Comunicacion dal séndic dal Vernant

Lo séndic dal Vernant, Giampiero Dalmasso, ten constantament enformaa la populacion sus diferents arguments d’enterès, aicí après qualqu’un:

Túnel dal Tenda: Anas conferma la dubertura lo jorn 20 de decembre en modalitat de chantier, malgrat quaulquas criticitats que demòran a resòlver; s’es decò parlat de l’estudi de faisabilitat de doas rotondas al Vernant, coma òbras compensatòrias necessariás per atenuar lo perilh de l’atraversament de la via après l’aument di fluxes.

Union montana: es estaa dubèrta na taula de discussion demandaa dal collèga Séndic de Rocavion per un retorn a la vielha Comunitat Montana Valadas Gès, Vermenanha e Pès. Seconda Dalmasso un tal percors pòl se realizar unicament abo un dialòg constructiu, que es já estat parcialament realizat abo la Green Community Margreen constituia, e abo un confront sus lhi objectius e orientacions de la Region Piemont, que trabalha actualament sus la definicion d’airals/zònas omogenèas. Al moment, se reten prematur praticar un percors sensa d’objectius clars, compresa la subrevivéncia dal GAL, que já es en derogacion per çò que tocha lo numbre minim de lhi abitants residents dins lo territòri de competénça.

Banca: la Cassa de Resparmi de Saviàn a confermat la volontat de duérber dins lhi actuals locals ex Intesa San Paolo pena que serèn fenit qualques trabalhs, probablament vèrs la fin de febrièr. Una chausia de lungimirança, que cercha de mantenir lo servici bancari dins de territòris já ben desfavorits e periferics.

Sit ex Vetreria: “Abo reconoissença e gratituda, s’anóncia que la Fondacion CRC a destinat la soma necessària per la recuperacion e la butaa en seguressa de las ciminièras. Lo Projècte FARO de la Fondacion serè acompanhat da un investiment dal Comun a travèrs lhi fons ALCOTRA, per realizar una intervencion artistica que capte l’atencion di automobilistas que passen sus la via estatala e di nombrós visitants dal nòstre vilatge. Sèm segur que aqueste novèl intervent pòsche èsser un bòn sinhal per presumir un nòu tabuis vèrs la recoperacion de tota l'òbra, que encara aüra presenta na vision de degrat pas pus acceptabla per las necessitats de nòstra comunitat.

COMUNA DAL VERNANT

PROVÍNCIA DE CONI

VERBAL DE DELIBERACION

DAL CONSELH COMUNAL N.26

OBJÈCT:

COMUNICACION DAL SÉNDIC.

L’an duimilavint-e-quatre lo jorn tretze dal mes de novembre a las oras dètz-e-uech e menutas trenta près de la sala de las reünions conselhiaras, convocat dal séndic abo avís escrits mandats a nòrma de lei, s’es reünit, en session publica de prima convocacion, lo Conselh Comunal, dins las personas de lhi Senhors:

Conhòm e Nòm Present

1. DALMASSO GIAN PIERO - Séndic òc 2. CARAGLIO MILENA - Vice Séndic òc 3. DALMASSO ENRICO - Assessor òc 4. VALLAURI ALEX - Conselhier òc 5. BERTAINA EZIO - Conselhier òc 6. DALMASSO DANIELE - Conselhier òc 7. GIORDANO LORENZA - Conselhier òc 8. CONTARINO SALVATORE MARCO - Conselhier òc 9. CARLETTO AGOSTINO - Conselhier òc 10. MACARIO FULVIO - Conselhier òc 11. MARCHESI MANUEL - Conselhier òc Total Presents: 11 Total Absents: 0

Assíst la session lo Secretari Comunal RICCIARDI DOTT.SSA FRANCESCA que fai la redaccion dal present verbal.

Essent legal lo numbre de lhi entervenguts DALMASSO GIAN PIERO dins sa qualitat de Séndic pilha la presidença e declara duberta la session.

Lo Séndic referis:

- Ajornament dal Tunnel:

Lo jorn 28/10/2024, ensems a lo Séndic de Limon, ai fait una visita sus l'òbra en cors. Lhi trabalhs van anant coma previst. Tant l'empresa coma Anas an confermat la faisibilitat tecnica d'una dubertura al transit, encara en modalitat de chantièr, vèrs lo 20 de decembre. Ai soslinhat, al delai de las dificultats de la fin di trabalhs, la necessitat de compréner en çò que consisten las modalitats de transit en regim de chantièr, mas subretot a qui tocha l'emission de l'autorizacion e sus indicacions de seguressa de part de qual òrgan competent. La respòsta semelha èsser que l'òner de l'autorizacion al transit sie a la charja de l’Anas, e que tot serè descutut dins la CIG, prevista per lo jorn 02/12/2024, per la quala, lo president dal Comitat de monitoratge a mandat una demanda a fin que lo territòri sie envitat, coma dins las darrieras reünions intergovernativas.

Sus las compensacions, restem en atenta de çò qu’es estat promés del Governator Cirio durant sa visita d’aost al chantièr, es a dire que, abo lhi fons d’Anas destinats a las navètas di trens avançats da la Region, se pòsche obténer una compensacion efectiva per las activitats comercialas dal territòri.

En çò que concèrn las compensacions a lhi Ents Públics, coma es ben coneissut, lo comun dal Vernant despuei qualques ans arcòrda a Anas, a totas las representacions politicas e a la Prefectura la necessitat absolua de realizar òbras per mitigar lo perilh de lo traversament de la via que divid lo vilatge. Lo comun já l’an passat a remetut l’estudi de faisabilitat per dui rotondas, après un monitoratge di fluxes que sens dobte van aumentar abo la dubertura del nòu tunèl.

• Situacion de l'Union Montana:

Coma es ben coneissut, es estaa dubèrta na taula de discussion demandaa dal collèga Séndic de Rocavion per un retorn a la vielha Comunitat Montana Valadas Gès, Vermenanha e Pès. Iu mesme, já dins lo darrièr Conselh de l’Union, aviu exprès de dobtes sus lo metòd, publicat en primièr sus las rets socialas e puèi portat a l’atencion di Sèndics. Un tal percors, en part comprensible, tant qu’encoratge a melhorar l’Ent o mielh lhi Ents — las Unions Montanas que en aqueste moment son gaireben totas en dificultat — pòl se realizar unicament abo un dialòg constructiu, que es já estat parcialament realizat abo la Green Community Margreen constituia, e abo un confront sus lhi objectius e orientacions de la Region Piemont, que trabalha actualament sus la definicion d’airals/zònas omogenèas. Al moment, considero prematur praticar un percors sensa d’objectius clars, compresa la subrevivéncia dal GAL, que já es en derogacion per çò que tocha lo numbre minim de lhi abitants residents dins lo territòri de competénça. Totas las evolucions serèn regularament objecte de discussion e portaas a l’atencion en Conselh.

• Destrech dal Comèrci:

L’Union Montana, en qualitat de cap fila de tuit lhi comuns que ne fan part, a decidut de participar a l’apèl d’ofèrta per la creacion d’un destrech comercial. Sèm segurs que l’adesion a aquela iniciativa portarè d’avantatges a l’ensems de l’economia dal territòri e en favor de tuit lhi ciutadans.

• Banca:

L’ultima discussion abo la presidénça de la Banca que deu remplaçar Intesa San Paolo sal territòri dal nòstre comun a confermat la volontat de duérber dins lhi locals actuals pena que serèn fenit qualques trabalhs, probablament vèrs la fin de febrièr. Convincut de la granda oportunitat que la nòva banca ofrirè ai clients e coma servici per tot lo territòri comunal, remerciem d’aüra en anant la Cassa de Resparmi de Saviàn que, abo lungimirança, cercha de mantenir lo servici bancari dins de territòris já ben desfavorits e periferics.

• Sit EX-VETRERIA:

L’Administracion aviá portat en Conselh l’aprovacion d’un esquèma de convencion per la recuperacion di dui ciminièras e dal sit que se tròba dessot d’aquelas, entegrats dins una zòna destinaa ai servicis seconda lo Plan de Recuperacion vigent entre lo Comun e lo proprietari dal sit, a definir se foguéssem estat financiats abo de fons adaptats. Abo reconoissença e gratituda, s’anóncia que la Fondacion CRC a destinat la soma necessària per la recuperacion e la butaa en seguressa de las ciminièras. Lo Projècte FARO de la Fondacion serè acompanhat da un investiment dal Comun a travèrs lhi fons ALCOTRA, per realizar una intervencion artistica que capte l’atencion di automobilistas que passen sus la via estatala e di nombrós visitants dal nòstre vilatge. Sèm segur que aqueste novèl intervent pòsche èsser un bòn sinhal per presumir un nòu tabuis vèrs la recoperacion de tota l'òbra, que encara aüra presenta na vision de degrat pas pus acceptabla per las necessitats de nòstra comunitat.

D’aquò s’es fait lo present verbal

LO SÉNDIC LO SECRETARI COMUNAL

F.to : DALMASSO GIAN PIERO F.to : RICCIARDI DOTT.SSA FRANCESCA

Firmat digitalament ai sens dal D.lgs 82/2005 s.m.i. Firmat digitalament ai sens dal D.lgs 82/2005 s.m.i.

Es còpia parelh ‘ma l'originala firmaa digitalament, per lhi usatges consentits da la Lei.

Vernant, lo jorn _________________

LO SECRETARI COMUNAL