A Entraigas lhi Campionats Italians d’Esquí Nòrdic Paralímpic

Febrier 2025. Lo 22 e 23 de febrier, l’ensem de las pistas d’esquí da fons d’Entraigas alotjarè lhi Campionats Italians d’Esquí Nòrdic Paralímpic, un aveniment de granda emportança per l’espòrt e per lo territòri. Es una competicion esportiva qu’emplica lhi atlètas abo disabilitats fisicas o sensorialas, que practicon l’esquí nòrdic, una disciplina que compren l’esquí da fons e l’esquí d'orientacion. Aquisti campionats son organizats per ufrir a quel que a una disabilitat l'oportunitat de compèter a nivèl nacional dins una disciplina que demanda fòrça, resistença e abilitats tecnicas.

Consideraa l'emportança de l'iniciativa e pensant de collaborar a la bòna reüssia de la manifestacion, la Comuna d'Entraigas a concedut lo patrocini gratuït de l'Administracion comunala, autorizant l'associacion « Discesa Liberi », organizatritz de l'aveniment esportiu, a adobrar lo símbol e lo nòm de la Comuna d'Entraigas coma Ent patrocinant l'iniciativa, dins tot lo material enformatiu que serè realizat per publicizar lo projècte.

Lhi Campionats Italians d’Esquí Nòrdic Paralímpic a Entraigas se preanóncion coma un aveniment de grand valor pas masque esportiu, mas decò social e territorial. L'entusiasme e lo sostèn de las enstitucions, de lhi organizaires e de lhi atlètas confermen la centralitat d'aquesta competicion dins lo panorama esportiu italian.

Serè una bòna ocasion per far conoisser l’estructura esportiva d'Entraigas, la natura a l’aviron e la passion d’aquilhi que vivon e trabalhon abo la neu, ressorsa fondamentala per lo territòri, dins una bèla cornitz d'espòrt e d'enclusion.

COMUNA DE ENTRAIGAS

PROVÍNCIA DE CONI

VERBAL DE DELIBERACION DE LA JONTA COMUNALA N.16

OBJÈCT:

Campionats Patrocini. Italians de Esquí Nòrdic Paralímpic. Concession

L’an duimila vint-e-cinc lo jorn dotze dal mes de febrier a las oras dètz-e-set e menutas trenta-e-cinc près de l’abituala sala de las reünion, regolarament convocaa, s’es reünia, la Jonta Comunala, dins las personas de lhi Senhors:

Conhòm e Nòm	Present
1. PEPINO Gian Pietro Matteo - Séndic	òc
2. FANTINO Massimiliano - Vice Séndic	òc
3. BONELLI Barbara - Assessor	oò
Total Presents:	3
Total Assents:	0

Assíst la session lo Secretari Comunal FENOGLIO dr.ssa Laura que fai la redacion dal present verbal.

Lo President, reconoissua legala l’adunança, declara duberta la session.

LA JONTA COMUNALA

Vista la demanda pervengua da part de l’associacion “Discesa Liberi” per la concession dal patrocini gratuït per l’iniciativa esportiva sonaa: “Campionats Italians d’Esquí Nòrdic Paralímpic” que se passarè a Entraigas lo 22 e 23 febrier p.v.;

Consideraa l’emportança de l’iniciativa e retengut donca de dever collaborar a la bòna reüssia de la manifestacion, ne concedent lo patrocini gratuït de l’Administracion comunala;

Acquisit l’opinion favorabla en foncion de la regularitat tècnica de l’act seconda l’article 49 dal Còdè Unitari de las leis sus l’organizacion de lhi Ents Locals, Decret Legislatiu dal 18 d’aost dal 2000, n. 267, per lo Responsable dal Servici enteressat;

Abo votacion unanma exprèssa per auçaa de man

DELIBERA

1. De concedir lo patrocini gratuït de l'Administracion Comunala d'Entraigas a l'iniciativa sonaa « Campionats Italians de Esquí Nòrdic Paralímpic » que vai se realizar a Entraigas lhi jorns 22 e 23 de febrier p.v.

2. De autorizar l'associacion «Discesa Liberi» a adobrar lo símbol e lo nòm de la Comuna d'Entraigas coma Ent patrocinant l'iniciativa, dins tot lo material enformatiu que serè realizat per publicizar lo projèct.

3. Abo votacion unanma separaa e manifèsta, lo present act es declarat immediatament executable seconda l’art. 134, còmma 4, dal Còde Unitari de las leis sus l’organizacion de lhi Ents Locals, Decret Legislatiu dal 18 d’aost dal 2000 n. 267.

Lesut, confermat e sotsinhat

Lo Séndic Lo Secretari Comunal

Firmat digitalament Firmat digitalament

PEPINO Gian Pietro Matteo FENOGLIO dr.ssa Laura