr e 5 a pè gràcias a l’intervencion de l’equipa terrèstra dal Secors Alpin de Coni, de la Gardia de Finança dal secors alpin de Coni, de lhi Vigil dal Fuec dal comandament provincial e de l’elicoptèr “Drago” arribat da Turin.

Lo séndic de Vaudier a sortit una ordenança especifica de clausura totala al transit veicular e pedonal dal tòc de via que vai de la Region Tèrmes de Valdièr fins a la Plana dau Valasc, laissant lo transit permés solament per lhi mejans de secours e de vigilànça.

COMUNA DE VAUDIER

Província de Coni

ORDENANÇA SINDACALA N. 36 DEL 27/08/2024

OBJÈCT: CLAUSURA VIA DAL VALASC PER FENÒMENS DE DESLISAMENT APRÈS DE L’EVENT ALUVIONAL

LO SÉNDIC

Prés act que a partir dal jorn 26/08/2024 son encamin a se verificar de fòrtas precipitacions de pluelha sus lo territòri dal Comun de Vaudier;

Vist l'ordenança n. 35 dal jorn 27/08/2024 d'activacion dal C.O.C. Centre Operatiu Comunal;

Constatat que en la localitat Tèrmes de Vaudier – s’es verifiat de fenòmens de deslisament après las fòrtas precipitacions; en particular, son desbordats, al lòng de la via d’accès a la Plana dal Valasc, lhi valons laterals de “Cabrera” e “Cougnè”;

Tengut còmpte de l'actualitat e de la realtat dal perilh determinat dal grau desrèglement e da la deformacion de la charriera, que chama una intervencion al pus fito per la butaa en seguressa dal luec;

Retengut que aquela situacion, al-delà de constituir un perilh per l’incolumitat publica e privaa, a determinat l’interrupcion totala de l’unic liam viari que va da la region Tèrmes de Vaudier fins a la Plana dal Valasc, e lo consequént isolament de la part a mont de la fraccion mesma, ente se tròben qualques activitats/estructuras receptivas;

Vist doncas la necessitat, per intervenir a fin de gavar la situacion de perilh en cors, de proveire a la clausura de la via d’accès a la Plana dal Valasc;

Constataa la necessitat d’operar per protegir lo patrimòni public, per gavar la situacion de perilh en cors;

Retengut de deure intervenir ai sens de l’article 54 dal Decrèt Legislatiu n. 267/2000 e dins l’encastre d’aplicacion dal Decrèt Ministerial dal 5 d’aost 2008, per l’emission d’una ordenança destinaa al consolidament e a la securizacion di desequilibris sus mencionats, donat lo perilh per l’incolumitat publica e la contingéncia e urgéncia de la situacion;

Vists lhi articles 54, còmma 4, dal Tèxt Unic de las leis sus l'òrdre di Ents Locals, aprovat amb lo Decrèt Legislatiu dal 18 d’aost 2000, n. 267, parelh coma reglamentat pel Decrèt Ministerial dal 5 d’aost 2008;

Vist l’article 7 dal Decrèt Legislatiu n. 285/1992 e sas modificacions successivas;

ORDINA

De sonar mai las premèsses que devon èsser entenduas aicí integralment transcritas, coma parts integrantas d’aqueste dispositiu present.

De proveire a la clausura totala al transit veicular e pedonala del traçat de via que vai da la Region Tèrmes de Vaudier fins a la Plana dal Valasc.

Es totun garantit lo transit a hi mejans de secours e de vigilança.

DISPAUSA

Que lo personal encharjat proceda a la senhalizacion dal perilh abo lo posicionament de cartèls apropriats e d’una còpia d’aquest acte.

Que aquesta ordenança, al-delà de la publicacion a l’albo pretòri en linha, sie enviaa a las estructuras receptivas localas e sie publicizaa a travèrs d’avíses publics e sus la pagina d'acuelh dal seti dal Comun.

ESTABLÍS

1. Que còntra aqueste provediment es possible presentar un recors dins 60 jorns après la publicacion a l’albo pretòri en linha, al T.A.R. dal Pièmont, o, alternativament, un recors administratiu extraordinari al Cap de l’Estat dins 120 jorns après la publicacion a l’albo pretòri en linha;
2. Que la presenta ordenança sie enviaa:

a la Prefectura de Coni, Via Roma n. 3;

al Comandament de l’Estacion di Carabinièrs de Vaudier;

a l’Ente de Gestion de las Àreas Protectas de las Alps Maritimas, Plaça Regina Elena n. 30 - Vaudier;

a la Província de Coni, Sector Proteccion Civila;

a la Region Pièmont, Sectòr Decentrament OO.PP. e Defensa de l’Assestament Idrògeològic de Coni, Corso Kennedy n. 7/bis;

al Socors Alpin

a la Gardia de Finança;

al Comandament di Pompièrs de Coni.

LO SÉNDIC

Firmat digitalament

GIORDANA GUIDO

Es còpia parelh ma l’originala signat digitalament, en carta simpla, per usatge administratiu.

Vaudier, lo jorn _________________________ LO SECRETARI COMUNAL