Quont la nuech vai a la fin

e lou soulei a la pouncho d'ei jour

estegn, uno apres l'autro, les esteles d'amoun,

les esteles alpines

en respoundont ai derrier salut

des sorres que les soun ton haut

se navìsoun que les on piourà:

de na terro grinour es la rousà

que lou soulei, pianet pianet,

mentre al caresso les hautes mountagnes

embrasso oubé de quiar de perles

per pourtar ai ciel oubé soun chaut

aques grimes de verginità

perqué degun les degaste pa.

E les esteles alpines

d'uno peno se fon counfionço:

les àvoun paous coumo 'n bot

i ceitour a chantar,

i pastre, les fies,

i pastouret a uchar!

Les àvoun de vous estragères,

trop souvent les soun eschanquà

que les fon preisounières

per les pourtar vio senço pietà,

sarà estreches per anar murir

aval-ain oubé lou cor brisà

per la grinor d'i lour valoun...

« Leisànous vioure "a nosto modo" »

les piouroun les esteles alpines,

e vousantres, gent de nostres mountagnes,

restà oubé nous, anà pa vio,

fiourissé 'n te sé piantà,

"a nostro modo"

steles luzentes

de fe' e d'amour:

per lou Signour de toutes les esteles,

per i fraire de toutes les terres,

testimounionçes viventes

de tradicioun gaiardes,

oubé lou cor de toutes

les generacioun mountagnardes ».